وش رايكم بــالــ FJ كروزر..

السياره لايعلى عليها وتستاهل كل ريال دفعته فيها ...

بس حسب كلامك أن العائله دائماً معك وياليت لو تستأجر FJ يوم واحد أو يومين وتتمشى مع الأهل وصدقني راح تعرف هو يصلح لك ولالا وقيمة الآجار 500 أو 600 ريال تدفعها أحسن من أنك تدفع فوق 100 الف ريال لسياره ماترتاح لها أنت و عائلتك ...

تحياتي لك ...

مممممم صراحه انا محتار...يعني السيارة اوكي..لكن ياجماعة الخير اكثر مشاوير الأهل معي.."مع العلم اني عزززابي." لكن الوالد معتمد علي بعد الله..واللندكروزر..صراحه خاااشن مخي..فهل تنصحوني فيه؟؟




f i n e

سياره شبابيه
يعيبها سعة خزان الوقود
لكن أرى أن البعض يرهمون لها
خزان وقود إضافي

طيب الافضل تسأل عن عيوبه قبل مميزاته لان مميزاته مكتوبه بكل مكان

انا اشوف من عيوبه والتي منعتني من شرائه

1- سرعته القصوى 180 !! يعني الددسن تروح عليه !!

2- شبابي ولا يصلح للعائله بشكل واضح

3- طريقة قتح الباب الخلفي غبيه شوي

4- المراتب الخلفية ضيقة جدا

5- شكله غريب شوي البعض يحبه والبحض مادخل مزاجه (انا معجبني جدا)

ويليت يضيفون الاخوان المجربين ماعندهم من عيوب عشان تشتري وانت على بينه اكثر
واكيد مافيه موتر بدون سلبيات ولا عيوب لكن على حسب رغباتك ! تحدد هل يناسبك ام لا

^^^^

اذا كنت شبابي باختار الاف جي وانا نايم

اما عائله بختار الاند كروزر

الله يكتب اللي فيه الخير..بس لو خيروني بينه وبين لاندكروزر جي اكس ار من 2004 حتى 2007 وش تنصحوني فيه..؟؟



f i n e

ســيــارة بـمعـنى الكلمـه وتستاهـل سعرهــا ..

راحـه - قــوة - شبابيه - امكانيه التعديل بها زي ماتبي - اكسسوارت لها لليل ..

قيادة السيارة حلـوة غير عن السيارات . . وسيعه قدام اما المراتب الي وراء

ضيقه شوي ..

قطع غيار راح يتوفر بكميات كبيرة والسبب كثرة المبيعات ..

السيارة عندنـا بالبيت زي الحلاوهـ ..

يعني تـوكـل على الله ودامه داخـل مزاجك .. ماعليك من الناس ..

ماراح تلقى سيارة بالمواصفات هذي أرخص منه سعرهـ معقول لـو وصل 125 ألف ..

تحياتـي ومبروك مقدمــا

المواصفات ::

1. 6 سي دي
2. 8سماعات مع سب اوفر موجود بالشنطه
3. 8 ارباقات
4. 6 سلندر 24 صمام 240 حصان المكينه طولي على شكل V وراسين للمكينه
5. دبل قير
6. حساسات خلفيه
7. تحكم دركسون
8. مثبت سرعه
9. مراتب والاضيه ضد الاوساخ وسهل جدا تنظيفها
10. هوك خلفي للقلص ( دبابات وغيرها )
11. جتوط كروم 16 مع كفرات 265
12. بوصله + درجه الحراره + مستوى ميلان السياره
13. قير اوتو 5 سرعات
14. هزاز
15. نظام التحكم بموازنه الكفرات عند الغراز A-trak
16. مانع انزلاق وABS ومدري كم نظام اخر
17. كاميرا خلفيه بالمرايه مع مرايه FUl lite
18. ريموت كنترول
19 . دبه رياضيه حلو صوتها
20 . مدخل AUX




السياره تمام التمام وتقدر تركب فيها الاي تبي ونزلت لها شاشه مع ضمان سنه فيها تلفزيون وكاميرا وخريطه ومن دون قص وفك بس تركيب يعني الموتر رهيب واكسسواراته متوفره بكل مكان حتى بالبقاله هههههههه


واي استفسار انا حاظر

لا مبالغ ولا شي،،،

سياره مره قويه ومريحه وشكلها حلو وفيها ٦ سيديات وكاميرا وميكف موب صاحي ما شا الله وعزم خرافي بالنسبه لجيب،،، وبـــ١٢٢ الف بس !!


سياره روعه واخاوي كونان شيك عالخاص :)

حلو بس سعره مبالغ فيه والله أعلم :)

مشكور يا عزيزي..على ردك..


يااهوووووووووووووووووه انتم دايم مطنشيني ليه..؟<<<يحس انه في فيلم عربي..




تكفون نبي شوركم..


f i n e