أين الطعوس في منطقة الرياض..

تم نقل الموضوع لهذا القسم حتى تعم الفائدة الجميع ..

تحياتي أخي [COLOR=limegreen] الفني |3| .

[/COLOR]

يبدو أني تسرعت في كتابة الموضوع ..

ىسف يا جماعة .. تأخر سفري إلى ما بعد الحج ..
ولكن بإذن الله سوف آتي بعد الحج بأسبوع أو أسبوعين ..

ونشوف آخرتها مع طعوسكم ..:D

مارين يا اخوي الطعس الي تقوله حق معبر الجمال هذا مافيه تجمع على حسب علمي رح لطعس التحدي يالفني تلقىانواع السيارات والتجمع بالخميس والجمعه والاربعاء الصبح وقت الدراسه تلقى تطعيس وتفحيط بعد بس انتبه للدوريات ................

ألف شكر للجميع ...

آمل أن نراكم هناك ..
مارين الشرف لي وليس لك أخي الحبيب .

اخوووي الفني

مساك الله بالخير


بصراحه ما قصر اخوي أبوسليمان

واكثر يوم يتجمعون فيه الشباب يوم الجمعه بس الخميس تلقى شباب


مع تحياتي

اخووكم مهمووم

السلام عليكم

حياك الله اخوي الفني وكان ودي اني موجود بالرياض هاليومين على شان نقابلك ...

اذا تبغى طعس من اصعب طعوس السعوديه فهذا وصفه وسهل جدا ...

اطلع مع خط القصيم السريع وبعد مسافه حدود خمسه وعشرين كيلو بيجيك نقطة تفتيش

وبعد نقطة التفتيش بيجيك اول مخرج مكتوب عليه مخرج جمال اطلع معه وخذ يمين مع

طريق ممسوح وبتشوف الطعس من اول ما تاخذ مخرج الجمال اذا وصلته بتحصله

مسكر بشبك امش جنب الشبك وانت مخلي الشبك على يمينك بتحصل فتحه بوابه بدون

مخيمات ادخل معها واطلع مع الجهه الثانيه وامش جنب الطعس الين تجي قدامه

والجهه الي نطلع معها الطعس ما فيها رمل وهي اصعب جهه بعد ما تجرب وتخلص

اطلع مع الطريق الي جيت معه ورح يسار بمحاذاة الطعوس حيث تطلع الطعوس على

يسارك مع طريق ممسوح وممهد بعد كم كيلو بيجيك طعس ثاني لكن اصغر من الاول

الي نسميه الهرم الكبير والهرم الصغير بالنسبه للهرم الصغير بتحصل فيه ناس كثير

معهم بانشيات وجيوب وبعد ما تجرب فيه امش على نفس الطريق مخلي الطعوس على

يسارك ايضا لحد ما يجيك الازفلت على شكل حرف تي خذ مع الاسفلت يسار وامش

لحد ما يجيك تقاطع خذ معه يسار وبتشوف زحمه كبيره هذا طعس التحدي بس لا تجرب

فيه لانه من كثر الطلوع صار صغير مره حتى اصبحت الكوابرس والكراسيدات تطلعه...

ارجو ان اكون قد وضحت لك الوصف وهناك طعوس اخرى اصغر من الهرم الكبير

قليلا وهي المحليه على طريق الجاز وكذلك خراره على طريق الحجاز ايضا عند

المزاحميه ولكن روادها اصبحو قليل جدا لبعد المسافه ...

وتقبل تحياتي

مارين

أذا كنت تدور عن طعوس قويه
فطلبك مهب بالرياض
يعني لا تجي وأنت مأمل أنك تشوف طعس سيصعب عليك طلوعه

وهذا وصف طعس التحدي الثاني

الى مسكت طريق الدائري الشرقي كأنك متجه للمطار ووجهك شمال يجيك على اليمين بعد مخرج 8 شركة سابك عماره كبيره وواضحه ويجيك بعده بشوي على اليسار جامعة الإمام محمد إبن سعود الإسلاميه كما هو موضح بالصوره وبعده مباشره يجيك مخرج على يدك اليمين ينزلك على طريق الثمامه أمسك الخط هذا لمين يجيك دوار المنطقه هذي يكون يمينك ويسارك منتزهات ترفيهيه خلك على نفس الطريق يجيك دوار ثاني (أسمه دوار العويضه) وعلى يسارك محطة تابع طريقك كما هو موضح بالصوره بعدين يجيك مفرق الجنادريه والتنهات والصمان على يدك اليسار أستمر لمين يجيك نادي الفروسيه والجنادريه على يمينك أيضاً أستمر يجيك شارع على يمينك (البويبيات) أتركه وأمش قدام وبعده يجيك شارع على اليمين (البويب الرمحيه رماح) مقابله محطه أسمه خزام تقدم حوالي 200 الى 300 متر ثماً أدخل الطعوس الي على يسارك خمسين متر وتجد الطعس أنشالله

بخصوص وقت تجمعهم
أنا ماروح هناك الى يوم الإربعاء بعد صلاة العشاء
ولا ودي أفتيك بيوم الخميس والجمعه لأني ماروح هناك

وأي أستفسار أنا تحد أمرك

تحياتي
أبوسليمان

يا جماعة .. لم تذكروا كيف أصل هناك ...؟؟؟:mad:

يا فني فينك محنا قادرين نصيدك!

بالله عليك رد على موضوعي اللي في منتدى الورشة
بخصوص تغيير ماكينة اللاندكروزر fj-40 موديل 82 او 83 الى ماكينة شفر

وبرضه اللاندروفر ديفندر اقدر اركبله مكينة شفر ولا لا؟؟؟؟؟:confused:

والله أفضل شي الثمامه وفيها
1-طعس التحدي الأول
2-طعس الملاهي
3-طعس التحدي الثاني
4-طعس المطوع أو النقا
5-طعوس العاذريه المتفرقه

أفضل شيء...؟؟؟