رانجلر 2008 يا انا يا هو :(

هذه السيارة تسوى فقط 79 ألف ريال في أمريكا ... يعني الوكالة غاشينك بالسعر ، انصحك أنك تنتظر التخفيض إلى أن تصبح بهذا السعر

وإذا تحب السيارات العالية الشبابية فانصحك بالرانجلر لأن ما في سيارة أقوى منها وتصلح حق تمشي بالمدينة وطلعات البر والبحر !

انت جربتة وحكمت علية كذا؟

الرانجلر الجديد مرة ناعم واريح من مواتر كثير نستخدمها استخدام يومي

وايش دخل الشروكي بالرانجلر ؟

الشروكي انقطع بسنة 2001 ونظامة زي الرانجلر حتى موديل 2006 ومن 2007 نظام الرانجلر مختلف تماما من ناحية المكينة والتعليق

والله يا أخوي حرام تدفع مبلغ وقدره على رانجلر لا وبعد تستخدمه داخل المدينه هذا الجيب ماينفع الا في البر والمناطق الوعرة فقط فقط حتى تصميمه يدل على ذلك ...وعلى ما سمعت ان خرابات الشيروكي كثيره

أنا أنصحك بـــFJ كروزر والله جيب محترم سواء للإستخدام اليومي او للبر لكن عيبه مافيه مواصفات
كثيرة لكن بشكل عام ممتاز جدا...

الرانجلر الجديد مرة مريح وواسع بالنسبة للموديلات الي قبلة ولاتسمع نصيحة واحد ماجرب الموتر .الرانجلر عندنا من سنة 93 وبعدة اخذنا 95 وموجود لليوم ومعدل وانا اشتريت 2002 وعدلتة ولليوم استخدمة استخدام يومي واصحابي عندهم باقي الموديلات ومنها الجديد وبعضها مرفوع وبكفرات كبيرة ومرة مريح ..لكن عيبة الوحيد بالبر اضعف بقليل من الموديلات الي قبلة لكن بالشارع روعـــة

ومافي امل تمل منة حتى لو بعد 5 سنوات استخدام يومي

واذا حبيت تاخذة وتعدلة هذا ايميلي

[EMAIL="jeep_055@hotmail.com"]jeep_055@hotmail.com[/EMAIL]

أنا منهبل عليه بعد لكن عيبه محركه وأهم شيء أنه يتبع كريسلر
وأخوف شيء إنها تفلس وتنشب سيارات جيب ودودج وكريسلر بحلوقنا مثل الحسك لا ينبلع ولا ينلفظ
والشركة هذي كريسلر من قبل الأزمة وهي متعثرة مالياً فما بالك الآن ..

المقصد بالسنة الجاية ليس

مثل هذا الوقت من العام القادم

لا بل يقصد إلى بداية السنة الميلادية الجديدة 2009 يعني كلها شهر وكم يوم

وذلك إن الشركات الأمريكية بدأت بتصريف السيارات بسعر راس المال يعني

الشركة راح تنزل من مربحها بصورة خيالية

وراح تضغط على الوكلاء إنهم ينزلون لتصريف البضاعة

يعني أصبر شهر أو 2 ويمكن تلقى أبو 100 بي 60

والله على كل شئ قدير

- أخوي إذا إنت مهتم بالملاحة أبحث عن أي سياره تعجبك

وركب لها شاشة ملاحة ب4 أو5 أو حتى وكالة 10 في أفضل الأحوال

والسلام عليكم

نصيحتي لك إذا كان ما فيه عشق خاص لهذه السيارة، خصوصا أنك لست راعي بر، إبعد عنه. إذا الهدف شاشة ملاحة وارتفاع فالخيارات كثيرة غيره.

إذا كنت من عشاقه ورح تحافظ عليه وتصلحه عند خبراء (وليس عند الوكيل) وكنت راعي بر خذه.

انصحك تاخذ اف جي 2008

عليه عروض
الفل كامل ب 114 الف

او 2009

وفيه زيادات حلوه كثير

والله وانا اخوك ما انصحك بالشيروكي لانه معروف خراباته واااجد وقطع غالية

وترى لايغرك عزمه مابه زود 199 حصان على 3.8 CC الي يميزه خفة وزنه فقط !!

وبالنسبة لنزول الاسعار بعد ثلاث شهور الى اربعة راح تنزل 40% إن شاء الله <<< على ذمة المحللين

واذا تبي نصيحتي خذ الاكس تيرا 2009 زادوا عليه بعض التعديلات الرائعة وعزمه جبار

ويكرف وقطع غيار معقولة .. وبالتوفيق ..

مع احترامي لاختلاف الاذواق ، واقتناعي ان اللي نفسه بشئ يسويه وما يسأل بحد ، لكن بالنسبة للرانجلر تحديداً فهو من اكثر السيارات تخصصاً وصمم لغرض واحد لا ثاني له وهو البر والطرق الوعرة والصعبة وكل شئ فيه يدل على انه صمم لهذا الغرض لا غير ، المشكلة اخوي اذا اشتريت الرانجلر واستخدمته فقط للاستعمال العادي اليومي وخطوط وتمشي ، بعد فترة بسيطة رح تمل منه ورح تلاحظ انه ما فيه متعة والاخ اللي قال الرانجلر سيارة جافة على الخطوط ، واللي قال انك تدفع فلوس زيادة بشي ما رح تستفيد منه ، اعطوك الزبدة ، الرانجلر يصلح فقط كسيارة ثانية كونه متخصص جداً ولمهام محددة اذا استخدم فيها يكون ممتع وما تتوقع انك تستمتع فيه كسيارة عادية بالعكس . هذي وجهة نظري وانت صاحب القرار .

شوف يالغاالي دام السيارة معجبتك لاتاخذ برأي أحد أهم شي أنت مقتنع برأيك
والناس لو من ألحين إلى مابعد عشر سنين ماراح تقتنع برأيهم

والسيارة ماعليها كلام حلووة توكل على الله وأستخر وأنبسط

تحيآتي

الله يعطيكم العافيه على الردود وانا بصراحه ابي السياره لانها ميب موجوده بكثره واحب السيارات الي زي كذا :emot154:

والي عنده اي اقتراح لسياره ثانيه وقريب السعر لها ياليت لو يقولي

اخوي انصحك تاخذ الجيب ابو 5 ابواب

احسن واحلى

وانصحك تاخذ لون عنابي او اخضر غامق

صدقني ماراح تندم

وترا السيارات ماراح ينزل سعرها بسبب الازمه ولا شي كله اشاعات وكلام فاضي

شركات السيارات مشتغله الخليج اكبر استغلال وجالسه تصرف كل سياراتها عندنا

عشان ما اتأثرنا بالازمه

قيد جربت السياره حتى تقول كلها خرابات؟؟؟؟؟

غريبين الناس

يتكلمو عن السيارات وهما مايدرو عنها شي

يا أخي العزيز أذا انت عاشق للسيارة ونفسك فيها ماعليك من الي يقولي خربات وخرابيط ..
سواقتك تمام تقوم بالصيانات الدورية والله السيارة تعيش معك سنوات ..
والرانجلر سيارة ماعليها كلام مايأخذه الاشخص محب بكل معنى الكلمة لهذا النوع من السيارات

مع واحد من اخوياي نفس السيارة والله انه مطلع عينها تتطليع وماشيه معاه زي الحلاوة
لاتنسى الاستخارة

اذا لم تكن راعي بر وعاشق السياره فعلا فلا انصحك بالسياره لاسباب كثيره اولا سيارات شركة كريزلر معروفه بكثرة طلباتها وصيانتها ثانيا الرانجلر سياره جافة على الخطوط غير كذا ليست واسعه من الداخل
لكن انصحك ما كنت راعي بر خذ من سيارات الكروس اوفر والتي توفر لك مزايا سيارت الدفع الرباعي ولكن على الخطوط مثل الايدج والموارنو او لكزس 330 او مازدا cx-9 او على الاقل ممكن تاخذ جيب ولكن متعدد الاغراض اكثر مثل الفونتشر او راف فور او نيسات اكستيرا والخيارات عديده
ولاتنسى الخيره

حرام تاخذ رانجلر وانت ماتروح البر كثير ..
دور لك اي جيب اقل مستوى من الرانجلر لانك تدفع فلوس زيادة بشي ماراح تستفيد منه

نصيحتي إبعد عنه قدر المستطاع وخذ لاندكروزر ربع 2008 أفضل لك
لأن الرانجلر مشاكله كثيرة
لكن يبي تزيد المبلغ شوي عشان تاخذ الربع حق التويوتا