هناك سؤال دائما يطرح نفسه بغض النظر عن نوع الموتر اللي معك وهو
كيف أطلع من التغريز الغير متوزي وموتري مافيه دفلوك؟؟؟؟
الجواب:
1- يجب أن يكون معاك ماطور هواء وهو من الأساسيات في كل جيب
2- قم بتنسيم الكفرات اللي ماتدور يعني اللي الموتر جالس عليهن ( بنشرهن بالكامل)
3- الكفرات اللي تحفر بالرمل احفرهن شوي علشان يكون للموتر مجال انه يتحرك
4- حرك الموتر وبيطلع علاطول
تنبيه: اذا شفت انك مغرز مثل هالتغريزه لاتحاول بالموتر وبعدين تطبق اللي أنا قلت (لأ) طبق اللي أنا ذكرت علاطول علشان ماتحرق الكلتش
وبكذا تكون مو بحاجة أحد يسحبك وانت راكب جيب
أما من ناحية الطين فما أنصح إلا انك ترجع الموتر لواحد قبل يوقف وادعس البنص لآخر شي يبي يفرفر فيك الموتر يمين وشمال بس أهم شي ماتنشب بالطين
وبالنسبه لتجاوز المياه الراكده تأكد أولا ان الأرض رمليه وليسة طينيه وتأكد ان متستوى ارتفاع الماء ماراح يوصل لفتحت دخول الهواء للمحرك واذا تأكدت من الأمور هذي وجزمت تدخل ادخل بسرعه منخفضه جدا لأن ظرب الماء لوجه الموتر له ارتداد قوي يستهين به أكثر الناس وبعد ماتدخل زود سرعتك وامسك الدركسون (الطاره ) بشكل مستقيم وانتبه تلفلف لأنك ممكن تنزل نفسك بحفره أنت منت شايفها أصلا أو انك تخل بتوازن الموتر ويتوقف الدفع عن الجهات اللي وزنها أخف بعدين تغرق أنت وموترك
بإنتظار التعليقات منكم ياشباب
