فزعتكم يا اخواني اعضاء منتدى السيارات عن البورش 911 كاريرا

الجوكر555 @user_137067 · 17-12-2008

السلام عليكم ورحمة الله وبركاته

كيف حالكم اخواني اعضاء منتدى السيارات , انا ناوي ان شاء الله اخذ بورش كاريرا 911 العادي مو اس , بغيت استفسر عن السياره اذا فيها مشاكل وابي اعرف اعتماديتها هل تصلح للاستعمال اليومي وعن اسعار السيرفس و بغيت للي جربو السياره يقولي عن المشاكل اللي واجهتهم ولي منكم جزيل الشكر

محمد911 @user_79711 · 25-12-2008

انت ماذكرت وش موديل الكاريرا وهل انت بتاخذ جديد ولا مستعمل, عموما البورش صيانتها غاليه اشوي وحساسه لدرجه ماتتخيلها يعني يبي لها محافظه غير كذا صيانه اول بأول, من خبرتي بالبورش اذا اشتريت نصيحه اخذ قير عادي واحذر من التبيترونيك هذا اول شي غير كذا اذا بتاخذ مستعمل اخذ من 2005 وطالع واذا اقل من 2005 اخذ سياره تكون ماشيه قليل وحط في بالك شي مافيه ورش في السعوديه تصلح البورش غير الوكاله الا في الرياض وورشه وحده بس صاحبها اسمه ابو تركي ومجنون. واخيرا اذا تبي تتميز بالبورش لازم تدفع ضريبه وهي المصاريف اللي بتدفعها وانا كان عندي وحده دفعت فيها صيانه خلال سنه وحده بس اكثر من 23 الف ريال.
تحياتي
:emot62:

wjdy353 @user_76835 · 25-12-2008

حبيبي بشكل عام السيارات الألمانية سيارات حساسة ولازم تحسب لها ميزانية خاصة لتكلفتها , بالنسبة لصيانة وقطع غيار سيارات بورش و انا لا اعلم سعر اي قطعة في السيارة ء أكد لك انها باهظة جدا جدا وخصوصا ان وكيل الشركة ساماكو يعني بالعربي لازم يكون عندك ميزانية قوية وانت قلت تبغاها للأستعمال اليومي معناتة استهلاك للسيارة اكثر اذا سيرفس وقطع غيار اكثر من وجهة نظري السيارة تصلح تكون سيارة اضافية للخروج والتمشيات فقط .