ما انطباعك عن الباترول

طيب وش اسويلك يعني؟
انا قلت انه مايصرف !!!انا قلت ان محرك الفتك اقل صرفيه من محرك 4500 للباترول وحط ترليون خط تحت الباترول يعني ماجبت طاري الكروزر.
اذاكان صديقك يقول انه يصرف بنزين خله يقلبه ديزل ولا يبيعه ترى الباترول مطلوب بالسوق:ch19: .
اول شي انا ماجبت طاري الاندكروزر لاتتقول علي وثاني شي ماحد قال الكروزر فاشل . فيه ناس ماتعجبهم .وثالث شي وبالنسبه للمقارنه انا اعتقد ان الجيوب السخيفه والتافهه لو مالقوا ناس يعشقونها كان مانزلوها عندك يعني اذا كنت تعتقد انها سخيفه وتافهه فارجوك احتفظ برايك لنفسك لانه محد قالك اشتر الناس مبسوطه ومستانسه انت وش مضيق صدرك .

هو فعلا يصرف بنزين هذه نقطه مايختلف عليها اثنين انها تخلف بس ترى مب لذيك الدرجه اللي تكرهك بالموتر يعني التانكيين يمشيك من 600 الى 650 كيلو توصل الى 700 كيلو مع حب الخشوم وسرعتك مابين 120و140 اعتقد انه ممتازه خصوصا ان البنزين رخيص عندنا .وحط ببالك ان التانكي الثاني تفلله ب15 ريال 95 واحسبها عاد يعني التانكي الثاني صغير .
الاكم يمشيك الفكسار اذا فللت التانكيين؟

يابو سعود الفرق لا يذكر ويظل محرك الفتك يصرف مقارنه بعمره وبداية نزوله الرسمي

اخوي 8100 تراني من محبين اللاندكروزر لكن خف علينا شوي تكف

الرجال ماقال شي فقط يوضح مادري وش مقصدك من تعليقك على رد الرجال بردك هذا

على فكره فيه ناس معهم فتكات مااشتكوا منها صحيح صبره وتحمله ماهو مثل اللاندكروزر

لكن هذا مايمنع انه نعطي الفتك حقه

واذا انت شفت حاله او حالتين ماهو معناه انه كلها سيئه

نعم اخي الكريم
نفس الاسطوانه

انا اعرف صاحبي عنده فتك فل جديد
ندمان انه اشتراه بسبب صرفية الوقود
و آخر يشتكي من مشاكل الكهرباء
و اللاندكروزر لا يعاني اي منهن

بما انك ذكرت اللاندكروزر مع انه موضوع ليس عن اللاندكروزر
و مع هذا فلا مانع من ذلك ولا نستغربه لأن الناجح ( اللاندكروزر ) دائما محط المقارنات و الأنظار
مع العلم أنه قورن في ما سبق مع جيوب سخيفه و تافهه

انا اتفق مع ابو منصور للمعلوميه ان محرك الفتك اقل صرفيه من محرك الباترول 4500 ولو تلاحظون معي بان غالبة محركات النيسان تصرف بنزين ماعدا محركات الvq فهي اقتصاديه جدا وبعض محركات البخاخ اربعه سلندر كالصني وغيرها .

يابو فهد صرفيه الفتك مثل صرفيه اللاندكروزر 6 سلندر 4500

مع انه محرك الفتك صنع عام 2002 ومحرك التايوت الـ 4500 مصنوع عام 94 ومع ذلك نيسان ماتفوقت على تويوتا في صرفيه البنزين مع انه محرك التايوت اقدم بـ 9 سنوات

اما الفكسار بمحركه الثمانيه سلندر صرفية افضل من الفتك بواجد ولا فيه مجال للمقارنه

مع انه 8 سلندر ومصنوع عام 98 اي اقدم من محرك الفتك بـ 5 سنوات

انا اعرف صاحبي عنده سوبر سفاري فل جديد
ندمان انه اشتراه بسبب صرفية الوقود
و آخر يشتكي من مشاكل الكهرباء
و اللاندكروزر لا يعاني اي منهن

بما انك ذكرت اللاندكروزر مع انه موضوع ليس عن اللاندكروزر
و مع هذا فلا مانع من ذلك ولا نستغربه لأن الناجح ( اللاندكروزر ) دائما محط المقارنات و الأنظار
مع العلم أنه قورن في ما سبق مع جيوب سخيفه و تافهه

الباترول القديم يصرف أكثر من اللندكروزر

أما الفتك فيصرف أقل نوعا ما من اللندكروزر

معلومة صرف البنزين انتهت بنهاية 2001

الباترول يوجد فيه نظام الملاحة وحساسات امامية وخلفية هذا بالنسبة للسوبر سفاري شاكرين مرورك يالغالي

تكملة لموضوع السوبر سفاري 2008 وغيره من موديلات الباترول لاحظت

ضيق المساحة الداخلية وهذا الشيء من الفروق المهة اللي بينه وبين اللاند لكن يبقى

له جاذبية خاصة الموديلات الاخيرة من 2006 وفوق وأعتقد انه اقرب للشباب من

اللاند .. والكلام يطول عن الباترول واللاندكروزر .. .



يتبع الكلام عن موديل السفاري من الباترول ..

وأعتذر عن الاطالة .. .

السلام عليكم .. الباترول موتر ممتاز وهو اللاند المتنافسين الابرز بعالم

سيارات الدفع الرباعي وخاصة ( الصحراوية ) الحقيقة انا مر علي أكثر من

باترول وكلها سياحي ماعدا إثنين موديل 2008 سوبر سفاري وهو موتر أخوي

والثاني سفاري ( فرش أسود ) وهو موتر الوالد الخاص بطلعات البر .بالنسبة

للسوبر فهو موتر جيدجداً لكن ينقصه الكثير من المواصفات هذا اذا قارنته بفكسار

2004 وهذا الشيء الغريب اللي لاحظته ان الفكسار 2004 أفضل من ناحية

المواصفات من السوبر 2008 !! وخلنا نأخذ أقل شيْ وهو تعديل الدركسون

الفكسار التعديل آلي ويتحرك تلقائي لما تحط المفتاح علشان مايضايقك عند الركوب

أما السوبر فالتعديل يدوي مثل السياحي !! طبعا لاننسى الفرق بين الباترول الخليجي

والسعودي لانو في فروق كثيرة ومهمة مثل الثلاجة الخلفية وطي المرايا الخارجية

بضغطة زر والونش الامامي والشاشة بالنظام الملاحي والحساسات الخلفية كل هاذي

المواصفات لو وجدت في الباترول السعودي كان خففت الفرق بينه وبين الفكسار الـ 2004

على الاقل .. ولاننسى أن السوبر 6 سلندر وهنا علامة إستفهام ليه ماطوروه ليكون 8 سلندر ؟



يتبع ...

قد يكون كلامك صحيح والله اعلم وبالنسبة للكروزر يظهر صوت في البيبان الخلفية شاكرين مرورك يالغالي.

ألف شكر اخوي على الرد وبالنسبة للهربدة انا بالنسبة لي اروح فيه جلد ورمل وامشي فيها بسرعات عالية والحمد لله ماحسيت باي هربدة شاكرين مرورك مرة ثانية لكن مع مرور الوقت الله اعلم.

مشكور اخوي وفعلا من جربة مايحب غيره والله يعطيك خيره ويكفيك شره ويعطيك العافية على الرد

ممكن في الموديلات القديمه بس من موديل 2000 م وفوق تغير بشكل افضل اعرف واحد من الشباب عنده موديل 2000 لاعب فيه لعب وحايسه حوس ويوم تركب معه لا رجه ولاشي واعرف واحد ثاني عنده في اكس ار لاند كروزر والله انه من يوم تركب معه تحس بجميع انواع الرجه وجميع انواع التفكك والهربده .

السلام عليكم
الباترول موتر ما عليه كلام ولا احد ينكر بس يقال انه مع مرور الوقت يقل عزمه(يهربد)والله اعلم ويعطيك العافية

وانا اقدراقول شي ...

قلت الفتكـ \ لاتعليق على أسد الصحراء

لانه أسد ومثل ماقالو الإخوان موتر يعزّكـ