السلام عليكم ورحمة الله وبركاتة
انا اليوم كنت فاضي فقلت خلني اقول لاخواني واحبابي اعضاء منتدى السيارات
عن قصتي مع السيارات الامريكية من طق طق الى سلام عليكم
بسم الله نبدا
انا عائلتي كلها تموت في شئ اسمة سيارات امريكية
كل عايلتي اعمامي واخواني واخوالي يعني كلهم
وانا بدايتي يوم كان عمري 15 سنة عام 2002
كان مع ابوي كراون فكتوريا 95 كانت معي اداوم بها في المتوسطة
واودي اهلي بها ووووو............الخ
وبعدين اعجبتني من ناحية استخدامها يعني السيارات الامريكية
فنشبت في ابوي الين شرالي همر H2 اول مانزل 2003 وكان عمري 16 سنة
وكنت مثل الذبابة في الشاحنة ههههههههههه
يعني قصير وشكلي ماينوصف في ذاك الوقت
وماكنت احركة الا افر بة في الحارة او اعبية بنزين وارجعة
حتى الثانوية ما كنت اروح فيه من كثر خوفي علية
وبعدين جت الاجازة الصيفية ورحت على طول شحنت السيارة
على ابها عشان بودية للديرة {النماص} وعلى ما اظن انه اول همر نزل الجنوب
كل الناس قاعدين يتفرجون فيه وازيدكم من الشعر فله
كان لونة اصفر يعني يلفت الانتباة بشكل غير طبيعي
وعلى طول اودية الديرة والله واول ماوصلت الا السيارة
معلق القير حقها على التعشيقة الثانية :emot178:
وانا الي طار عقلي قلت وش اسوي
واكلم الوالد وعلى طول نودية على جدة الوكالة
وطلع فيه خلل في التصنيع وبعدها باسبوع
بعناة وقعدت اغني واقول يافرحة ماتمت
ومن يومها وانا صرت اكرة الهمر
وقعدت بدون سيارة الين 2006
كنت خلال هذي الفترة استخدم سيارة ابوي
ولا الجمس حقنا المهم
يوم جات سنة 2006 اشتري لي
فكتوريا 99 فل كامل امريكي
واعدل فيه الين ماقال بس
من زود الفضاوة مركب له مكينة موستينج يعني صار مثل المارودر
ولما جائت سنة 2007 توظفت ولله الحمد في المباحث >>>يعني دبوس
واشتري لي عروستي الجديدة كراون فكتوريا 2007 من توكيلات الجزيرة
ومن هذاك الوقت وانا احب الفورد
وفي نهاية سنة 2008 شريت لي العروسة تاهو Z71 2009
وسبب شرائي له هو اني ناذر اذا ترقيت في العمل
ان اشتري لي تاهو
وانا الحين ولله الحمد ملازم يعني نجمة
وقبل شهر شريت لي الكراون فكتوريا 99 بدل القديمة
لاني قبعت فيها وراحت تشليح
وان شاء الله السيارة الرابعة في الطريق
لاني حاط عيني على دودج تشارجر SRT8
وان شاء الله اشتريها
قولوا امين
وادري اني طولت عليكم لانة كان ودي ابين لكم مدى حبي للسيارات الامريكية
والله يمسيكم بكل خير
محبكم
ابونورة الشهري
{خالد محمد الشهري}:emot62:
