ماهو افضل زيت يحمي محرك سيارت شاركنا برايك

لا اخفي عليكم مدى حرصي على زيت المحرك .. حيث اني اشيك على الزيت كل اسبوع تقريباً اشوف مدى لزوجه الزيت ودرجة اللون ..
سيارتي جولف موديل 2001 ماخذها وكاله .. الزيت اللي يستخدموه في الوكاله من نوع كاسترول .. هم يغيرونه حسب الصيانة كل 7500 كلم بس كنت اشوف ان الزيت ينقص بعد 4000 كلم .. وكنت اكلمهم يقولوا ما يأثر .. استمريت على هذا الزيت الى عام 2008 وبعده غيرته بعد ما تأثر المحرك بشكل سيئ ..
غيرت الزيت بزيت موبيل وان .. والله انه زيت ممتاز لا ينقص وناعم على المحرك ..
والى اليوم استخدم زيت موبيل وان واغيره كل 3000 من باب الحفاظ على المحرك ..

زيت كاسترول = نقص في الزيت + دمار للمحرك + مصاريف على الفاضي

وشكراً

^^^
أخوي اخر مره كان حاط لسوبارو ايدج سبورت ب 42ريال العلبه

10w60 عند رد كاب ومشى معاه 11الف كيلو والمره السابقه 13الف...

مافي زي ملك الزيوت موبيل ون ماني فاكر الاسم بالزبط بس الرقم 0 40 العلبه صارت الان ب 50 ريال :(

اغيره كل 10 الااف ...

اما الكاسترول اغلب يلي يستخدموه يقولو ينقص حتى الماقنتك

والله أعلم

أستخدم زيت موتر كرافتـ 10W30

و أفضل من جميع الزيوت المتوفرة في أسواقنا لأن تصنيفه من قبل معهد البرتول الأمريكي SN

و الله يا جماعة الخير ,,
سيارتي لومينا لي اس موديل 99 ,,
و ماشيه ما يقارب 422 الف ,,
و الله ما قد غيرت مكينه ,, و لا وضبت ,,
و الزيت إلي استعمله ,, سوبر جي تي ,,< البلاستيك طبعا ....


لكن في الأونه الأخير تركت السياره عن الوالد ,,
و سافرت و رجعت ,, لقيت الزيت ماشي على فوق 5 الف كيلو,,
رحت غيرت الزيت ,,
اكتشفت على ان المكينه فيها بي علبتين من اصل 5 علب مع السيفون ..


انا في العاده اغير على 1500 او 2000 او 2600 بالكثيييير ...
فلما شفت الزيت نقص كثير ,,

بحثت في النت و لقيت شركه ,,
اخذت رقمهم و اتصلت عليهم ..
قلت لم بالسياره و موديلها و كم سلندر و كم ماش العداد
قالي راح تكلفك 1300 بالكثير ,,

و راح يضمن لي المكينه ما تنقص زيت ,,
صوت المكينه ينخفض بشكل كبير
إنبعاثات الغازات تنخفض بشكل كبير
إستهلاك الوقود ينخفض بشكل كبير
عند تشغيل المكيف لا تشعر بتأثير ضغطه على المكينه ..




و كا اني شفت في معرض الرياض الدولي للسيارات السنه الماضيه ..
زيت يوضع في المحرك ,,, يسهل عمليه دورانه ,,


هذا و الله العلم

ياسلام عليكم هذا الكلام السليم

وبالذات موضوع المكينه تكون ضيقه و عندي سوناتا2011

نفس الموضوع زيت الوكاله 20W50

و يطلع الصوت بسبب ضيق المكينه والصوت يصدر من البلوف لمده تقريبا 10 ثواني (( لما السيارة تكون باردة مثلا في الفجر )) و ايضا غيرته 10W30 يختفي

السلام عليكم

اول شي اي سياره لها زيت محدد ولو مالها زيت محدد استخدم اي زيت يكون حلو ومضمون بس لاتنسى تتاكد من اللزوجه الموصى بها من الوكاله

اشتريت كلزلر موديل 99 زي اللي بالتوقيع قبل 7 شهور او اكثر واول ماشتريها اتفجات بالصباح فيها صوت تكته مثل تك تك تك لين تحمى وتروح خفت تكون طرمبة الزيت ولا البلوف المهم ماستعجلت اتصلت على راعيها وقلتلو ايش الزيت اللي تعبيه قلي سوبر شل 20\50 المهم روحت الوكاله قلي لازم تعبي 5\30 او 5\40 او 10\30

لان المكينة عندي ضيقه من جهات ولو زيت ثقيل مايوصل لها بسرعه وكل سيارة لها تصميم مكينة

واول ماغيرت الزيت الحمدالله الصوت راح واحس المكينة مرتاحه وخفيفه والدعسه خفت

وانا اتسخدم بترومين 10\30 من يومها واغيرو اقل اقل شي كل 7 الاف وان كنت طفران 12 الف

ولاحد يقول المكينة تخرب والزيت لزوجتو تخف وماعرف اييه , للمعلومية فاليوم الواحد امشي قرابة ال400 كيلو بالتحديد بين 300 و375 وفي الاسبوع امسك خط 400 كيلو رايح جي والمكينة 100%

والله ابو يمن عاش من ورانا قال ايه كل 2500 او 3000 الاف قسم بالله نصب فنصب

ترا الزيوت ياناس اتغيرت مو مثل زمان , وعندكم ارامكو قالت هالشي و هيئة المواصفات و و و , وانا مجرب وغيري كثير مجربين والحمدالله اقنعت اغلب االلي اعرفهم وجربوها ولا احد اشتكى

هلا احـــد جرب الزيوت التخليقيه ,,,,,,,

وهي بالطبع افضل من الزيوت العاديه ,,,

واسألو عنها ,,,,,

انا استخدم التر7 للمكسيما ممتاز

انا اشوف زيت موبيل 1 افضل اسال مجرب

بحكم خبرتي مع الخطوط ولمدة سبع سنوات "أشأل الله أن يفرجها"
والسيارات هي:
كورولا
مرسيدس
قراند ماركيز
أشوف أفضل زيت على الاطلاق هو زيت سوبر موبيل الذهبي. أغير على ثلاث آلاف من باب الحرص لأني على خط ويقولوا إنه يتحمل خمس آلاف لكن ما جربت ولا أنصح أحد يجرب لأن جونا حار جدا والمكيف على طول شغال مما يزيد الحرارة على المحرك
وأسوأ زيت كاسترل هرب عنه والله ينقص
وسلامتكم

كثرة أنواع الزيوت تحير الواحد

عموما يوجد على كل نوع من الزيوت أرقام معينة تتناسب مع كل نوع من السيارات

بالنسبة لي أنا استخدم زيت ( سوبر جي تي 20 / 50 ) من مدة عشر سنوات تقريبا
واستخدمته في أكثر من نوع من السيارات

وعلى فكرة فيه مواضيع قرائتها يقولون فيها الزيت ما يخرب أبدا وهذا غير صحيح لاتصدقونهم
وتغيير الزيت يعتمد على استخدامك للسيارة تماما مثل القماشات لأنه فيه واحد صديق لي اشترى جيب لاندكروزر 98 وجلس معه سنتين لين باعه ما غير قماشات لسبب بسيط وهو استخدامه للسيارة يعني تقولون ( شايب ) هههههه من يوم يشوف الاشارة حمراء حط القير على الفاضي وترك السيارة تمشي بروحها يعني سلولي سلولي لين توقف ويستخدم الفرامل شي بسيط جدا

كذلك الزيت إذا كانت رجلك ثقيلة على الموتر وعندك مشاوير يومية كثيرة أو تضرب خطوط
طبعا لازم تغير الزيت على 3000 كيلو متر ( هذا الأفضل للسيارة ) وإذا كنت من الدوام للبيت
وما تسرع غير الزيت على 6000 كليومتر

عندي كراسيدا 89 ماشية للحين فوق 300 ألف ومافكيت المكينة ولا صار تبويش
والسبب إني كنت أستخدم ألترا سيفن وحسيت بفايدته .

لكن الحين شريت سوبربان 2007 والشركة موصية حتى على الكتلوج باستخدام
كاسترول جي تي اكس 10 /30 والتغيير مع السيفون كل 5000 كيلومتر .

بس ياجماعة معلومة إضافية ، انا استخدمت مرة واحدة في مكينة الكراسيدا الزيت
اللي يقولون يطول عمر المكينة ويمنع الاحتكاك ، وهي علبة لتر واحد تضاف لمرة
واحدة عند الغيار بدل علبة زيت ننقصها من العدد الأصلي لزيت المكينة ، وزمان كان
هالزيت أصلي ن يعني أظن أنه كان مصنوع في كندا ، بس الحين شفت مثله في ساكو
في جدة ولقيت انه تايلندي ،خفت أشتريه واستخدمه بصراحة؛؛

ينقل الى ورشة السيارت

زيوت كاسترول الاسوء ينقص كثير عن تجربه سيارات ماشيه فوق 100 الف

يأاخوان ياليت تكتبون انواع السيارات


انا استخدمت كاسترول وماعجبني مشيت عليه 2500 ونقص نص علبه علما ان سيارتي باثفاندر 2006

عالميا معروف ان الكاسترول هو الأفضل، ويبقى الإختيار بيد صاحب الموتر

السلام عليكم

انا أستخدم لسيارتي السابقه سوبر فوس جي تي الأسود مع العلم سيارتي كانت كامري موديل 2000 ولي تقريبآ 9 أسنين وماشألله الزيت كل ما أغيره يكون فيه نسبه من الزوجه مع العلم اني اغير الزيت والسفون كل 5000 كم

والحين مع ترايل بليزر حاطين الوكاله زيت قلف وغيرته بعد 700 كم مع السيفون لأني كنت مسافر فيه لدبي والحين قبل كم يوم غيرت الزيت بعد ما مشيت عليه 4000 كم يعني صار العداد 5000كم يوم شفته ليقت نسبه الزوجه جيده والحين حطيت سوبر جيتي الأسود ومشيت عليه تقريبآ 300 كم فا باقي يعني 4970 كم علشان اعلمك مع العلم السياره دفرسين ولا جربت الدبل الا الحين




وأسف على الأطاله