يسعد أوقاتكم حبآيبي بالخير والعافية ،،
نخش بالموضوع
شريت سيارة ،، والحمدلله طيبة ،، ومشيك عليها تشيك كامل ،، بس فيه مشكله بسيطة وأحتاج حلها ،، لأنها مسببة صوت طقطقة في الأرض غير مستوية وفضاوة بالدركسون إذا مسكت خـط ،،
المشكلة ( في أغلب الأوقات وأكثرها ،، لما أكون أواجه اسفلت غير مستوي أو أطلع مطبة ،، أو أكون أمشي على عيون القطط ،، يطلع معي صوت بالدركسون ،، وأشعر بالصوت والطقة هذي وأنا حاط رجلي تكرمون ع دواسة البانزين ،،
أحيان مثلا وأنا وقف أقعد أحرك الدركسون يمين يسار بسرعة متقاربة ،، يطلع الصوت معي )
علما أني مشيك على : ذراع شاصي ،، ذراع دركسون ،، ركب ،، مسامير عمود توازن ،، الأذرعة والمقصات تمام الحمدلله ،،
رحت أكثر من ورشة ،، قالوا هذا عمود الدركسون الخارجي مسك العمود بيده ويحركه فوق تحت ،، قالي هذا فيه فضاوة ويتحرك ،، وحطيت أنا يدي وقعدت أهز فعلا يتحرك بشكل بسيييط جداً ،،
أغلب أصحاب الورش يقولون هذا العمود الخارجي للدركسون لأن يجي فيه جلدة أو ربلة في نهاية العمود ،، وإحتمال خربت ويكون الطقطقة الحاصلة منها ،، وفوق كذا فيه فضآآآآآوهـ بسيطة بالدركسون أعاني منها إذا مسكت خـط ،،
أنا أعتقد أن أغلب ملاك الفوردات بنسبة بسيطة تعاني من هذي الظاهرة ،،
برأيكم ،، هل لو يتم تغير عمود الدركسون الخارجي تنتهي القضية ؟
هل تعتقدون أن الفضاوة البسيطة بالدركسون لها علاقة بعمود الدركسون الخارجي ؟
أتمنى منكم يالغالين ،، إتحافنا بآراءكم ،، واللي سبق وطلعت معه نفس المشكلة ،، وإعطائنا الحلول المناسبة لهذي المشكلة ،،
واللي بالرياض ويعرف ورشة ممتازة متخصصة في هذي الأمور ،، يقوولي عليها لا هنتوا ،،
اخوووكــم ابو أحمد ،،
