السلام عليكم
تحياتي لجميع الاعضاء , اخوي الغالي صاحب الموضوع انا اشتريت بليزر من حوالي شهر
وبكل امانة السيارة روعة للعائلة الصغيرة والمشاوير لكن حال كل الامريكي مايتحمل البر,
انا بصراحة سيارتي مامشت 800 كيلو للان وكنت اتمنى القى يوكون مستعمل 2008 بحدود قيمته
بغرض ااخذ سيارة اكبر لكن قدر الله ,والحمدلله سيارة روعة بكل ماتعنيه الكلمة عزم ممتاز وارتفاع للسائق وكشف الخط بشكل ممتاز,و الحجم تشوفه كبير لكن وانت سايق ماتحس انه سيارة كبيرة التحكم فيه سهل مرة كانك سايق كورولا (اقارنه مع سيارتي الاولى فكتوريا).
انا شخصيا شفت ميزاته ممتازة وقريبة من سعره وقليل عليه سعره:
1- امريكي 100%100.
2-راحة وحجم ممتاز.
3-سيدي مع كسيت وMP3.
4- نظام ABS.
5-نظاف TC.
6-دف لوك اوتوماتيك مع الدبل يشتغل.
7-جهاز قياس ضغط الاطارات.
8-شاشة معلومات كاملة وتحكم فيها من الدركسون(LT).
9-6 سلندر وعزم 294 حصان.
10-83 لتر ويمشي 450 كيلو وشوي.
11-وزن 2 طن و650 كيلو يعني راسي والامان بالله.
12- فتحة سقف وكشافات ضباب.
13-راديو ومكيف خلفي لمس حتى الامامي.
14-دفرنسين وليس تعليق.
15- ضمان 200 الف كيلو.60 من الوكالة و1400 ريال ترفع الى 200 الف وهذا يجنب خوف الصيانة
لان كثير ماسمعت عن مشاكله وخفت منه.
16- وسائد هوائية.
17-الراحة لاتسال عن راحة الامريكي .
كل هذا باقل من 90 الف ريال!!!!!
البرادو افضل منه من ناحية خرابات ممكن اقل والبر مرتفع اكثر لكن هل يستاهل تدفع فرق
60 الف !!!لنفس المواصفات اوغيره بنفس المواصفات.
انا اشوف ومن راي شخصي انه من افضل السيارات مقارنة بسعره ومواصفاته وقوته وقدرة التحمل.
اامل اني ماطولت عليكم وتحياتي للجميع.
