ناوي اشتري تشارجر .. وش عيوبها ؟ مميزاتها ؟ مساعدة لا هنتوا ,,

B A S e M @user_68682 · 04-05-2009

السلام عليكم ورحمة الله وبركاته ..

من زمان و انا معجب في هالسيـارة ( دوج تشارجر ) ..

لدرجة اني صرت اتخيّل اي سيارة في الشارع " تشارجر " :confused1:

وبصراحة ناوي ابيع سيارتي اللي معي من سنتين واشتري سيارة جديدة ..

ورفضت كل السيارات ومابي غير هذي :bigggrin:

نصحوني بالأوريون - الاكورد - الألتيما - كامري ..

لكن غير اني معجب بالسيارة بشكل عجيب .. سمعت من كذا واحد عنده الموتر انه شي ثاني .. يعني رساوة ممتازة .. صوت الهواء شبه معدوم .. وراحة خيالية .. :smile:

لكن السيارة فيها كلام كثير من ناحية السلبيات ..

عشان كذا عندي كم استفسار , ان شاء الله احصل اجابة :

1- هل جربت السيارة ؟ أو احد من اقاربك معه زيها ؟ سمعت احد يشتكي منها ؟

2- اذا انت ركبت السيارة او جربتها .. بعد سرعة 140 تقارنها بسيارة ثانية نفس قيمتها ؟ من ناحية الرساوة والهواء الخ ..

3- من ناحية المشاكل اكثر شي اسمع عنه ان الوكيل سمعته سيئة ؟ صيانتهم ممتازة ؟ يتأخرون بالمواعيد ؟ وش سلبياتهم بالضبط ؟

4- معروف عن السيارة انها ما تمسك قيمتها ! شي طبيعي لان السيارة نادرة عندنا .. لكن برايك السيارة تتحمل 3 - 4 سنوات ؟

5- فئة SXT فيها شاشة ملاحة .. هل هي باللغة العربية ؟ وش مميزاتها وعيوبها بإختصار ..

6- لو معك مبلغ 113 الف ريال .. وفكرت في هالسيارة .. ممكن تتراجع عنها وتاخذ سيارة ثانية ؟ ياليت تذكرها مع السبب :wink:

و السؤال الأخير والأهم .. سمعتوا عن إفلاس شركة كرايسلر .. هل يأثر هالشي على مالك السيارة حالياً ؟ او اللي راح يشتريها في الفترة الحالية ؟ اقصد من ناحية توفر قطع الغيار والأسعار !

واسف على الإطالة :blue: وسلامتكم ..

knight moon @user_218900 · 02-11-2010

اخوتي الاعزاء ملاك دودج تشارجر تحيه طيبه...يسعدني اني اكون احد مقتنيين التحفه الفريده تشارجر بس والله ياعيال كلام المجتمع مره سريع الانتقال الكل يقول السياره قلق وخر عنها بس انا شخصيا انظر في الاشاره القى 3 او اربع ماشاالله هذا دليل ان الناس تحبها بوفره الحاصل مابطول عليكم
هل تشارجر تتحمل مشاق 40 كيلو يوميا روحه ورده؟
بليز شباب كيف قطع غيارها طبعن قصدي على مكينه الهيمي
شيئ سلبي ماعجبك في السياره اي كان لو فيه افيدوني
ينفع اشتريها استخدام امريكي؟
اسف على الاطاله ...لو قارنت السياره بلكزس جي اس احسن ايت فيهم وجزاكم الله خير

سيف الصبر @user_230395 · 14-07-2010

قروب المنتدى المحترمين :

السلام عليكم ورحمة الله وبركاته // من لديه رغبة في بيع سيارة نوع شارجر لون أسود فل كامل مكينه هـمي نظيفة جداً من ناحية البـدي والمكينه والقـير فانا جـاد في الشراء . موديل 2006 أو 2007 فقط ( أرجو الرد بسرعه ) .

D.jeep @user_145275 · 07-05-2009

ايه صح بالنسبة للتأخير في البيت فيه جيب كوماندر

تقريبا يقعد في الصيانة بدون حجز 3 ايام بالكثير واحيان تذب عندهم السيارة ويقولون لك تعال بكرة

لو تحجز تقدر تاخذها في نفس اليوم بالنسبة للحجز ما جربتها ابد اسأل يمكن احد جربها هنا :bigggrin:

B A S e M @user_68682 صاحب الموضوع · 06-05-2009

كتنتان

كثر الله من أمثــالك .. :)

==========

zoom_833

تسلم اخوي .. كلك ذوق :) وأبشرك من ناحية السرعة تراني عاقل الحمد لله :D

وبالنسبة للون الي في بالي ابيض .. تعرف اجوائنا الجميلة ما شاء الله :D .. وحتى لو فكرت

أخذ لون غامق , ما راح افكر الا بالأسود :)

===========

عاشق التشارجر99

اهنيك على اختيارك للسيارة .. الله يعطيك خيرها ويكفيك شرها ..

وبصراحة سمعت كثير ناس يشتكون من قطع الغيار , والتأخير في الصيانة ..

لكن سألت احد الموظفين بالفرع عندنا في القصيم .. قالي الصيانة الدورية تاخذ سيـارتك

بنفس اليوم .. قلت كثير يشتكون من التأخير .. قالي يمكن في الرياض أو في أحد المناطق

الكبيرة .. لان عندهم ضغط من ناحية الزباين .. اما في القصيم اتوقع الوكالة فاااضية

لأن السيارة نادرة عندنا :) مادري كلامي صحيح ولا لا ؟؟

=============

D.jeep

ريحتني الله يريحك دنيا وأخرة :)

==========

S n A k e

الله يرحم أيــام جيرز :D

بالنسبة للماركيز أبشرك طلعت كل اللي في راسي , مقاومات ودرفت وحالتي حاله خخخخخخ

و على فكرة حتى لو هي 8 سلندر , تسارعها 8.2 ثواني .. نفس التشارجر 6 سلندر :D

يعني ما تفرق معي .. غير كذا انا ابي سيارة خطوط وراحة .. مليت من اللعب والهسترة صراحة ..

واللي في الصورة تلاقي واحد لاعن جدها .. يومين وجدعها بالوكالة :D مافي امل اشتري سيارة 2009 مستعمل ..

الا اذا كانت لواحد اعرفه معرفه شخصية ..

ع العموم جزاك الله خير .. وان شاء الله نشوفك على تشارجر SRT-8 اخر موديل :D

=============

White Hemi

هل فيه موضوع خاص يتكلم عن قطع الغيار ؟ ابي اشوف لأي درجة غاليه !

وبغيت أسألك يالغلا .. أنت في أي منطقة بالسعودية ؟ يعني فرع الصيانة اللي

تراجعه عليه زحمة ؟ ولا ليه التأخير .. شي غريب صراحة :)

شكراً على مرورك ..

White HEMI @user_1191 · 05-05-2009

حيآآك الله أخوي ..

B

B A S e M

1- هل جربت السيارة ؟ أو احد من اقاربك معه زيها ؟ سمعت احد يشتكي منها ؟
أنا معي Dodge Charger 2006 R/T V8

2- اذا انت ركبت السيارة او جربتها .. بعد سرعة 140 تقارنها بسيارة ثانية نفس قيمتها ؟ من ناحية الرساوة والهواء الخ ..

لا أبداً ! .. مريحة جداً ..

وزي ما قآل محمد .. صوت الهوآء يكون وآضح بعد الـ 170 تقريباً .. لكن برضوا يعتمد على الاجوآء الخآرجية ..

3- من ناحية المشاكل اكثر شي اسمع عنه ان الوكيل سمعته سيئة ؟ صيانتهم ممتازة ؟ يتأخرون بالمواعيد ؟ وش سلبياتهم بالضبط ؟

الوكيل جداً سيء .. صيآنة فآشلة حقيقة وغآلية .. يتأخرون بالموآعيد نعم .. دآيم يقولون أن عندهم زحمه ! .. سلبيآتهم هي ( التأخير - أسعآر قطع الغيآر مبآلغ فيهآ + سعر شغل اليد غآلي ) .. والمشكلة الاكبر أن ما أحد بيعرف للسيآره الا الوكآلة ..
وقطع الغيآر غير متوآجدة الا بالوكآلة .. !!

4- معروف عن السيارة انها ما تمسك قيمتها ! شي طبيعي لان السيارة نادرة عندنا .. لكن برايك السيارة تتحمل 3 - 4 سنوات ؟
أبداً ما تمسك سعرهآ ..
ايه نعم .. ان شاء الله تتحمل اذا تحآفظ عليهآ + تعمل لهآ الصيآنة ..

موتري موديل 2006 .. مآشي 90 الف .. الحمد لله
5- فئة SXT فيها شاشة ملاحة .. هل هي باللغة العربية ؟ وش مميزاتها وعيوبها بإختصار ..

بالانجليزي طبعا ً .. ومحمد أفآدك بخصوصهآ

6- لو معك مبلغ 113 الف ريال .. وفكرت في هالسيارة .. ممكن تتراجع عنها وتاخذ سيارة ثانية ؟ ياليت تذكرها مع السبب :wink:

اممم .. بصرآآحه يمكن أفكر بـ هوندآ أكورد V6 ..

سيآرة جدا ً عملية + تمسك سعرهآ + صيآنتهآ معروفة وقطعهآ متوفره

و السؤال الأخير والأهم .. سمعتوا عن إفلاس شركة كرايسلر .. هل يأثر هالشي على مالك السيارة حالياً ؟ او اللي راح يشتريها في الفترة الحالية ؟ اقصد من ناحية توفر قطع الغيار والأسعار !

واسف على الإطالة :blue: وسلامتكم ..

حآآظرين لك طآل عمرك :)

والله يكتب لك ما فيه الخير .. ومبروك مقدما ً :smile:

S n A k e @user_74808 · 05-05-2009

هلا والله اخوي باااسم صديقي بالXbox ايام زمان , المهم بس حبيت اقولك انت متعود على ال8سلندر بالجراند ماركيز
فلما تاخذ تشارجر 6 سلندر ترا بتحس بداون قريد يعني تحس السياره مو قويه مثل الجراند فاحبيت
اقولك عشان ماتتفاجئ نصيحه اذا انت متعود على الثمانيه خلك على التشاجر 8 سلندر واذا غالي
عليك السعر دور مستعمل نظييف الظاهر في وحده عند الوكاله موديل 2008 R/T فل ابشن
مستعمله قيمتها 109 الف ريال وهذه الصوره ...

اللي على اليسار

وكاله الرياض بس مدري اي وحده انا خذيتها من صورة الأخ محمد

D.jeep @user_145275 · 05-05-2009

التشارجر<<<وش اقول وش اخلي

بالنسبة للأفلاس اندمجت مع فيات والحين كرايسلر ماشية مثل اول و احسن من اول

وشهرت افلاسها عشان عملائها ما يتورطون بالشغلات الأساسية ويعاد تشغيلها بسرعة

نفس حالة شركة جاكوار قبل اكثر من سنتين وشرتها تاتا وشفها مشت احلى من اول لاحظ

الرانج سبورت والفئة الجديدة رانج روفر فوج والجاكوار تطورت تطور غير عادي

اسفين على الأطالة

بس حبيت اقولك ما له داعي الخوف من هالأمور:bigggrin:

ابو عتب 99 @user_122350 · 05-05-2009

ياهلا فيك يالغالي
انا معاي SXT2008 سته سلندر
طبعاً زي اللوز ما شاء الله تبارك الله
وفيها شاشه بس مو عربي
واذا انت مو راعي مقاومات فانصحك بــSXT
عيبها الوحيد الوكاله غاليه في الصيانه وقطع الغيار
والصيانه الدوريه تاخذ يومين حتى لو جيت الساعه 7
عدم الاهتمام بالعميل وخدمه ما بعد البيع
همهم الوحيد انهم يبيعون بس
بالتوفيق والله يكتب الي فيه خير لك

zoom_833 @user_85677 Banned · 05-05-2009

شوف .. هالسياره لا جربتها ولا قد ركبتها والله ..

لكن والله انا ابداع .. يعني على سعرها .. اشوفها روعه وافضل من قريناتها ..

لكن ابعد عن الـ 6 سلندر .. ان كانك هاوي سرعه ..

الـ 6 سلندر اعرف واحد عنده اياها وما يمدح عزمها مره ..

بخصوص اللون ..

عندك اللون الفيراني بطل للغاااااااااااايه ..

الكحلي مميز جدا ورسمي ..

العنابي او الاحمر او دم الغزال ( اختلفت الاسماء واللون واحد ) جيد نوعا ما ..

لكني اميل للفيراني وبقووووه ..

واولا واخرا استخر .. وبالتوفيق يارب ..

الله يعطيك خيرها ويكفيك شرها مقدما ..

كتنتان @user_133959 · 05-05-2009

اختيار موفق
والله يعطيك خيرها يكفيك شرها يارب

تحياتي

كتنتان

B A S e M @user_68682 صاحب الموضوع · 04-05-2009

قل آمين يامحمد .. جعلك للجنة واللي جابوك ..

بصراحة بردت قلبي بالاجابات الوافية .. :)

خصوصاً انك بعيد عن المجاملات وهالشي نادر عند بعض ناس .. لو معه كامري خلاها بوجاتي خخخخخخخخ ..

ان شاء الله ناوي على السيارة خلال اسبوع اسبوعين بالكثير ..

طبعاً فئة SXT .. لكن محتار بالألوان .. ان شاء الله نستخير ونتوكل على الله :)

M O H A M E D @user_99620 · 04-05-2009

وعليكم السلآم ورحمة الله وبركآتهـ ،،

أهاااا،، أجل طحت في حب التشآرجر :bigggrin:

إن شآء الله أحآول أفيدك بكل مصدآقيهـ ،،

- هل جربت السيارة ؟ أو احد من اقاربك معه زيها ؟ سمعت احد يشتكي منها ؟

أنا أمتلك Charger R/T 5.7L HEMI 2008 وللهـ الحمد من أحسن مآيكون
كآن فيهـ شريحة وآسعة من السيآرات ،، لكن فضلت الـ R/T عليهم كوولهم :bigggrin:
أعتقد المشكلهـ الوحيدهـ هي صوت صرير الفرآمل أحيآناً عندي .

- اذا انت ركبت السيارة او جربتها .. بعد سرعة 140 تقارنها بسيارة ثانية نفس قيمتها ؟ من ناحية الرساوة والهواء الخ ..

من نآحية الرسآوهـ فهي رآسية فوق مآتتصور ..
فيهـ أنظمة ثبآت كثير مثل ESP المتوفر في السيآرات الألمآنية ..
أيضاً تصميم السيآرهـ ووزنها يسآعد كثير ..
وكل اسبوعين أسآفر عليها 800 كلم ولله الحمد تمآم التمآم ..
صوت الهوآء يبدأ معآك من 160 تقريباً ..
اما من 180 فهو ملحوظ .

3- من ناحية المشاكل اكثر شي اسمع عنه ان الوكيل سمعته سيئة ؟ صيانتهم ممتازة ؟ يتأخرون بالمواعيد ؟ وش سلبياتهم بالضبط ؟

انا ضربت كل الكلام عن الوكيل بعرض الحآئط وجربت بنفسي ..
للأسف اكتشفت كل مآقيل كـلام × كـلام ..
وحبيت أقول لك إن الصيآنات الرئيسيهـ تصل 1000 ريال للتشارجر العآدي و 1500 للـ R/T ..
نصيحهـ وآحدهـ فقط / لاترآجعهم بدون موعد .

4- معروف عن السيارة انها ما تمسك قيمتها ! شي طبيعي لان السيارة نادرة عندنا .. لكن برايك السيارة تتحمل 3 - 4 سنوات ؟

من نآحية الأسعار إلى حدٍ مآ .. لكن وش هالسيآرهـ اللي مآتتحمل 4 سنوآت :confused1: !

5- فئة SXT فيها شاشة ملاحة .. هل هي باللغة العربية ؟ وش مميزاتها وعيوبها بإختصار ..

ليست باللغة العربيهـ ..

وهذا موضوع كآمل شرحت فيهـ شآشة سيآرتي بالتفصيل الممل :bigggrin:

شرح لشاشة سيارات [ Dodge ] و [ Chrysler ] و [ Jeep ] .. هنا

و السؤال الأخير والأهم .. سمعتوا عن إفلاس شركة كرايسلر .. هل يأثر هالشي على مالك السيارة حالياً ؟ او اللي راح يشتريها في الفترة الحالية ؟ اقصد من ناحية توفر قطع الغيار والأسعار !

بصرآحـهـ ،، مدري !

الوكيل شغآل والقطع متوفرهـ ولا كأن شي صآر !

.
.

أتمنى إني أكون أفدتك ،،

وأي استفسآر حآضرين

.
.

B A S e M @user_68682 صاحب الموضوع · 04-05-2009

F

Funky

وزور الراابطة نشالله بتستفيد اكثر من المواضيع المطروحة ...

جــزاك الله خير على ردك .. وبصراحة الرابطة لي تقريباً اربع شهور او اكثر وانا متابعها اول بأول ..

a7m-a7m @user_119747 · 04-05-2009

1- هل جربت السيارة ؟ أو احد من اقاربك معه زيها ؟ سمعت احد يشتكي منها ؟
مايحتاج اجرب هي معي اصلاً:bigggrin: الحمدلله ماشتكيت منها يمكن عندك الوكيل عليه بعض النقاط السلبية
اما كسيارة فهي سيارة معليك تطربك:xyxthumbs:

2- اذا انت ركبت السيارة او جربتها .. بعد سرعة 140 تقارنها بسيارة ثانية نفس قيمتها ؟ من ناحية الرساوة والهواء الخ ..
بالعكس هي افضل سيارة مقارنة بفئتها في الثبات والرساوة

3- من ناحية المشاكل اكثر شي اسمع عنه ان الوكيل سمعته سيئة ؟ صيانتهم ممتازة ؟ يتأخرون بالمواعيد ؟ وش سلبياتهم بالضبط ؟
بنظري انا الوكيل صار افضل من قبل لكن الى الآن فيه بعض السلبيات

4- معروف عن السيارة انها ما تمسك قيمتها ! شي طبيعي لان السيارة نادرة عندنا .. لكن برايك السيارة تتحمل 3 - 4 سنوات ؟
على حسب استخدامك...:confused1:
5- فئة SXT فيها شاشة ملاحة .. هل هي باللغة العربية ؟ وش مميزاتها وعيوبها بإختصار ..
عن هذي مدري لانا الي معي r\t 2007 نشالله يفيدونك الشباب
6- لو معك مبلغ 113 الف ريال .. وفكرت في هالسيارة .. ممكن تتراجع عنها وتاخذ سيارة ثانية ؟ ياليت تذكرها مع السبب :wink:
والله هي على حسب رغبة الواحد وعلى حسب استخدامه للسيارة

و السؤال الأخير والأهم .. سمعتوا عن إفلاس شركة كرايسلر .. هل يأثر هالشي على مالك السيارة حالياً ؟ او اللي راح يشتريها في الفترة الحالية ؟ اقصد من ناحية توفر قطع الغيار والأسعار !
والله مدري عن هذي بس عندنا ماحد حوولك:c0214:

وزور الراابطة نشالله بتستفيد اكثر من المواضيع المطروحة ...