لمبة التشييك على المحرك في تاهو 2009

fga_21 @user_36401 · 08-05-2009

السياره: شيفروليه تاهو
الموديل: 2009
العداد: 4500 كم
السياره بحاله رائعة جدا لكن

قبل اسبوعين طلعت لي لمبة التشييك على المحرك
وقتها رحت الوكاله (الجميح) ودخلوها وقالوا بسيطه المشكله عميلة برمجه
وفعلا حلوها واختفت اللمبة

امس بالليل ولعت اللمبه بعد
وش السالفه مدري؟؟؟؟؟؟؟
انا خايف ان السياره فيها شي وخايف ان المشكله ممكن تتطور وان
الوكاله قاعدين يصرفوني لحد ماينتهي الضمان وبعدين يقولوا لي بلط البحر

وش رايكم يااخوان تكفون ساعدوني اسال الله عظيم الاجر و الجزاء لكم
ودمتم
اخوكم فيصل

راعي واجب @user_142325 · 10-05-2009

2009 ,, ليه؟؟
فعلا شئ يحير حتى ولو كانت المشكله بسيطه,,4500 كلم ولا شئ,, الله يكون بعونك اخوي

اذكر صديق لي اشترى كابرس 2007 قبل العام ودق سلف وراح غسل سيارته وتمشى شوي وراح البيت واليوم الثاني وواقف عند باب بيتهم ويلاحظ ان باب الراكب مرتفع شوي ولما قرب لاحظ انا الباب فيه ضربه صغيره من تحت يعني الباب كان مفتوح لما جته الضربه وراح لهم وقالو نرجعلك 5 الاف قال لا ترجعولي 14 الف ريال او تبدلو السياره.وفي الاخير عطوه شيك بـ 12الف ريال وخذاها

خالد6689 @user_98207 · 10-05-2009

فعلا اخوي
انا صارت معي نفس المشكلة في الكابرس رحت للجميح وقالو برمجه
وراحت وبعد فتره رجعت معي
رحت للعضيبي وسويت فحص كمبيوتر وبرمجها من جديد قال اذا رجعت لك المشكله تعال نطبع لك التقرير
وبالفعل جلست تقريبا شهر ورجعت مره ثالثه ورحتلهم قال هذا من منظم الهواء
وإلى الان وهي شغاله معي هي ومانع الانزلاق كلهم شغالين

الله يفكنا من الجميح اسوى وكيل مر علي بحياتي
والله كلموني جنرال من دبي واعطيتهم تقييم سي عنه يستاهلون ذبحونا بالنصب والزحمه

Magellan @user_96776 · 09-05-2009

الجميح النصابين ياخوي فكو اصابع البطارية وركبوها وعشان كذا تختفي اللمبة مؤقتا
طبعا أحب ابشرك إن المشكلة ليست كبيرة ولكن لايعني إهمالها
وعادة ممكن تكون من وسخ البخاخات أو نحوه أو شيء من هالقبيل في نظام إشعال المحرك كالبواجي أو الكويلات وهذا لايعني خلل في المكينة
أنا أنصحك إذا ولعت تروح تفحصها بمأحد الورش المتخصصة يعطونك تقرير بورقة مطبوعه ماتكلفك 100 وتروح للجميح وتتخالص معهم يصلحونها على الضمان
لأن أسلوبهم إذا ماتعرف أحد هالسودانيين هناك فدايم يصرفونك

M~أمير بكلمتي~M @user_58367 · 08-05-2009

اخوي حاول انك تفصل البطاريه لمدة 3 دقايق هذا ابسط حل

الحل الاخر اذا كان التاهو نظامه مثل نظام الكابريس والومينا اول ماتفتح السويتش خلي شيك سستيم

يكتمل وبعدين شغل السياره لانه مهم لا ابعد درجه

حاول انك تتفاهم مع الوكاله وبنبره صوت حاااده لان المسكين ماراح ياخذ حقه بسهوله

الحل الاخير هو انك تشتكي على الوكاله في الفرع الرئيسي للشرق الاوسط والي متواجد في دبي

أخوكـ