ساعدوني عندي سوبرا ولا اعرف الغمها انا مبتدأ!!!!!

سلامات الرجال يقولك عنده سوبرا يروح يغير مكينتها للي ال rb راح تكلفه كثيييييير

ههههههههههههههههههههههههههه

ولله اللي يقول اني ما احب الترهيم هادا غلطان وبعدين انا ابي اتعب عليها والمكسيما مهي من سياراتي المفضلة ابي اضبطها يعني تجيب 300 او360 كدا اوكي ويوم قلت من 0-300 ب 4 ثواني ماعنيتها صج يعني بس كدا قلتها ورش ما ورش هادي مهي مشكلة عيلتنا هي الورش وهي الخبرة مايحتاج ورشه عندنا اللوازم وانا ابي اضبطها صح وبعدين يا اخ a31 انا راح اشتري كل اللي موجود ب 100 الف ومادام اني ما اعرف راح اتعلم فاكرني ما احب التلغيم ومدري ايش لالا حبيبي انا التلغيم والسوبرا في اول القائمة

اكثر شي اعجبني ان ابوك بياخذ قرض 100 الف عشان تعدل سيارتك

ابي اعرف عن التزويد الخيالي يعني القوي جدا جدا جدا جدا جدا االي يخلي السيارة تمشي من 0-300 ب4 ثواني والي يخلي سرعتها فوق ال500 كيلو

ما اتوقع انك راح توصل لل 300 في 4 ثواني ولا انك راح توصل لسرعة 500 كيلو متر

عمومن الترهيم والتعديل هوايه .. وانت شكلك مانت هاوي ترهيم

وتراه موب عيب ان الانسان مايكون يحب الترهيم يعني لاتزعل مني يوم قلت لك منت هاوي ترهيم ..

دام ابوك بياخذ قرض 100 الف .. بع سيارتك هذي واشتر لك ماكسيما فل كامل او اي سياره في مستواها

وصدقني بتدعي لي .

لو تفكر فيها رهمت ودفعت دم قلبك بعدين بتصير كل يوم في الورشه .. لأن اصحاب التعديل 800 حصان وفوق لازم يكون عندهم ورشات وتكون السياره 24 ساعه فيها

يعني يطلع يسابق بعدين يرجعها للورشه !

وانت بهذي القيمه خذ لك موتر فخم وقوي وعيش يومك وفلها

ابي اعرف عن التزويد الخيالي يعني القوي جدا جدا جدا جدا جدا االي يخلي السيارة تمشي من 0-300 ب4 ثواني والي يخلي سرعتها فوق ال500 كيلوQUOTE]

ههههههههههههههههههههههههههههه...
حبيبي ما فيه سيارات توصل من صفر الى 300 بخمس ثواني ولا تروح فوق الـ500 كيلو الا اذا هي شي خرافي...
المهم، ما دام انك ما تعرف بالتلغيم لا تشتري، لانك بتطيح بمشاكل اذا انت منت عارف ايش بتركب، وترا الناس لهم اكثر من جهة من ناحية التلغيم، يعني كل واحد و ذوقه...
خلي التلغيم لاهله...
تحياتـي

معقوله 1241 مشاهد و 40 رد بس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انت متأمل مرررررره

والله انك فلللة

بس عيش يومك

ولله افدتني ومشكور اخوي واتمنى متابعة الاعضاء للموضوع بس ماراح ابيعها راح اشتري وحدة جديدة المكينة اله عندي 7mge وضربة عندي الحرارة تشرب الماي شرب عشان كدا انا حاليا ادور لي 2j السيارة الخطيرة بس ماني محصل ابد كله لاأن الحكومة منعة السيارات القديمة الي تحت2004
ممنوع تجي او تخش السعوديه على العلم اني قلت لصاحب ابوي يدور لي على وحده من قبل شهر او 2 وقالي كلمت واحد وقالي في سوبرا بس كم الموديل قلتله ابي من 94 ورايح الى 98 ومنها مارد علي ولا اتصل وبعدين راح اجمع فلوس وااااااااجد علشان اسوي التعديل الثالث وابي اكسر خشم واحد من الاصحاب يجلس يعيب على سيارتي ويقول مخرفة ورايحة في ها مع انه سيارته كابرس موديل 87 رايحه فيها بكرة المكينه تهرب زيت وعلبة الباور مفقوعه ! ولا يقول انه سواق احسن مني مع اني ماصدمت ولا مره ولا حكيت ولامره بعكسه ادكر كدا مره كان يطلع السيارة من لفة ويوم يطلعها حك في البيت الي واقف جنبه وكسر الصبية !!! مع انهه راجع للخلف ههههههههههه المهم انا من اهل الشرقية ادا كانت عندك اي شي ثاني قلي وابي اعرف عن التزويد الخيالي يعني القوي جدا جدا جدا جدا جدا االي يخلي السيارة تمشي من 0-300 ب4 ثواني والي يخلي سرعتها فوق ال500 كيلو وعلها التكاليف لاتشيل هم راح اجمع مع مرور الزمن وراح اسحب قرض 100 الف واكيد تكفي وابوي قالي راح اسحبلك قرض وقتله اوووووكي ومشكور اخوي وآسف على الاطالة

ياخوي عندك سوبرا 2J ومحتار؟!

أول شي اذا لك نية في البيع تراني شراي اذا كان سعرك معقول .. وهذا العرض جاد جداً.

اذا مالك نية في البيع, فأول شي تسويه تشيل التون توربو حق الوكالة, وتركب لها سنقل توربو

والأفضل يكون جريدي لأنه يتحمل..عندك T78 من هالنوعية أو T88 بس انه كبير ويفتح متأخر لكن جبار , او ركب لها توربو أصغر 67 جاريت ... ممتاز بعد وبالذات للاستخدام في المدينة لأنه يفتح على آر بي إم منخفض.

للمعلومية , السيارة ممكن توصل لحد 480 حصان على مكينة بلدها بدون أي تعديل, فقط بتركيب كت التوربو ورفع البوست بشكل خفيف وتركيب كت باك وانتيك رياضي.

اذا حبيت ترفع بوست عالي على التوربو (يعني ترفع ضغط التوربو) , يبغى لك تعدل أشياء كثير , منها نظام الوقود والاشعال .. طرمبة بنزين ثانية, وبخاخات أكبر 750 cc أو 1000 cc , وفيول لاين وفيول ريجوليتر , وتغير كمبيوتر الوكالة (عندك ماركتين مشهورة في السوبرا الـ موتك, وال AEM) , وأيضاً يفضل تركب كامات أكبر للمكينة, وطبعاً عشان القير يتحمل القوة لازم تركب كلتش دبل أو تريبل بليت رياضي (الماركه الأشهر هي OS) , وبعدها ارفع بوست يابو الشباب إلى 800 حصان.

اذا حبيت ترفع بوست عالي جداً وتوصل السيارة إلى الألف حصان (أو أكثر) يعني تعديل مرحلة ثالثة, لازم تعدل على نص المكينة اللي تحت , يعني السلندرات والبساتم والروس .. إلخ,أو تركب ما يسمى بـ (الستروكر) وبالعادة يجي أكبر من المكينة الستاندرد وله طقم بساتم وقطع خاصة فيه.

بس طبعاً انت كذا بتعدي الحدود الطبيعية وتصير السيارة خطيرة وما تنفع للاستخدام اليومي من صرفية ومكيف وحراره وقطع غيار وازعاج للبشرية وخلافه.. يعني تستخدم سيارتك للسباق والحلبات فقط.

عالم تعديل ال 2J عالم له أول ماله آخر لأنها مكينة جبارة وتتحمل, في أمريكا وصلوا السيارة إلى 1500 حصان وأكثر.

نصيحتي, عدل السيارة بشكل خفيف يعني 450 - 500 حصان , ما تكلفك كثير وتستخدمها يومي و لا تشتكي من مكيف ولا حراره.

أو اذا كنت ناوي على الفراريات والبورشات وخلافه .. تبي تكسر خشومهم, فممكن تعدل تعديل المرحلة الثانية من 750 - 800 حصان, وأضمن لك ما في فيراري أو لامبورجيني بيوقف جنبك (الا اذا كان معدل هو بعد).

أما أكثر من كذا .. فانت انسان ناوي على شر .. !
وأنا ما راح أساعدك على الشر .. هههه

أتمنى اني أفدتك ولو بالقليل

تحياتي

ويش شباب يلا روني خبرتكم وساعدوني ابي اتعلم واعرف

مشكورين اخواني على تعبكم معاي وانشاء الله ادا عزمت اركب لها شي راح اقولكم

اذا تبي توربو من جد قوي حق اصحاب القلوب القوية

greddy t78

ياخوي إنت أول السوبرا اللي عندك موديل كم ؟؟ وأي شكل ؟؟
المهم بختصر لك الموضوع وبعطيك من الآخر .. إذا عندك تدفع بتقدر تزود صح وإذا صعب عليك تدفع خلها على حطتها وركب لك هدرز تفصيل + إير فلتر + آوت مفلر .. بتسمع صوت ومشي خفايف وخل الأمور تمشي .. بس إذا تبي تدفع وتسابق الهوا .. ماعليك إلا أن تشد عليها 2جي زد سنقل توربو وإذا خلاص عزمت تركب قولي وأنا أعطيك شنو تركب عليها يالغالي وبتلاقي العالم كلها ورااااااك ..

اي هذا الي اقصده اليك

عند الضغط نسيمه آر بي ام
في لمبتين خضره وبرتقالية
هذا نظام الامن
تلاقي مكتوب تحته security

لانه على حسب رقم المحرك الي كتبته انه 7 ام بخاخ عادي لاهو بتيربو ولا شي

ولله مادري وشو تقصد بس انا لمه اجلس اعدس بنزين تولع لمه كانها مكينة طراد لمه اوصل الضغط 4 او5 تولع اللمبة

اخاف انك تقصد آر بي ام سيكيوريتي اذا تكبس عليه تولع لمبه وتسميها تيربو

وش دعوه 65 واحد يدخلو الموضوع ولا يردو معقوله يلا ياشباب رونا مهارتكم وخبرتكم يلا

يلا رونا ردودكم وين المهندس والناس انية يلا ابي ردود