السلام عليكم ...
بصراحة ما كنت متوقع إني بالقى موقع متخصص بالسيارات وعربي ويكون فيه ناس فاهمة .. بس الحمد لله شكلي جيت للمكان المناسب
الموضوع وما فيه إني ناوي أشتري سيارة جديدة وتكون ذات ميزانية معقولة لأن عندي التزامات أخرى ..
المهم رحت للجبر ( وكيل كيا بالرياض ) يوم الخميس وشفت سيارتهم سيراتو ... بصراحة السيارة من برة ومن جوة ممتازة وحلوة ووسيعة بعد ...
وسعرها مع العرض اللي هم مسوينه مغري جداً وتقريباً بحدود الميزانية ( على التقسيط طبعاً )
بس إني متهوجس بموضوع السيارة خاصة إني منتقل قريباُ من الماني إلى أمريكي وما عندي أي خبرة في سيارات اليابان أو كوريا ..
فهل أحد منكم جرب هالسيارة أو جرب سيارات كيا بشكل عام ؟
وش عيوبها ؟ تحتر في الصيف مثلاً ، أعطالها ؟ صيانتها ؟ قطعها ؟
شاكرا ومقدرا لكل من يمر ويشارك في موضوعي هذا
والله يجزاكم كل خير مسبقا ...
