السلام عليكم
طبعاً كلكم يعرف طلعة القدية اللي ورى الرياض وأنت رايح للحجاز
وتعرفون وش كثر هي مرتفعة لدرجة كل السيارات تضطر قبل تجيها تمشي بقوة شديدة لأن راح يضعف عزمها بمقدار 60% أو ممكن أكثر للسيارات الثقيلة أو اللي عنده مشكلة
سؤالي يقول وش سبب ضعف العزم الرهيب في المرتفعات مع إنها شارع لكن طالع فوق
والسؤال الثاني يقول هل قبل أوصل للقدية بـ 5 كيلو مثلاً هل يستحسن مثلاً أعشق القير في D2 أو D3 وأيهم أثقل وأبي حالات نسبية وليست دقيقة للإستخدام الأمثل بين D1-D2-D3
لأن أذكر مرة طلعت أمشي الحرمة وأونسها في الشفاء ولا عادت من ديرة ما أدري كيف حاطين ألعاب فوق الجبال وطلعت ونزلت وأبواب مقفلة وحتى تروح للباب الثاني لازم تطلع وتنزل وفرامل وشد سرعة ونزول وهبوط
وربي كل هالكلام تم خلال 5 دقائق كانت كافية تماماً إني أغير الهوبات والقماشات والرمانات
هل لأني كنت أمشي على المرتفع بـ D1 أو مثل ماهو معروف D العادي ولا وش السبب
