ناوي على اكورد 2009 i4 فل اوبشن .. لكن هل تستاهل 100 الف ..

مشكورين ع النصايح ياشباب

اخوي الله يوفقك بلي تشتريه

بس نصيحه وحده الون لأسود ابيخ لون انا اقولك ليه

هو شكل احلاء شي بس
1- يتوصخ بسرعه وهذا معروف

2- اهم شي تروح لمعته بسرعه

3- بعض الناس يسبونه شبهه وهذا شي مهم ولاتضحك يعني اي نقطه تفتيش احتمال كبير توقف هع

خوي معه اكسنت 2009 اسود يقول ماغير عند نقط التفتيش كل ماشفني واحد يقول اسفط

شوف الفورد 500 او ميركوري مونتييوجو روح شوف الفورد منت خسران شي ابد

اخوي ما تستاهل القيم ابدا
السياره مشكلاتها :
القومه بايخه
تفصل على 220
قطع غيار غالي

انصحك بسوناتا 2010
فل كامل 4 سلندر
تشيب درسكون مكيف لمس
حساسات من افضل ما يكون
ورخيصه 74 الف
وسياره مميزاتها
قومه
سرعه
صبوره
القير بـ امكانك تقلبه عادي تماتيك
شمعات
كل هذي موجوده


وبتوفيق للجميع

الاشياء اللي بااخذ الاكورد عشانها ..


واحد من الشباب معه اكورد 9 والصيانه ماشاء الله توب التوب .. والمبيعات تعامل عسل ..

والحين الاكورد 2009 صح انها بـ 100000 لكن 3 سنوات او 100000كم الزيت والسيفون والصيانه عليهم !! اتوقععرض مجنون ..




معاناتي مع الحماراني ..

مره قطعه قيمتها 120 ريال والله جلست شهر كامل وهم يماطلون معي لين كرهت السياره<<< قبل سنه ..

ومره ثانيه نفس الحركه بس قطعه كانت 160 ريال وجلست 25 يوم << الكلام هذا قبل ثلاث شهور ..



موظف المبيعات نفسه فوق راس خشمه !! تخيل جلست بالصاله ربع ساعه انتظر موظف المبيعات يتفضل معي .. مع انه ماكان موجود الا انا ..

مدير الفرع كان موظف بالصاله ورقوه وخلوه مدير فرع !!! فالفرع من جرف لدحديرا ..

قدمت اوراقي للالتيما وقالي من دون دفعه اولى ونرد لك الموافقه بعد خمس ايام ..

بعد اسبوعين مريتهم قالو لي رفض ..!!! لأني بطلع السياره باسم الوالد والوالد متقاعد ..





نجي لهوندا .. مريتهم وقالوا الوالد متقاعد ..لازم دفعه ازلى 36 تاف وفوق .. يعني فاهمين ..
موظف المبيعات يعطيني مواصفات الاكورد وينصح وقالي تعال نشوفها بالمستودع وقالي اذا تبي تجربها .. تعامل رهيب .

والصيانه توب .. قبل امس صاحبي مطلع اكورد من صيانة الـ 30 والقيمه 400 ريال

( زيت-سيفون-تشييك-قماشات قدام وورى ) والسياره دقايق ونكون عندك ..


طبعا اللي بالرياض او بجده او بالامارات بيقول شف فرع ثاني .. انا بحايل ولا عندي الا فرع واحد لنيسان وفرع واحد لهوندا ..

مع اني متاكد مليون بالميه ان الالتيما تتفوق بكل شي ع الاكورد الا بالوكيل << راكب السيارتين وعارف كل شي فيهم ..

والله الاكورد سيارة للامانه ممتازة وشكلها رائع ..
لكن السعر غالي على 4 سلندر بالنسبه للفل غير كذا مواصفاتها عاديه ولو انا مكانك وملزم ما باخذ الا نص فل واذا الله منعم عليك و مقتنع بأنك تدفع كل المبلغ هذا على 4 سلندر بكيفك ..
بسعرها عندك الاوريون - الالتيما - الترا وكلهم 6 سلندر ..
او سوناتا فل كامل و مواصفاتها افضل من الكامري في الـ4 سلندر ..
واذا عن الوكيل انت راح تشتري السيارة ما راح تشتري الوكيل صحيح يمكن يتعبك بخدماته لكن مو معقول اصرف النظر عن سيارة بسبب وكيل سيء ..

انا قلت رأيي وأفضل المازدا الترا بعدها الاوريون ..

والله يكتب اللي فيه الخير ..

,,,

زي ماقالوا الاخوان
الكورد ماتستاهل السعر هذا على اربعه سلندر بعد
خذ لك ازيرا او اوريون او التيما 6 سلندر فل كامل

ماتستاهل سعرها وربي يالسوناتا أنها ابرك منها !!!

ولكن اذا تبي الشور فالالتيما V6 هي اجمل واقوى وسعرها مقارب للاكورد الاربعه سلندر

والمواصفات في الالتيما اكثر ولكن الاكورد مافيها إلا مقاعد قاسية وبودي منفخ ومكينه من سوق ابوريالين خخخخ

اسمحوني ياعشـاق الاكورد
ولكن هذا رأيي فيـها وبكل صراحة

يا عمي روح اجر وحده من مكتب ايجار محترم
انا بقول هوندا لا يعلي عليها
عيبها مبتجبش اكتر من 220 بس
لاكن قويه جدا و عزمها قويحتي 180 - 190
ازا كنت عاوز تريح بالك و تسوق و انت ان شاء الله مطمئن علي نفسك و الصيانه تنساها عليك بيها
انا اكتر من شركة تاجير اكدولي ان الاكورد العربيه الوحيده الي ليس لها مشاكل
والله باخد العربيه ماشيه 60 - 70 الف ولا تحس انها تبع مكتب ايجار كل يوم مع واحد :)
المهم انا من عشاق هوندا و سوبارو و فولك واجن
المهم صلي ركعتين و اتكل علي الله

مشكورين على نصايحكم يا شباب


انتظر البقيه

والله حرااااااام 100.000 على 4 سلندر

لو انا مكانك اخذت ماركيز 8 سلندر وهيبه وشكل حلو وكررررف وصبر وقطع رخيصه والبنشري يعرف يصلحها

اما اذا تبي سياره شبابيه عندك الالتيما روووووووعه كل شي فيها و6 سلندر وعلى كلام اصحابها الشكل الجديد صار غير الاول من ناحيه الجوده

انت بالاخير استخر والله يكتب الي فيه الخير

يبدو انه صابك الجنون 100 الف على 4 سلندر وسيدان واسيويه ؟؟

خيروني بين السيارات الثلاث ..

وصراحه اخذت لي التيما 2009 6 سلندر فل كامل ..

صدقني بدون اي مجاملة .. الألتيما الجديدة Se 3.5 جميلة جدا وفخمة جدا .!!

انسب سعر صراحه هي الألتيما .. ولاتنسى انها اقوى سياره من هالثلاث ..

الأوريون يمدحونها ..
ولو اني اكره الوكيل هذا


على العموم الله يوفقك في اختيارك

تحياتي

والله شوف

هي من ناحية هل تستاهل فبقوة ما تستاهل الـ 100 ألف على 4 سلندر

أنا مجرب 4 سلندر موديل 2008 سياحية قير أوتو
وعندنا موديل 2005 قير أوتو 4 سلندر

العزم في 2005 أبرك بكثير
الجديدة 2008 وطالع يافيها عزم خااايس بقوة وما كذب الي قالك دامك متعود على قير عادي على 6 سلندر صدقني بتمل بقوة من الأكورد من ناحية المساقط والتجاوزات والخط وزي كذا ... ألخ
جرب السيارة لتتأكد أفضل لك ترى تفرق التجربة من شخص لأخر

أن ودك تفكر بخيار ثاني أشوف تاخذ اوريون أحسن لك

ولا تنسى الأستخارة

تركت التيما عشان وكيلها ..


ومازدا وكيلها خايس بقوه .. على كلام مجرب

لا اكورد ولا غيرة ................

خذلك مازدا 6 الترا 6 سلندر 3.7

سيارة قمة الفخامة والجمال والقوة











روح الوكالة وشوفها ......

زووووووووووم تطرح الخصووووووووم

مشكور اخوي ..


انتظر البقيه ..

انزين الألتيما 6 سلندر ب 95 الف ليش ما فكرت بيها ؟؟؟؟
ولكن اذا تبي رأي بالسياره صراحة انا اشوفها زايده واجد واجد على 4 سلندر لو انها 6 سلندر اوشي اي ذيك الساعه نقول يسوا

ولا يجي احد يقول راسيه اكثر من غيرها ولا اثبت ولا ما ادري شنو والثالث (في مواضيع اخرى ) يقول الألتيما و الأوريون يلعبون بالخط و من ها الكلام
يعني سياره ب 100 الف ما بيفكرون بثباتها على السرعات العاليه

وربي يوفقك في ما تختار