كيف حالكم إن شاء الله تمام
قدر الله علي اخذ لي سيارة مستعملة باترول نيسان 99
المهم فحصته كمبيوتر وقال لي المحركات سليمة لكن يبي لك
تغير البواجي واسلاك البواجي وصفاية البنزين وتوظيب كريتير<= هذا مدري وشو صحيح
وانا مالي بالسيارات :( المهم خذيت الفحص منهم وغيرت البواجي بس اما البقية شطبت عليهم
المهم الموتر ماشي تمام سافرت عليه ورجعت مسافة 350 كيلو
شغلت السيارة من بكره فيه دخنة سودا تطلع من الشكمان بس خفيفه مره بصراحة انا ماشفتها
لكن خويي شافها ووقفت السيارة ساعتين وشغلتها وبرضو طلع دخان اسود خفيف
رحت الورشه العصر وقلت وش سر الدخان ذا اللي يطلع قال افتح الكبوت ويناظر قال يصرف بنزين؟
قلت اي بالله يصرف قال (الهوز) حق الكلبتير مشقوق خلنا نغيره وفعلا شفته البنزين ينقط وغيرناه
وقلت والدخان وش سالفته قال مدري بنظف لك الكلبتير ونشوف قلت ان شاء الله بعدين ننظفه مشيت وخليته ورحت ورشه ثانيه وقلت السيارة اذا طفت له شوي يطلع منها دخان بدون لا يشوفها قال وش لون الدخان قلت اسود قال نبي نفك لك راس المكينه ونغير قواعد البلوف قلت ان شاء الله بعدين ومشيت وخليته :( والحين يالربع تكفون ساعدوني ترى مالي بالسيارات ابد ولا اعرف شي
وش رايكم وش اسوي؟؟؟
*علما بأن السيارة ماشية 113 الف بس
* الدخان الاسود بس عند تشغيل السيارة اذا دعست لها مرتين دعسه خفيفه يختفي الدخان
واذا مشت برضو مايطلع دخان
انتظر ردكم ولكم مني الدعاء
