الأحد 19 أبريل 2026
عاجل

ناوي فورد إكسبلورر 2003-2004 أمريكي وش رايكم فيه من جميع النواحي

نادي سيارات ال SUV و العائلية والنقل
14 رد 13,222 مشاهدة 10 مشارك الأقدم أولاً
l
lancer2008 @user_82656 · 23-06-2009
بسم الله الرحمن الرحيم


السلام عليكم ورحمة الله وبركاته


من فضلكم يا شباب

سؤال :

ناوي اشتري قريبا ان شاء الله جيب (فورد اكسبلورر) 2004 او 2003 استعمال امريكي اش رأيكم فيه ؟؟ من جمييييع النواحي

وكيف السيارة بصفه عامه تتحمل كررررف سفر ومشاوير وروحات وجيات وو .. الخ ؟؟

كم تقريبا يكون سعرها في الصالات ( استعمال امريكي ) ؟؟؟

انا شفت واحد موديل 2004 سياحي مقاعد مخمل بدون فتحه فيه دبل فيه صف 3 للمقاعد بس ما شاء الله نظييييييييييييف ابدا مافيه صدا مكيف ثلاجة ماشاء الله لونه اسود عليه ضمان 5 سنوات يبغو فيه من الآخر 41000ريال اش رأيكم ؟؟؟؟

بالتوفيق للجميع
A
ALSEMAIRI @user_35725 · 26-06-2009
والله وأنا أخوك أنه غالي شوي يعني حول الــ35 ممتاز
أنا معي إكسبلورر 2002 فل كامل دبل أخذته من كم سنه بــ38 ألف
والسيارة ما أقول غير ماشاء الله تبارك الله
موتر كرف خطوط وبران وطعوس ماشاء الله قليل المشاكل وقطع غياره متوفره وبسعر معقول
وأزيدك أنه مريح جداً
وإذا الله كتب وشريته نصيحتي غير الكفرات وحط كفرات أعرض وعبي بدل الهواء العادي نتروجين
والله يوفقك ويرزقك
ا
الخائف من الله @user_54316 · 25-06-2009
اخوي السلام عليكم
اذا كنت ماتبغى فل كامل نصيحه لا تاخذه الا اذا كان 8 سلندرتوكل على الله عندنا ماونتنير 2002وارد امريكا فل كامل 8 سلندر ماشاء الله طياره وفيه قوه عجيبه شريته العام ب37000 من معارض جده جمرك حاول تروح جده المعارض ودور على مهلك
وللمعلوميه اكسبلورر وماونتنير مايفرق غير الشكل الخارجي فقط وسيارات راح تعجبك عزم جبار وترا صرفيه البنزين جدا ممتازه
الله يوفقك ااامين
l
lancer2008 @user_82656 صاحب الموضوع · 25-06-2009
الله يسعدكم ما تقصرو


شكرا شكرا شكرا على الردوووووووود الجمييييله
ا
اباري الساس @user_153810 · 24-06-2009
والله شف اذا انت تبي تستعمل وتكرف وهذي ميزانيتك خذلك باثفايندر 2001 او 2002

والله راح تدعيلي


وبالاخير الراي رايك <<
ط
طالب الجنه @user_165338 · 24-06-2009
والله ياخوي انصحك انك تشتريه واذا لقيت فل كامل ترى احسن بكثييير
ومن ناحية كرف عمي معه واحد 2004 فل كامل شاريه من الصا لات
شاريه من سنتين تقريبااا الى الان يقول ماصلحت فيه شي غير القطع الاستهلاكيه
مع العلم ان عمي راعي مشاوير وكل يوم في البر
والله يكتبلك الي فيه خير
l
lancer2008 @user_82656 صاحب الموضوع · 24-06-2009
تسلم يا غالي

بس انا من اهل المدينة ارررخص شي لقيته الى اليوم هاذا السعر ولا الباقي في العلالي
و
ولد وايل @user_13379 · 24-06-2009
والله انه موتر وصبور وراعي كرف مثل ماتعودنا من فورد

قطع غيار رخيص واسعار رخيصه للجديد وصبر وتحمل على الاقل افضل من منافساتها الامريكيات

انا انصحك تاخذ اكسبلورر بس هذا بصراحه غالي اذا هو سياحي واستعمال امريكي وفوق هذا ستاندرد

المفروض هذا قيمته ماتتجاوز الـ 30 حتى المفروض ماتاصل لها واذا تبي تعرف انه سعرها غالي سعر الموتر في موقع الياهو للسيارات المستعمله
a
alshog22 @user_162519 · 24-06-2009
اشوفه مناسب جيب ودبل 41.000 يابلاش لو تاخذ فور فكتوريا او ماريكيز بالموديل هذا 45.000 ويالله بعد الله يوفقك اخوي الجيب مناسب بكل الظروف والمواسم وشعبيته حلوه واذا على قطع غيار الفورد نم واستريح متوفر بكميات واقرب ورشه يفك ويربط فيه مو بعض السيارات لازم ورش متخصصه علشانه اتمنى فهمتني ياغالي ..

تحيات اخوك الشوق
l
lancer2008 @user_82656 صاحب الموضوع · 24-06-2009
بس سؤالي الأن اهم سؤال ما جاوبتوني عليه

السعر 41000ريال على 2004 عليه ضمان 5 سنوات طيب ولا غالي ؟؟؟؟؟؟
l
lancer2008 @user_82656 صاحب الموضوع · 24-06-2009
الله يعطيكم العافيه

اكيد انا مارح اشتري قبل ما افحص السيارة عند مجموعة ميكانيكا اعرفهم عشان لا يغشوني
f
fhad2007 @user_69277 · 23-06-2009
السلام عليكم

والله يا خوي فيه واحد من الاقارب شاري نفس موديلك بس هبل به تصليحات وورش

بس موهب معناه ان كل الاكسبلورر على هالحاله

واذا تبي الصراحه الاكسبلور ما بدأ بداية حلوه الا في موديل 2008

هذي وجهة نظري

تحياتي
l
lancer2008 @user_82656 صاحب الموضوع · 23-06-2009
لا الصراحة اليوكون حجمه كبير انا عجبني الإكسبلورر صغير وحق عائلة يعني 2في 1 على العموم الله يعطيكم العافيه

بالنسبة لأخوياA11 ازيدك من الشعر بيت لقيت اكسبلورر موديل 2002 بس مرررررررة معدوووم الصدا فيه يبغا ينطق ههههه

لكن هل السعر اللي ذكرته لكم مناسب ؟؟؟

وهل فيه عيوب الجيب هاذا ؟؟

وهل قطع غيارة رخيصة ؟؟ لأني اسمع الناس دائما يقولو الفورد قطعه تلاقيها في البقاله من كثر ماهي متوفرة ورخيصة صح الكلام هاذا ؟
A
A11 @user_106586 Banned · 23-06-2009
تم ايقاف استيراد سيارات أقدم من 2005
اذا لقيت 2004 فهو صارله فتره عندهم

يوجد افضل منه وهو اليوكن و حاول تاخذ 2005 لأنه أفضل بأمور كثيره تغيرت عن 2004 و ما قبل
و هو برأي أفضل سياره أمريكية بالعالم ( بالرغم من بعض العيوب ) كاستعمال يومي و عائلي و قطعه متوفره و شبابي و مناسب لكل مناسبه و وقت

بالتوفيق
ص
صني الباحه @user_165822 · 23-06-2009
انا بعطيك نصيحه من عندي اذا بتشتري سياره وناوي ع الخساره لا تاخذ الا فل كاااااااااااااااااااااامل

اما باقي الحاجات اللي تقول عنها من ناحيه السعر والخ ... والله ماقدر افيدك فيها
سجّل دخول للرد...