السلام عليكم ورحمة الله وبركاتة
كيف حالكم ياشباب معليش سامحوني انقطعت عنكم فترة طويلة بسبب ظروف العمل :ch19:
رجعت لكم لكن للأسف بمشكلة في الماركيز حقي
عندي ماركيز 99 ماشاء الله تبارك الله محافظ عليه مثل الجديد كل شي اغيرة في موعدة ولا اعتقد فيه احد محافظ على سيارته مثلي
الحين طلعت لي مشكلة لها تقريبا شهرين مالقيت لها حل وهي ان السيارة عندما تكون سرعتي متوسطة ودعستي على البنزين خفيفة احس السيارة تنتفض وهي ماشية وعندي احساس ان هذا النفض من القير
لكن القير زيته نظيف ومغير الزيت مع الفلتر مع زيت البطيخة قبل 6 شهور ولسه السيارة توها ماشيه 20 الف كيلو متر وانا كل 40 الف اغير زيت القير مع الفلتر وزيت البطيخة يعني محافظ على القير
وبرضه تغيرات الغير سليمة إلا اللهم بعد التعشيق الثالث احس ان السيارة فيها نفضه بسيطة وتروح بعد التعشيق الثالث مباشرة نفضة خفيفه الراكب مايحس بها إلا انا احس بها لأني اعرف سيارتي زين
غيرت البواجي قلت يمكن من البواجي وغيرت صفاية البنزين والوضع مثل ماهو
الحين انا شاك في القير بنسبة 80% وفي البخاخات بنسبة 20%
البخاخات مسوي لها تنظيف قبل سنه ونصف :c0214:
وش الحل الحين هل ممكن القير يسويها لأن القير إذا كان فيه شئ لاسمح الله معناته خلاص السيارة معاد تسوى لكن إذا كان شي ثاني فإن شاء الله مقدور عليه
هل فيه احد مرت عليه مشكلتي الله يبارك فيكم ولا يحرمني منكم تكفون افتوني في هالمشكلة .:xyxwave:
