ياخوي ورب الكعبه يجيك واحد توه داخل العسكريه وماخذ الدنيا انه صاحب سلطه ولايعرف يتكلم حتى مع المواطن وماعنده اسلوب لبق بالمعامله ..
ذاك اليوم انا رايح للدوام الساعه 10 بالليل وكان فيه تفتيش فوق دوار قصر الخليج مع كوبري الظهران المهم اني كنت حاط رجلي الله يكرمكم فوق رجلي الثانيه واسوق ولما وقفت عند العسكري ثنيت رجلي لااسفل قالي عطني اثباتك واستماره السياره ووقف على جنب مع العلم انه دوريه شرطة وليس مرور .. المهم وقفت ونزلت له قلت له عسى ماشر وانا لابس ورايح اداوم وأخرني قالي انت مستهتر وماتحترم النظام .. لاااااااحووووووووووول ولاقوه الا بالله قلت له ليه ياخوي وش سويت وش فيه .. قالي ليه حاط رجلك فوق ركبتك .. قلت والله يالحبيب سيارتي وانا حر انشالله اسوق بالريوس قالي لا رح خلك بسيارتك جالس وانا اعلمك شلون تحترم النظام وكان يتكلم ونفسه بطرف خشمه .. انا والله ماهو خوف والا شي لاني ماسويت شي يستاهل بس علشان الدوام في شركة واخر الليل ماقدر اتاخر او اغيب وجلست اعتذر له واخر شي عطاني اثباتي ويقولي لاعاد تتصرف مثل كذا ... ( الحمد لله والشكر بس على العقول اللي مادري وش تبي ) الله يصبرنا على التخلف اللي الى الان موجود والله في بعض العساكر هداهم الله ...
وموقف ثاني مره الفجر طالع من الدوام وكنت مظلل السياره نيكل كاتم اربع قزازات ووقف جنبي دوريه شرطة ولما فتحت الاشارة كبس لي بالنور وطلب مني اوقف .. المهم اني وقفت ونزلت له وسلم علي قالي عطني اثباتاتك لما عطيته قالي ابسألك سؤال واحد ..
قلت له تفضل قالي تعال شوف سيارتك بالله وقف جنب القزاز وشوف انت تشوف احد داخل والا لا ؟؟
بصراحه انا انحرجت قلت له لا ماشوف احد .. قال طيب كيف اشوف انا من اللي يسوق داخل السياره ؟؟
والله تفشلت قلت له وش تامر فيه ومن عيوني قال اللي انت ترضى انك تسويه سوه .. رحت وفكيت التضليل كامل وتأسفت منه وعطاني اوراقي ومشيت ..
شوفوا الفرق عاد بين هذا وذاك
فمان الله واسفين على الاطاله
شكرا لك على المرور :wink:
و على هالسوالف الحلوه خاصة سالفة الاول:a1120(82): ((ليش تحط رجل على رجل)):a1120(82):
و تقبل خالص تحياتي :xyxwave:
