محتاج لمعلومات عن الفورد أكسبيديشن 2009

أخوي أبولميس
ألف شكر على تعاونك معاي
بصراحة تعبتك معي حيل
متفائل999
يعطيك ألف عافيه
ttoo
مشكووووووووور
مشاركتك رااااائعه
بصراحة أعجبتني حيل في طرحك بأسلوب راقي

ألف شكر لهذا الصرح الراااااااقي واللي جمع ناس قمه في التعامل والأخلاق
تقبلو شكري وتقديري

السلام عليكم ...

طبعا انا او الوالد الله يحفظه .

من ملاك الاكسبديشن 2008 ..

من الاخر ...السيارة ماشاء الله 100% ...

:bigggrin:.
وطبعا راح اذكرلك الميزات الملاحظات الي شفتها ..من خلال تجرتبي له في كل الاحوال :

اولا : المميزات :

1- يكفيك اسمه:bigggrin:.

2- الهدوووء ماشاء الله تكون ماشي بسرعة 160 والهدوء ملحوظ في المقصوورة <<طبعا لاتنسى اصوات الهواء فوق الــ140 لابد منها قليلا ..

3- قير 6 سرعااات = ضريبة الهدوء والدعسه الناعمة .

4- المساحة الداخلية ماشاء الله ممتازة .

5- سعره مناااسب جدا جدا ...واخدنا تقريبا بــ110 الف ..شامل ..الخ <
6- مريح في الخطوط السريعة ورساوة تحمسك انك تمسك خط :) ..<<عكس الــ هههه الي يكسر الظهر .

7- القوة ماشاء الله قوته مناسبه بل ممتازة على حجمه .وخاصة العزم في الطلعاات ماشاء الله تبارك الله<<.يعني بصراحة ينفع للهجوله :bigggrin:

8- ضمان 5 سنوات او 200 الف كيلو .

وغيرها الكثير راح تلاحظها عند امتلاكك لهذه التحفه :) .


وبصراحة من الملاحظات الي لاحظتها فيه بكل امانه .:

1-عدم وجود لمبات على المرايه الجانبية << تبع الفلشر ولاشارة .

2- من الخلف مرتفع قليلا!!!

3- يتعبك في الحصوول على موقف << طبعا النوع الطويل LE .

4- لما توقف في الشمس مدة طويله تلاحظ طقطقه بسييطة تكاد لاتسمع لمدة2 الا 5 دقايق .<< فوق الطبلوون .

5- عدم وجود مكيف منفل للراكب الامامي عن السائق <<و قد لاتعتبر سلبية :) .


وفي الاخر احب اقولك نصيحة اخوية لاتفكر في غيره ماشاء الله السيارة وبفضل من الله مافيها مشاكل من 2007 .

وانا شخصيا انصحك تجربه في الوكاله ...

والله يكتبلك الي فيه الخير ..

تقبل تحياتي خي العزيز .

راااجع موضوع ابو لميس

أكيد المندوب يبي يستفيد منك ... لكن أحتمال كلامه يكون صحيح لأن 2010 على الابواب ويمكن البواخر اللي تنقل الحين في البحر جاية ...
والاخبار تقول أن الاكسبدشن على سحب مهوب طبيعي وخصوصا في المنطقة الشرقية بعد العروض ...

إذا الموتر جاز لك وأرتحت له توكل على ربك ...

أمس رحت لتوكيلات الجزيرة فرع الدمام
وجربت السيارة
بصراحة السياره قمه في النعومه والهدوء
والتحكم فيها سهل جداً وأعجبتني حيل
بس المندوب قال لي لحق العرض لأن بينتهي يوم الأربعاء القادم
ويقول أن عدد السيارات محدود
شكله يبي يستغل الوضع ويخليني أعربن عليه
ويجي العرض اللي برمضان ويصير أقل
أفيدوني

عندك الصيانة الدورية لها جدول .... الجدول مقسم لفترات وتقريبا كل 8000 كيلو وكل فترة لها فحص معين وسعر محدد ... تحصل عندهم جدول الصيانة...

أسعار قطع الغيار الاستهلاكية ... الامريكي بشكل عام أرخص من غيره ... والزين في فورد أنهم كل بين فترة وفترة يحطون عروض على الصيانة وشغل اليد وقطع الغيار يوصل الخصم فيها 70%



بالنسبة لي أشوف هذا ... الفضي ( سيلفر) بس يا ليتهم يرشون المريات مثل لون البدي ...

تسلم اخي بو رايش

اكثر لون عجبني ابيض اكسفورد وابيض بلايتنيوم

مع العلم اني لم اشاهد هذان اللونان على السيارة في الشوارع

هل هي موجوده عندنا ام لا

أخوي holine
أدخل على هالرابط

وشوف الألوان
http://www.fordvehicles.com/suvs/expedition/

ماهو أحلى لون على الاكسبديشن

معليش ياشباب بس حبيت أسأل عن أسعار الصيانه الدوريه عند توكيلات الجزيرة
وقطع الغيار الإستهلاكية
فحمات البريك و الفلاتر والأشياء الثانية

الله لايهينكم

أشكرك أخ خليد عينين وجزاك الله خير

عليكم السلام اخي ابو أنس

لاشكر على واجب اخي ابو انس وكلنا اخوان في الله في هذا المنتدى الراقي وان شاء الله نقدر نفيدكم ولو بشي بسيط من خلال تجربتنا للسياره

اعتقد من ميزة وكيل سيارات فورد انه وكيل واحد لجميع سيارات فورد في شتى انحاء المملكه وهو [COLOR=red]توكيات الجزيرة لذا العروض تكون ساريه على جميع مناطق المملكه [/COLOR]
وأتذكر يوم أخذت سيارتي الحاليه كان عليها عرض ب[COLOR=red] 11900 في رمضان ( الشرقيه ) في حين احد اصدقائي اخذها بنفس الوقت وبنفس السعر من جده (الغربيه ) لذا العرض سيكون دون استثناء [/COLOR]

هذا مالدي والله أعلم

السلام عليكم ..... الشكر موصول للجميع والموضوع أكثر من رائع , لكن أستفسر منكم أخواني هل توجد عروض حاليا" عند الوكيل في جدة ؟ بارك الله فيكم .

أبوفلاح
مشكوور اخوي

-][النمـ§ـر][-
شاكر لك ماسطرته يمينك
بصراحة أقنعتني بالسيارة

خليد عينين
أشكرك بعنف بصراحة ماقصرت
بيض الله وجهك وجعل من جابك في الجنه
بس بغيت أسألك هل يشتغل نظام سينك في أقل درجة اللي هو بلوتوث ونظام صوتي

أبو LAMeS
أشكرك أخوي
والله ماقصرت
أستمتعت بما كتبت

أشكركم وأشكر هذا المنتدى الراقي بأسلوبه

وننتظر باقي الأعضاء بما لديهم من معلومات رائعه عن السيارة

مشكوووووور أخوي جذاب
أسعدتني مشاركتك

ما أدري وش تقصد بالتعليق بعدم التعليق ... هل هو فاشل؟ أو ما فهمت وش المقصود؟

فإذا كان النظام فاشل يفضل توضح لنا ذلك ... أما إذا كنت ما فهمت وش المقصود فهذا مقطع يوضح المقصود وهو النظام اللي ذكره أخوي أبو عبدالله( خليد عينين )

[YOUTUBE]07NtEkAQJno[/YOUTUBE]

طبعا بما أن النظام في بداياته أحتمال يكون فيه بعض الهفوات والاخطاء... وأيضا من الأفضل تعريبه للدول العربية ... عموما النظام بشكل عام جيد ومريح ...

وعليكم السلام ورحمة الله وبركاته...
أول النصائح .... أنصحك تسخير ربك قبل الإقدام على أي أمر ...
ثاني النصائح ... بعد الاستخارة تنتظر حتى رمضان وتشوف العروض إلا إن كنت مستعجل للحاجة ولا تقدر تصبر لرمضان ... أخاف أقول لك أنتظر حتى موديل 2010 تروح عليك العروض لأنه أحتمال كبير يكون فيه الوان جديدة في 2010 وبعض الاضافات التجميلية وأحتمال ضعيف زيادة قوة المحرك ... رغم أن المكينة الحالية فيها الخير والبركة ... طبعا مكينة 2009 تنتج 310 أحصنة في السابق كانت 300 حصان فقط ...


* الموتر بشكل عام لم تظهر له مشاكل تخلي الواحد يتردد في الشراء رغم أن القير جديد من عام 2007 .. طبعا في السابق كان قير علاقي من أربع تغيرات ... والان أصبح أرضي من ست تغيرات تساعد على توفير البنزين ... وحتى تاريخه لم نسمع أو نقرأ عن واحد أشتكى من القير .

* المكيف أعطيه درجة 4.5 من 5 أهم يكون الموتر من الاساس واقف في ظلال ... لا يكون واقف في شمس فترة طويلة ... لأن السيارة تجمع حرارة الشمس وبعدين تصير مثل الفرن وإذا شغلت المكيف صحيح الهواء بارد لكن يبغى لك علشان تبرد الغمارة فترة أطول مما لو كانت واقفة في ظلال ... طبعا الكلام هذا ينطبق على جميع السيارات وليس الاكسبدشن وحده وخصوصا السيارات الكبيرة مثل الاكسبدشين... يعني باختصار لو نجيب سيارتين من نفس النوع وحده نوقفها في الظلال فترة والثانية في الشمس فترة وبعدين نشغل مكيف كل سيارة أكيد راح نحصل اللي واقفة في الظلال أبرد...

* ما تقل برودة المكيف إذا وقف الموتر لفترة في الشمس... أهم شي مثل ما قلت لك يكون الموتر من الاساس واقف في ظلال...

* الموتر ما فيه تنسيم يجب أن نفرق بين التنسيم يعني الهواء يدخل عليك ... وبين صوت اصطدام الهواء بالزجاجة الامامية وأحتكاكه بالزجاج الجانبي زجاج النوافذ... الموتر ما فيه تنسيم على أي سرعة ... لكن الاحتكاك موجود ونسبته تزداد أو تقل على حسب الجو الخارجي ... فإذا كان الجو الخارجي هادي ,ما فيه هواء قوي راح تسمع فقط ( حفيف ) الهواء الغير مزعج ... وإذا أجتمع عندك أسلفت جديد ناعم غير خشن مع جو هادي راح تحس إنك تسبح بالهواء بل يمكن أحيانا تشك إنك تمشي ...
الاكسبدشن في المقارنات مع غيره يصفونه بأنه ( Quiet ) أو ( cabin in the 2007 Expedition that is so quiet )
يعني الاهداء أو في غاية الهدوء ...
طبعا زجاج الاكسبدشين مصنوع من ثلاث طبقات يستخدم هذا الزجاج في اللنكون النفاقيتور الفخم والرانج روفر والفولفو... والشرح يطول في هذه المسألة ... لكن إذا كنت تعرف للإنجليزي فأدخل هذا الرابط يتكلم عن هذه المسألة بشيء من التفصيل ...

http://www.truckblog.com/print-999-print

وأخيرا أقولك أهم شيء تستخير ربك والله يكتب لك الصالح ... وإذا شريت الاكسبدشن أو غيره فالله يطعمك خيره ويكفيك شره ...
موفق...

وهذي بعض المواضيع التي ستنفعك بأذن الله

فزاز فورد الرهيب لأخونا ابولميس
http://www.assayyarat.com/forums/showthread.php?t=135271&highlight=%DD%D2%C7%D2+%DD%E6%D1%CF

وكذلك

http://www.assayyarat.com/forums/showthread.php?t=151874&highlight=%DD%D2%C7%D2+%DD%E6%D1%CF

وارجوا ان تعم الفائده