عاجل .. برادو 2008 فيه صوت طقه من الخلف

^^^^^

جزااااك الله خير يا ابو الخل

الله يعطيك العافيه:xyxwave:

ما قصروا الاخوان، وخطر في بالي أيضاً أن الجلنط يكون مسحوب قليلاً.

في الفورتشنر إذا كانت السيارة على الفاضي، ثم عشقتها على D يطلع صوت طقة بسيطة وهذه طبيعية. لكن لو كانت أصلاً على الـ D وبمجرد فك الفرامل يطلع الصوت فتقديري أنها من الجلنط.

جزاااااااااااااااااااااك الله خير ... والله ما قصرت :xyxwave:

حفظك الباري سبحانه





جزاااااااااااااك الله خير وماقصرت

بسأله واشوف :smile:

اسال ولد اخوك اذا كان يمشي 80 او 60 مثلا

ورفع رجله عن دواسة البنزين ودعس مره عشان تواصل السياره على نفس السرعه

بدون مايزيدها هل تطلع الطقه

او بس بالوقوف

لانه لو طلع معه فهذا صوت عمود الكردان

واذا ماطلع معه فهو صوت من شي ثاني الله اعلم وشو

بعدين لازم يافهد تحدد الصوت جا من وين بالضبط من الهوب من تحت السياره حول الدفرنس

والا وين بالضبط
احتمال مثل ماقال ابو سندس الجلنط مشدود

وعليكم السلام ورحمة الله وبركاته

اخوي فهد انا اجزم 100% ان سيارتكم مافيها الا العافية بمشيئة الرحمن والله يبارك لكم فيها ويازين ما اخترتوا .

الصوت هذا له ثلاث احتمالات والله اعلم .

القماشات الخلفية جديدة او تحتاج تنظيف وتلصق بالهوب بشكل خفيف مع الفرامل وحلها التنظيف او تنتظر لين تستهلك شوي شهرين مثلا ويختفي الصوت .

الاحتمال الثاني ان سلك الهاند بريك مشدود حبتين ويحتاج ترخيه . وتأكد من سلسلة وقفل الكفر الاحتياط ممكن تكون مرتخية .

الاحتمال الثالث وابغاك تبدى تجربه فورا وقبل الاحتمالات اللي فوق ترفع السيارة في المغسلة وترشها من اسفل بعلبة زيت عيار 20-50 جديدة من الصدام الى الصدام وخاصة على المفصلات والربلات والاشياء المتحركة لان بعض السيارت مايكون فيها مكان للتشحيم فتكون جافة ويحدث الصوت اذا كانت السيارة خالية من الاوزان (الحمولة او الركاب) وبعدها خله يجرب السيارة ولا تخاف الزيت مايضر الربلات ابد ولي اكثر من خمس سنوات استخدم الطريقة هذي ولا تسبب اي ضرر يذكر .. ولا انصحك تروح الوكالة او غيرها .

وغير كذا اخوي عنده برادو فل اوبشن 2008 بسأله وارد منك ان شاء الله .,

تحياتي .,:xyxwave:

يمكن ماهو من الدفرنس تأكد من الهوبات إذا كانت ناعمه زي المرايه فهي تطلع صوت عند بدايت دورانها لأن الفحمه تسوي زي الألتصاق بالهوب انا معي كابرس سوى نفس المشكله لما اقف عند الأشاره ورفع رجلي عن البريك اسمع الصوت هذا اخيراً اكتشفت انه من القماشات والهوبات وخرطها بالمخرطه وختفا الصوت اول كانت زي التحجير لما اتحرك تنقز السياره وما صدقت بالبدايه المهندس لين قال على مسئوليتي يقول إذا الهوب صاير املس ويميل للسواد لازم نسويله خرط بسيط ’’ علشان تتأكد ممكن تخلي واحد يصير عند الكفرات الخلفيه عند وجود الطقه لتحديدها وتتحرك بالسياره ولاحض دوران الكفر عند بداية تحركه هل هو سلس او كأن فيه تحجير

كيف يعني يشحمونه ؟!!

يضعون عليه الشحم باليد ولا بكبس في مكان معين ولا شلون ؟

ووش الحلول الثانيه ؟

وجزاااااااااااااااااااااااااااااااااااااااااااااااااااااك الله خير

البعض وجد حل في تشحيم عمود الدفرنس

جرب هذه الطريقه وانشاء الله تنفع

^^^

جزاك الله خير

الحقني فيه تكفى ان لقيته

بس شلون صوت عادي !!!!

اعتقد انه لازم يكون هناك صيانه له

السلام عليكم ورحمة الله وبركاته

يا طويل العمر لا تشيل هم الصوت هذا عادي

ويشتكي منه اصحاب الجيوب البرادو والفورتشنر واللاندكروزر وال اف جي

وأذكر اني قرأت موضوع عن هذا الصوت في منتدى آخر سأبحث عنه وإن وجدته
سأعطيك الرابط

وشكراً

جزاااك الله خير


مااااافي تشخيص اخر لهذه الحاله ؟

او احد يعرف لها ؟

تحياتي