اطرح مشكلتك وسيب الحل علينا فقط سيارات كاديلاك وهامر وساب

ما هو سبب تقطيع السيارة اثناء القيادة ثم تنطفء في سيارة ساب

هلا فيك اخوي انا عندي مشكله مع كاديلاك اشتريت السياره في 8-7-2009 وكل يوم وانا بالصيانه مشاكل كهرابائيه وميكانيكه واخر شي يقولون لي بنستبدل لك السياره بس مافيه نفس نوع سيارتك خذ همر او ساب وانا ارفض ذا العرض اللي يبون فيه يمشون السيارات اللي ما تمشي على حساب العملاء

سيارتي هي cts 2009 3.6L لها اكثر من شهرين متوقفه عندهم ( عيد الفطر وعيد الاضحى الحين جاي وانا بسياره اجار حتى سياره بديله ماوفروا لي والسبب حجج مالها اي معنى )

عندي كاديلاك cts ماء الرديتر ينقص فيه كل ثلاثة شهور تقريبا
وكل ما اروح الوكالة يقولوا انهم حلوا المشكلة (شكله بس زوودوا الماء)

يعطيك العاااااااااااااااااااااااااااااافيه

سؤال شاطح شوي
في احد يفتح كمبيوتر التريل بليزر ؟

اولا اشكرك على هذا الموضوع
انا عندي همر h2عندي مشكلة في ازرار التحكم مع لمبت الارباق شغالة والبوري شغال قالولي الورش هذي مشكلة الملف ماادري له احتمال ثاني ووين احسن ورش تسوية في الرياض
وعندي مشكلة في جلد البودي تعبانة ولفتلها جلد بس ما ضبطت اسمع فية ورش يضبطونها الله لا يهينك دلني على ورشة تعرف تولف لان سعر تغييرها غالي
وابي اربض الموتر من جوى
وعندي تنسيم هوا ما ادري هو من القزاز الامامي او من الفتحة ويدخل شوي موية وش تنصحني فية واسف على الاطالة وتقبل مروري

بداية اود شكرك لتعاونك مع ملاك هذه السيارات وتزويدهم بخبراتك

لو سمحت محتاج ورشة تفهم بالساب في الرياض غير الجميح

طبعا القطع مافيه الا في الجميح بس سمعت انه في البحرين قطعها ارخص بكثير

وعندي مشكلة نقص في ماء الرديتر مع اني سويت تسييخ وكان عندي تهريب في لي الرديتر وغيرته برأيك ايش ممكن يكون السبب؟

أخوي السيارة على الضمان وديها لهم ورجهم وخلي مهندس الأستقبال يطلع معك وجرب السيارة معه عشان يعرف وش المشكلة بالضبط ....
وفي حل ثاني ..
رح لمحلات الزينة بتحصل عندهم شريط زي البلاستيك في منه قطيف وسميك شوي ركبه على جلدة الباب وراح ترتاح وتراه عازل مائي كمان يعزل الهواء والماء جدا حلو مجرب شخصيا .....
تقبل مروري ...............................الحازمي

السلام عليكم

عندي كدلاك BLS 2008

يوجد صوت تسريب هواء من باب السائق وديتها الوكيل اكثر من مره ومازالت المشكله موجوده

وش المشكلة يالغالي بالضبط ....اعطيني كل التفاصيل حتى لوكانت صغيرة قد تفيدني
واتمنى اساعدك اخوي
تقبل مروري ...............الحازمي

السلام عليكم اخوي احمد عندي مشكلة في المكيف حق السياره

اخوي .. انت تتكلم عن ساب وانا الي اعرفه عن ساب سيارة قوية جدا وفيها نظام امن وسلامة عالي جدا وسيارة سويدية الصنع ليست امريكية ومن اقوى المحركات عندنا بالسعودية ....
موضوع التيربو الشركة المصنعه حاسبة حساب الاجواء الحارة والباردة والسيارة ماتدخل السعودية الا عن طريق هيئة الموصفات والمقاييس الخليجية ...بالعربي ساب موتر عليه الكلام بس عيبها الوحيد قطع غيارها وماشوفها عندنا بالصيانة كثير اعطالها قليلة جدا .
وموضوع الجميح ليه مايسوق لها ...
ساب اشوفها كثير مع برطانين وامريكان والمان هذولي اغلب عملاؤها
وثانيا سعرها مرتفع شوي
والشباب عندنا مايفكرون غير ببعض الماركات المشهورة ..

عندي سؤال

انا كنت بشتري ساب 9-3 بس كنت متخوف من التيربو
هل فيه ضرر بالاجواء الحاره ؟ يعني لو دعست فيه كثير هل بيتضرر؟
يعني بصيغه اخرى لو دعست بسياره فيها تيربو بالحر و سياره ثانيه مافيها تيربو هل الي فيها تيربو ممكن تضرر اسرع؟

السؤال الثاني ليه الجميح مايسوق لساب؟ يعني دايما سافطها وحاطها على جنب كأنه بس جايبها يرضي جينيرال موتورز؟؟

ماعليك يالغالي .......
ان شاء الله نساعد الأخوان بلي نقدر عليه ...
تخصصي بهالسيارات ودراستي بالشركة الأم جنرال موتورز..