تجربة / عيوب / ما ينقص الـ تاهو 2009 ؟!

لو تقدر تعرف سعر المحل وتروح له على طول تحصلهم بنصف السعر

تصدق الوكالة قالوا إذا تبغى تركيب شاشات عدد 2 بتكايات الرأس نركبهم عن طريق محل عن طريقهم وتكلف 10000 ( عشرة آلآف ريال ) :mad1:

اخي ابو جود اغلب اللي ينصحون بمجموعة السلام

اكثر من واحد مدحهم لي

لم اجربهم شهرتهم واصلة الاحساء

موقعهم بالقرب من تويوتا اللي مقابله الحياة بلازا

تجيك محطة بنزين فيها صراف ساب بعدها بكم محل

اكرر لم اجربهم

يا اخوان انا اريد فني شاشات دفي دي ابغ اركب شاشه في التكايات الخلفية خلف الراكب والسائق واريد فني كهربائي ممتاز علي شان مايخرب علي شيئ علما اني من المنطقة الشرقية ويا حبذاء في الخبر اذاء كان احد يعرف يعطيني اسم المحل او رقم جوله وشكرآ.

الغريب ان مندوب المبيعات يقول يروح عليك الضمان اذا حدثت مشكلة في كهرب السيارة

انا ماقول ان الضمان يكون ملغي في حالات تركيب الشاشة انما في حالة حدوث مشاكل

لان واحد من الزملاء كان عنده انفوي ومركب شاشة له ست شهور وظهرت له مشكلة

في لمبات الطبلون وعند ذهابه للتوكيلات اخبروه ان الضمان ملغي هذا الكلام من سنة تقريبا

مادري اذا تغير النظام

ماشاء الله إضافات رائعة ..

بصراحة تحسفت إني ركبت التلبيسة الأرضية .. ولكن إن شاء الله ما تجينا المشاكل ..

ومبروك لكل من أستلم سيارته وإن شاء الله يكون الموضوع مرجع مفيد لأصحاب السيارات الجديدة ..

السلام عليكم

أنا شخص مجرب التاهو أول ما نزل ( 2007 ) وكان سيارتي من أول السيارت في المملكه ، وهذا قد يكون سبب في بعض العيوب التي تم تفاديها في 2008 و 2009

مواصفاتها :
تاهو LT أسود دبل ملكي ( فل LT )

عيوبها :
أصوات في الديكور الداخلي والمراتب رجعتها لهم اكثر من مره ونفس الحاله .
صوت المكينه مزعج جداً خاصه المراوح .
المراتب غير مريحه (مقارنة بالشكل السابق ) .
سعة الشنطه الخلفيه صغير جداً جداً ، مما يحوجك إلى شراء و تحمل مشقة تركيب (شنطة قماش) فوق التنده ، او مقطوره ( وأنا افضل الأولى) .

هذا اللي في بالي هالحين ,..

والسياره بشكل عام رائعه

صح مايدخل ضمن الضمان ولااقدار اخوي اقول اسم المحل لين اطلع انا اب شي منه بعد كذاء اقول ان شاء الله هم مواعدين يوم الاحد ونقول ان شاء الله يعوضونا قيمه التصليح بس
ولا نبي غيرة شيئ
تقبلو تحياتي

بالنسبه لشاشة dvd

انا قال لي موضف التوكيلات عادي تقدر تركب نافيقيشن وشاشات

ما يروح عليك الضمان بس اهم شي تسوي التشييك في الوكاله

ابو جوود

الف شكر لك على التوضيح والتنبيه لان بصراحة انا متخوف من تلبييس الارضية

من كثرة ما اسمع عن المشاكل

هل تم الغاء الضمان عليك لاننا سمعنا كلام ان اي مشكلة في كهرب السيارة بسبب

التكييس او شاشة dvd تلغي عليك الضمان

وهل قدرت تطلع بشيء من صاحب محل التكييس

لان عندنا قبل ماتركب يحطلك الشمس في يد والقمر في يد

ولاتخاف اي مشكلة انا اتحملها واذا طلعت مشكلة قالك ماعرفك

ياريت تعطينا اسم المحل لكي نبتعد عنه

ابشركم صلحت لمبه الارباك عند التوكيلات وطلعت المشكلة من التلبيس الارضية كان الكلبس الحديد الي عم حاطينه لمس سلك من الاسلاك الكعرباء ومسبب شوط لي او كان مكانه بين السائق والراكب تحت او طلعو اربع اكلابسات حديد ولا صار من الدفي دي واخذت تقرير منهم علي شان ابغ احاسب راعي البلاستيك تدرون كم كلفني تصيح السيارة عند الوكاله 1930 ريال قبل الخصم بعد الخصم 1664 ريال .
التاهو الي معاي 2009 lt
وانصح الاخوه العزاء بعدم تلبيس الارضية وتدبيسها لان الكلبسات الي حطوها حديد او هي الي اتسبب المشكلة تدري ان الوكاله قالو عندنا نفس الطريق الي مشاكل التلبيس الارضية وسبب الاحتراق السيارات هذي هي الي تسبب احتراق الاقدر الله .
وانا طولت عليكم واشكركم علي التقبل معلومات ؟

اليوم العصر طلعت بالسيارة الانطباع الاول عن التظليل جيد

ننتظر عز الحر وفي خط علشان نقدر نحكم

ماشاء الله تبارك الرحمن ..

السعر جداً ممتاز ..

وأنا كنت أسأل عن الأسعار فقط ..

أما التجربة فانا مجرب في كول من زمان ... على : برادو وأوريون ..

وأحب أطمنك أنهم أفضل الشركات الموجودة بحكم إني جربت لومار و 3 أم

وهالمرة ركبت عند 3 أم لأن كان عندهم مع العرض تغطية الأنوار والكشافات والتظليل بـ 1700 ريال

ولكن للأمانة في كول أفضل من ناحية العزل والألوان ..

بالتوفيق للجميع ...

حياك الله اخي الكريم مرور الكرام

نتمنى انا شاء الله ان تكون عرضية

وقت حدوث المشكلة دليل المالك ماكان في السيارة لاني منزلة البيت للقراءة

اما عن التظليل ان مستلم السيارة امس للحين ماطلعت فيها في عز الحر

بالنسبة لدرجة التظليل

الامامي شفاف السائق والراكب والخلفية 01 باقي السيارة 02

السعر الاصلي 1950 ريال لكن في خصم يأتي من الجميح 10%

وانا اخذت السيارة بدون خصم من الجميح ( انتهى العرض وحولوه الى كار كير )

الموظف تعاون معي وحسب لي الخصم واصبح السعر 1755 ريال

إن شاء الله المشكلة عرضية .. وما ترجع لك مرة ثانية ..

ودليل المالك تقريباً فيه 80 % من حلول المشاكل اليومية ..

ياليتك ذكرت لنا تجربتك مع في كول .. أسعارهم ودرجة التظليل .. إذا أمكن ..

متأكد من الدبل ماكان شغال

بس زي ماقلت يمكن انهم ضغطوا الزر حق جهاز تحسين الثبات

يا holine
الظاهر إنك مشغل الدبل وما انت داري
أو العمال تبع v-kool مع الحركة حركوا فرار الدبل
لأن جهاز تحسين الثبات يطفأ مع الدبل

بعد مراجعة الكتالوج وجدت ان جهاز تحسين الثبات

اذا كان مطفأ له عدة حلول للاسف لم اكن املك دليل المالك في السيارة

من ضمن الحلول

1- ادر عجلة القيادة الى اليسار حتى وضع الساعة التاسعة ثم الى اليمين حتى وضع الساعة
الثالثة
2-اوقف السيارة وقم باطفاء المحرك لمدة 15 ثانية ثم اعد التشغيل ( هذه جربتها مانفعت )
3-اضغط زر جهازتحسين الثبات لاكثر من خمس ثوان

اتمنى ان تكون المشكلة عارضة ولاتعود من جديد

لان في دليل المالك اذا استمرت المشكلة لابد من الوكالة لتصليحها