تجربة / عيوب / ما ينقص الـ تاهو 2009 ؟!

من خلال تجربة لليوكون و الحمدلله ماشي فوق 100 الف ..

- استجابة السيارة لما تدعس بشكل مفاجئ للبانزين مو مثل القديم .. اتوقع سببه ان الشكل الجديد اثقل بالوزن ( فرق 200 كيلو تقريبا ) بالاضافة الى نظام توفير البانزين اللي يشغل نص السلندرات ..

- في عيب بموديل 2007 و تلافوه بعدين .. المسند اللي بالوسط ( التكاية ) .. مكان صغير للاغراض و ماله غطا .. بـ 2008 صار في مكانين للتخزين و مع قفل .. و بدال كوبين يشيل 3 اكواب ..

- العيب الامريكي المستمر ان غطا البانزين ماله قفل .. و حله غطا القفل مع مفتاح تشتريه من الوكالة ..

- صوت زنة خفيفة بالسكان ( الدركسيون ) ...

ليش اغلب السيارات الامريكية بدون ثلاجة
حتى اعتقد جيوب تويوتا الفكس ار والليكزس استعمال امريكي بدون ثلاجة

احسنت الاختيار والله يعطيك خيرها ويكفيك شرها

الوالد معه سوبربان 2007 .. وللامانه السوبربان كان اختياري ولم يكن اختيارهـ

هو كان محتار بين الجي اكس آر والجمس ...

ومثل ماذكر الاخ ان عيبه ان مافيه ثلاجه وهذا الشي ضايق الوالد كثيررر

ومن العيوب ايضا فرق سعر الدفع الرباعي المبالغ فيه للاسف .. وهو 10 الاف ريال

بيني وبينك اخترت السياره الصح .. والله يوفقك حاليا السوبر حقنا ماشي تقريبا 38 الف

كم

ولكن العيب الوحيد انك اخترت اللون الابيض ,,
واي خدمه او استفسار انا حاظر

تحياتي لك

الله يعطيك من خيره ويكفيك شره

ماشاء الله اللون جميل جدا على التاهو طبعا احلى من اليوكون

في عيب في التاهو واليوكون وهو عدم وجود ثلاجة

اليوكون مافيه تحكم للمكيف من الخلف بعكس التاهو فيه

الله يخليك .. وبصراحة اللون تعبت عليه .. وما حصلته بسهولة ..

وأنا من الناس الي إذا شاف الموتر منتشر أرتاح نفسياً عكس الناس الي تحب تشتري سيارات نادرة ..
أشكرك على مرورك الجميل ..



ياليت تخبرنا بعد الصيانة أيش الي صار ..

وبصراحة مافي مقارنة بالأسعار ..
أنا أشتريت البرادو بـ 124000 ومافيه نصف المواصفات الموجودة بالتاهو ..
والسعر متقارب ..
تويوتا لا يعلى عليها .. ولكن ذبحونا بأرتفاع الأسعار ...

1000شكر على المعلومات من واقع التجربه
واريد منك مقارنه بين البرادو والتاهو من ناحية المواصفات الداخليه والخارجيه وليست من ناحية المكينه

اخوي اللي تقول صوت صرصرة انا معي يوكون 2009 ماشي 4000كيلو صحيح هناك صرصرة والصوت يصدر من تحت الدرج الامامي اللي قدام الراكب وهو من المكيف حاول تطفي المكيف وتشغله راح تسمع بانقطاع الصوت عند اغلاقه
اتمنى اني افدتك والان سيارتي بالعيسى وراح يتلافون المشكلة وارد لك وش سوو
لاكن بالامانه وداعا تويوتا وداعا تلاعب جميل والسعر الباهض
اهلا وسهلا يوكون والسعر العادل

ماشاء الله تبارك الرحمن

الله يعطيك خيره ويكفيك شره

وخاصة اللون اللي اخترته قليل اشوفه مع الناس...يخليك مميز :xyxthumbs:

مافيه موتر ينتشر ويبقى مع الناس إلا هو ممتاز والناس واثقين منه...

فلا تخاف من ناحية الاعتمادية ...توكل على الله بس

بالتوفيق

هذي بعض الصور من النت لنفس موتري بالضبط ..

وقريباً إن شاء الله سيتم التصوير بكامير إحترافية ووضع تقرير خاص بالصور للتاهو ..



























تحياتي للجميع :xyxwave:

جزاك الله خير .. وصورة التوقيع تحكي واقعي وتحويلي من تويوتا إلى GM ( تراها صدفة :bigggrin: )




أشكرك أخوي صالح .. وراح أضيف صور من النت الآن .. لأني ناوي على تقرير آخر ضخم بإذن الله بالصور ..
جزاك الله خير ...



الله يبارك فيك أخوي ..



أشكرك أبو أياد جزيل الشكر .. ولم أجرب السيارة بعد بالرمال ( مع إني لست راعي بر كثيرا ).

أرتاح أكثر لما ألقى ناس مجربة ورأيهم حيادي ..



كلام سليم .. وأنا الحمدلله الي يشتري السيارة بعدي أمه داعيتله من كثر ما أحافظ عليها .. أجل كان معي برادو وما طب الطعوس إلا مرتين يمكن ..!



سبحان الله .. كأنك تقرأ أفكاري .. جالس أفكر الآن بإعداد تقرير ضخم عن التاهو ومقارنته بالبرادو بالصور .. وجميع النواحي .. إنتظرنا قريباً ..

ولكن كرد مبدئي وعلشان تطمئن التاهو أفضل من البرادو من نواحي كثيرة .. وسترى التفاصيل بالتقرير قريباً إن شاء الله ..



جزاك الله خير على الدعوة الصادقة .. ولك بالمثل يارب ..



جزاك الله خير .. وأشكرك على حسن الدعوة ..

اوفقك الرأي في كل ما قلت

الله يعطيك خيرها ويكفيك شرها

اسئل الله ان يبارك لك فية
ويكفيك شر كل عين
وتحياتى للجميع

مشكور ... تقرير رائع

وكيف شفت الفرق بين التاهو والبرادو ..... اكيد الفرق بين السما والارض

ياليت تشرح الفروقات الي حسيت بها ... لانه كان عندي برادو ومنتظر التاهو ...

هذا الكلام مع المحافظه والصيانه الدوريه راح تستمر السياره كما لو ك انت جديده

أولا مبروك السيارة والله يجعلها مدخول خير لك.
الشي الثاني أنا معي تاهو من اكثر من سنه ولله الحمد ماشي تمام.
بس فيه عيب وانا من وجهة نظري أنه عييييييييييييييب كبير بالسيارة .
وهو انه ما فيه لمبة تشتغل بالطبلون إذا شغلت الدبل وهي مهمة للغاااااااااااااااية.
أنا أشوف مكانها موجود بالطبلون بس ما تشتغل ورحت للوكاله وقالوا ما نقدر نشغلها لك.:a1120(82):
وفيه بعد جودة الداخلية مو ذيك الزود (تحس المواد المستخدمه بالطبلون والأبواب أي كلام) .:c0038:
كلامي مو يعني إن السيارة ماهي ممتازة
بالعكس سيارة جداً ممتازة وممتعة بالقيادة وشكلها حلو وعزمها جبار وسعرها ممتاز.

وبالطعوس ولا أحلللللللللللللللللللللللللللللللللللللللللللللللى
يبيض الوجه :smilie16:

تمنياتي لك بالتوفيق وللجميع

أخوكم أبو إياد:ch19:

الف مبرووك يالغالي .. اختيار موفق ماشاء الله

السلام عليكم
اشكرك على طرح انطباعك الاول عن تجربة السيارة وهذا مانرغب ان يقوم به جميع الاعضاء والموضوع ينقصة كم صورة

الله يعطيك خيرة ويكفيك شره

الله يعطيك خيرها ويكفيك شرها
وصورة توقيعك معبره عن الموضوع وخصوصاً علامة تويوتا والتاهو امامها