بسم الله الرحمن الرحيم
مشكلتي مشكلة المشاكل وهي تتلخص انه عندي كابرس صابونة موديل 93 مكينة 305 مواصفات امريكية استخدم السيارة منذ عام 97 بعد مااخذتها من الوالد وكانت ماشالله طلقة من قوتها الجبارة من جيربكس او مكينة المهم في عام 2008 وضبت المكينة والجيربكس وبعد سنة وضبت الجيربك للمرة الثانية بسبب وجود كسر في ماصورة زيت الجيربكس من شوارع جدة النظيفة جداااااااااا ؟
لكن من يوم مابدأت التوضيب والسيارة مافيها عزم زي أول ! :c0214:
لمن ادبل الدعسة تمسك الدعسة في البداية ثم يصير هبوط مفاجئ في عزمها بحيث لو ادبل دعسة منة لبكرة ماتمشي اكثر من 85 ميل ! :confused1:
ويكون التسارع واحد واحد وب بطء شديد جدا !
لكن عندما اطفي السيارة وارجع اشغلها يرجع العزم زي ماكان ولمن فجأة ابغى ادبل دعسة ممكن يمسك العزم وممكن يصير فيها هبوط مفاجئ :a1120(121): عاد انا وحظي وخاصة عند طلوعي لمكة او الطائف اكره نفسي فيها . رغم اني غيرت دينمو جديد واصلي وبواجي واسلاك اصلية ووزنت عمود الديلكو وغيرت الشاكوش لكن مافي فائدة ومايزال حرق البنزين زائد حيث يخرج دخان زائد ورائحتة قوية تكتم البني آدم رغم اني مركب شكمانين لتخفيف الدخان والضجيج .
والمشكلة الثانية هي انه لمن اشغل المكيف على طووووول درجة الحرارة ترتفع الى ماقبل النص بشي بسيييط ولمن اكون طالع مكة أوووووه عالحرارة الله لايوريك ان حاولت ادبل دعسة فا يضطرني افتح الكبوت لتخفيف الحرارة وان ماشي في الخط برغم اني مركب رديتر جديد وموية اصلية ومروحة اضافية اوتوماتيكية مع المكيف تشتغل وممكن اشغلها بدون مكيف عن طريق ازرار خارجي يدوي لأنه الحرارة بتستهلك بنزين زيادة وتطيح العزم :a120(115):
نرجو افادة الخبراء في هذي المشاكل الميكانيكية لأني وبصراحة اعشق هذ السيارة بشكل جنوووووني يكفيك لمن امشي 110 والله العظيم انه راعي امن الطرق ماشي 125 وماهو لاحقني واخذت قسيمة على السرعة وماني مسرع اصلا بس ايش اسوي لمن تشوف قوة السيارة بهذه الطريقة اكيد راح تعشقها :smilie16: لأن قطع غيارها رخيصة ومتوفرة ومااتخيل نفسي اسوق غيرها
واذا كان بالامكان تدلوني كمان على مهندس فلتة في جدة او مكة يكون احسن ماسويتو
ولكم جزييييل الشكر مقدما:xyxwave:
