نعم اخوي الفاضل ، انا جربت فولفو اس 40 وظلت معاي سنتين وبعدها جربت فولفو اس 60 وظلت معاي 3 سنين والآن توني ماخذ اس 80 موديل 2009 فولفو سياره رائعه بمعنى ما تحمله الكلمه من معنى . الي يعجبني في فولفو ، المواصفات المتقدمه بالسياره بالاضافه الى انها سياره عمليه جدا وللاستخدام اليومي ومريحه جدا جدا في السياقه والله . ولا ننسى الاهم من هذا عامل السلامه المتقدم والراحه النفسيه انك في سياره فعلا آمنه . انا عن نفسي جربت مرسيدس وجربت كابريس وجربت فورد وجربت لكزس وجربت انفنتي وانا عموما من هواة السيارات والله يا شباب مو هياط بس هاذي الصراحه وقاعد اتكلم عن واقع تجربه اهني. ولكن عشقي وحبي للفولفو من بعد ما جربتها ماراح يتغير بتاتا ! لانه فعلا اعتبرها من سيارات القمه ، وكل واحد فاهم ومطلع في عالم السيارات متأكد راح يأيد كلامي . وشكرا على الموضوع المفيد.
صح كلامك اخوي
مشكله الشي ما تعرفه الا اذا ما جربته
والناس بعد الله يسلمك يباعدونك عن الشي
مثلا انا شريت دوج من 9 سنوات و الكل قالي اش بدوج واهواله
بصراحه استخدمته 5 سنوات من احسن ما يكون راحه ونظام صوتي ممتاز و حماية والمكييف بصراحه افضل من سيارة يابانية
وجربت لاندروفر ديسكفري ونفس الشي ويمكن اكثر خوفوني منها لكن الحمدلله مرتاح منها
وهذه السيارة الثانيه لي الي استخدمها حاليا وعند الوالد الاحدث منها الجيل الجديد ونفكر بالجيل الاحدث 2010 ان شاء الله
اما عن فولفو سيارة ما عليها كلام بس شنقول غير المثل المعروف ( الي مايعرفك مايثمنك )
شاكر لك اخوي للموضوع
