السلام عليكم ورحمة الله وبركاته وبعد ،،،،
اخواني اعضاء هذا المنتدى الرائع والله اني تفاجأت بما في هذا المنتدى من فائدة كبيرة
لاصحاب السيارات وما يحتويه من مواضيع قيمة ومفيدة ، وهذا ماشجعني للتسجيل واخذ رأيكم :
يالربع انا عندي كامري 2006 ( قير اوتوماتيك ) فيها مشكلة تكتيم وتقطيع منذ اكثر من سنة
ولم اجد لها حل لدى الورش وسوف اشرح لكم بالتفصيل ( وتحملونا شوي ) : :
لاصحاب السيارات وما يحتويه من مواضيع قيمة ومفيدة ، وهذا ماشجعني للتسجيل واخذ رأيكم :
يالربع انا عندي كامري 2006 ( قير اوتوماتيك ) فيها مشكلة تكتيم وتقطيع منذ اكثر من سنة
ولم اجد لها حل لدى الورش وسوف اشرح لكم بالتفصيل ( وتحملونا شوي ) : :
المشكلة : السيارة فيها تكتيم وتقطيع ( اي انها لاتقبل دعسة البنزين ) وذلك في بداية التشغيل حتى لوما كانت باردة ( يعني حتى لو موقفها قبل 5 دقائق ) يعني اضطر اجلس ادبل لها دقيقتين وامشي بها بشويش ألين تفك التكتيمة والتقطيع ومن ثم تنطلق بدون مشاكل ، واحيانا التكتيم يجيها وانا في الخط
احس انها ما تتجاوب مع دعسة البنزين وثقيلة كأن احد ماسكها .
ماتم اصلاحه : طبعا كشفت كمبيوتر ثلاث مرات في ورش مختلفة وكلهم يقولون غير وغير وغير
ولا اقتنعت في كلامهم حتى ان بعض التغيير ات التي يطلبونها تكلف 5000-6000 ريال ( غير مقنع)
ولكن انا بمبادرة مني ( حلوة مبادرة ذي ) قمت بتغيير طلمبة البنزين + صفاية البنزين + بواجي + تنظيف بخاخات ( مرتين ) + تغيير البوابة حيث وجدناها مخرومة + غيرت واحد من الحساسات .
والخلاصة ( كنك يابو زيد ماغزيت ) وللامانة عرضتها على ورش بالرياض ، الطائف ، جدة ، خميس مشيط ولم اجد مهندس واحد يقول حطها واضمن لك الشغل والاصلاح ( كلهم يعطوني توقعات وأول ماتجيه يقولك فحص كمبيوتر ، لدرجة انه صار اللي يقولي فحص كمبيوتر اجنب عنه على طول ,
الخلاصة : فكرت والله يا اخواني اني ابيعها لانها جابت لي الضغط والهم لاكثر من سنة ، الا اذا بألقى
عند النشامى شرواكم من يفيدني او قد مرت عليه هالمشكلة ويساعدني ، وله دعوة بظهر الغيب
وجزاكم الله خيرا ،،،،،،،،
