دعوه لملاك الفكتوريا والجراند ماركيز بخصووص إلغاء دبة التلوث

أنا غيرتها ولكن ليس لأنها كانت مسببة مشاكل ولكن لأن البايب ( الماسورة كانت مكسورة) و من وين يا حسرة من الجهة إللي تثبت على المكينة وما كان في حل غير إني أركب منفول ( هدرز وألغي الدبة ) لأنها تجي شبك مع الهدرز الأصلي ) السيارة صار فيها صوت وفيها ريحة وما نصحني صاحب الورشة مع أنه يشتغل بسيارات مرسيدس آخر الموديلات و لكزس وغيرها وكل زباينه من قطر وعمان والكويت.

عموماً قالي إني لازم أغير زيت بسرعة وما اطول عليه لأن إلغاء الدبة يسبب سرعة أحتراق الزيت وبسرعة يتحول للون الأسود، فقال غيره قبل الموعد اللي كنت متعود عليه وسبق إذا كنت من النوع إللي يحب يكبس.

مضى على ذلك يمكن شهرين لا ولعت لمبت الشيك أنجن ولا شي ولا مشاكل لحد الآن والحمدلله

اخوي انا فكيتها قبل 6 شهور بس الدبات كم تقريبا غاليه والله كنت اباخذها بس كانت حاره وقلت مهو لازم خلها فكها ب 70 ريال

يسعد صباحكم \ مساؤكم جميعآ :

أمس بتاريخ 5 ذو القعده فكيت دبات التلوث بصناعية أم الحمام بالرياض من سيارتي الجراند ماركيز 2006

الحمد لله ما ولعت لمبة تشك انجن والحمد لله كل الأمور تمام ...

من نظرتي لأني ملقوف وكنت مع العامل في الحفره تحت السياره ما تولع لمبة التشك انجن الا اذا تم فصل الحساس أو تضرر....

الحساس موجود في الماصوره اللي قبل الدبه وليس في دبة التلوث نفسها ...

وصيت العامل يقص بعيد عن الحساس ( أقرب الى دبة التلوث ) وياخذ حذره عشان ما يتأثر الحساس بالحراره وتم استبدالها بمواسير جديده والحمد لله من أمس مافي اي مشكله..

وشي مهم جدآ يا أخوان : دبة التلوث ترا غاااااااااليه لا ترميها عندهم او بعها عليهم.
ممكن يشتغل لك بسعر رخيص جدآ اذا اعطيته الدبات وانا أخذو مني 80 ريال على الشغل وأخذت الدبات معي وعلى العموم المحل في مدخل الصناعيه والمسؤول عن المحل يماني واللي أشتغل بيده هندي وهذا رقم جوال اليماني 0595520180 وإسمه شريف

ياشباب

انا ماجربت في الموتر اي شيء


لكن الموتر احسه مختلف عني نهائياً عن اول

عزمه احسه مو مثل اول ماادري هل بسبه الدبه

واذا شغلة الموتر يطلع فيه صورت خرخشه خفيفه تجي وترووح هالصوت


وبعدين وشرايكم لافكيت الدبه وطلعت الي فيها هل تتوقعون انه احسن

وهل لافكيت الدبه وطلع الي فيها

وجيت ابيع الموتر هل ينزل من سعر الموتر او يسبب لي مشكله


وهل لافكيت الدبه وطلعت الي فيها بتولع لمبة التشيك انج


عارف ذبحتكم بالاسئله ههههههههههه


تحياتي لكم وانتظر ردودكم

ابو سعود

اولا السلام عليكم
ثانيا حبيت اطرح تجربتي ممكن؟<<<< ياربي يالادب

الموهيم انا ركبت دبات خليجيه (الوطنيه) وحصل معي كما يلي

اجمالي التكلفه : 500 ريال سعودي ودريت بعدها انه ملعوب علي :bigggrin:

السلبيات:
1ـ رائحة الشكمان
2ـ لمبت التشييك ,,<<<<< قسم اني اكرهها
3ـ بعد ثلاث شهور خربت دبه من الدبات وصار بها صوت قرقشه تقل مفجره المكينه


الايجابيات :
1ـ قوه بالعزم ......طلع بالمكينه عزم تقول كنها ss <<< بالغ شوي
2ـ انخفاض درجت الحراره
3ـ كانت بالمكينه رجه عند التسخين (الصبح قبل الدوام)


وبذالك انتهينا من التجربه

وتقبلو تجربتي الطويله العريضه

سعر الدبات اخوي تقريبا 2500 ريال من التشليح واصلي

لكن تقصد وكالة يعني جديد من الشركة؟؟؟؟؟؟؟؟:confused1::confused1:

والله انا شلتها لانها تسبب حراره عند الرجول وانتم بكرامه وتكتم السياره قصيتها وركبنت مكانها مواصير والسياره ولا احلى عزم +حراره مافيه+بنزين اقل خصوصا اذا كانت مكتومه رصاص

اما انا شلت الدبات اللي تحت رجول السائق وخليت اللي عند القزوز

لمبة التشيك ولعت إذا دعست للموتر !!!

انا معي ماركيز 2003 سبورت ...

شلت الدبات لكن ماكان فيها حساس على ما أظن وحطيت بدالها مواصير ... لكن فيه دبات عند القزوز ماشلتها ...


ع العموم انا شغاله عندي لمبه التشك من زمان ....

لكن اختلف عندي ..

1- صوت الموتر تغير ...
2- صرف البنزين أقل من أول ...
3- العزم أقوى .

^
ايه نعم هن

ياشباب ياليت توضحون فين مكانها بالظبط هل هي الدبتين اللي تحت رجل السايق والراكب وانتم بكرامه ولا غيرها ؟

رحت لليماني اللي غير لي الدبات

قال : قبل ما اسوي شي فصلت البطاريه حقت السياره واشتغلت على تغيير الدبات وفصلت الحساس حق الشكمان ( اليمين واليسار ) وخليتهم زي ماهو وبعد ما انتهيت رجعت اسلاك البطاريه وبكذا تتبرمج السياره من جديد وماراح تطلع لك ( التشك انجن )

يعني قبل ما تغير الدبات لازم تفصل البطاريه وترجعها اذا انتهى العامل من تغيير الدبات

هذا تجربتي

وشكرا

ان شاء الله راح اتأكد الليله

اخوي ROTO7 مشكور على الموضوع الحلو

بالنسبة لي معي ماركيز 2007 امريكي

شلت الدبات كامله مع المواصير عن طريق المصامير بدون ما عدلت فيها اي شي
وركبت مكانها مواصير عادية وجبتلي قواعد (فتحات) للحساسات من المحل نفسه
وركبت الحساسات نفس مكان الحساسات الي بالماصوره الي فيها دبات التلوث

حاليا اقدر ارجع دبات الوكالة بدون تلحيم ولا شي بس فك وركب عن طريق المسامير

المشاكل الي واجهتني
اولا : لمبة التشك انجن ولعة
بعد مامشيت كيلو واحد (والحساسات الـ4 كلها موجودة بالاماكن الصحيحه)
وحاولت اطفيها باني افصل البطارية صحيح طفت بس بعد ما مشيت 3 كيلو رجعت ولعة

ثانيا : انا عندي كراج صغير داخل البيت ادخل سيارتي فيه 4 جداران والسقف مغلق باحكام مالك المخش
باب ضغير يدخل على اليبت وباب الكراج بالريموت

قبل ما افك دبات التلوث كان مافيه اي مشكله اشغل السيارة واجلس عندهاعلشان اسخنها بدون ما احس باي شي

بس بعد ماشلت الدبات صرت ما اقدر اتنفس لدرجة اني صرت افتح باب الكراج
قبل ما اشغل السيارة من الكربون (يمكن لانه مكان مغلق) ومع هذا احس ان
الكربون مالي المكان

وصرت اشغل السيارة واطلعها من الكراج على طول علشان ما اختنق من الكربون
8سلندر كم تنتج لتر مكعب من غاز الكربون ؟؟؟

وصوت السيارة صار احلا من اول (بالنسبة لي)

وبس حاليا لي شهرين فاكها ومتجاهل لمبة التشك انجن

بس احس اني الوث البيئة <<<<< نصاب


فانا انصحك لاتشيلها الا اذا كانت تسببلك مشاكل

ولك مني ولكل الاعضاء اجمل تحية

انا معاي فورد موديل 93 شكمانين امريكي فكتوريا شلت الرصاص من الدبات ب80ريال الثنتين فتحها لي من النص بالطول وطلع مافي قلبه من ناحيه الصوت اذا دعست يطربك شوي تحس انك راكب فورد صرفيه البنزين قارنتها من الرياض لحد الدمام من محطه تسهيلات اول ماتطلع من الرياض لحد مجمع الراشد بالخبر امبير البنزين تحت خط النصف بالضبط والممشى 140 بالمثبت واخوي بماركيز موديل 99 ونفس الممشى والامبير ع خط النص بالضبط ومن ناحيه البرودة والعزم للماكينه ابشر بعزك والريحه اذا طولت مامسكت خط الريحه تكون واضحه شوي لكن ترتاح من مشاكل الحراره حتى ع الطريق لو تعطيه ماتحس انه الماكينه متحجره حتى الفزه تفرق معاك ولكن شيلها افضل بس ع البيئه مضرتها اكثر وبالتوفيق للجميع

والله حسب المعلومات المتوفره لدي انة سعر الدبات الاصلية مكلف جدا جدا ؟

مـــــالك إلا الوطني

حلو اخوي بس لية ماولعت ؟؟ هنا السبب هل وضع الحساس محلة ؟ اخوي ليت تتأكد لنا

احد الشباب قام بأزاله مابداخل دبة التلوث عن طريق عمل خط طولي (شق) وازاله مابداخلها وارجاعها كما كانت وانتهت مشكلة الحرارة لديه ولم تظهر لديه لمبة الماكينه

بالتوفيق للجميع