مبارك عليكم رمضان
ادري اني اشغلتكم كل يوم جايكم باستفسار وما عمري نفعتكم
لكن اليوم اول استفسار عن سيارتي الجديدة سوناتا 2010 نص فل لون لؤلؤي
الخميس 6 / 8 / 2009 م
دفع الوالد الله يحفظه المبلغ للمعرض
ودق علي واحد اعرفه قالي اصبر لا تطلع لوحات اخبرلك واحد يطلع لك لوحة زينه
قلت اوكي نصبر
الاربعاء 12 / 8 / 2009 م
طلعت السيارة من المعرض بعد ما خلاني خوينا اللي فوق احتري وبآخر شئ طلعت لوحة اي كلام
الاربعاء 2 / 9 / 2009 م (الاسبوع الثالث)
ابطلع من البيت لعلي صبخت بباب الريموت
وهذي الصورة لمكان الصبخة
تم تصغير هذه الصورة. لمشاهدة الصورة بحجمها الكامل اضغط على هذا الشريط. الحجم الأصلي 3091x1186 والحجم 368KB.
لاحظوا الطقه باديه من القرطاسه للقرطاسه << الله من زين العلامات
وش اسوي توي متقضي للاهل قلت خلني اصور
عاد الله يقلعه هالباب ما جاه شئ << بغيت انزل بمطرقه اعلمه وشلون ياقف مره ثانية
رحت امس للحسون اللي ب عنيزة قالي بـ 300 ريال
بس يقول ما يضطه 100%
احتمال 70 - 75 %
وورشة (أبو فهد) برضوه بعنيزة
يقول ان شاء الله 90-95% بدون رش
لكن عجزت له يقول تعال بعد العيد اعلمك السعر
وعيا لا يقولي حتى السعر التقريبي
لكن فيه واحد يقول انه تقريبا نفس المكان كلفت عند نفس الورشة (ابو فهد) كلفت عليه 700 ريال
وبعد كل هالقرقر
وش رايكم بالاسعار ووش رايكم وش افضل ورشة تعدله بالقصيم
نصائحكم وتبريكاتم وتهانيكم وكل شئ كويس
واذا فيه هدايا ولا شئ ترا عادي
