فوردي ما يشتغل والجني الازرق ما عرف له

السلام عليكم ورحمة الله وبركاتة

ما اطول عليكم ^^


قدر الله علي وشريت فكتوريا 99 امريكي فل الفل قبل 7 سنوات وصرفت عليها دم قلبي وربي يشهد صرفت تقريبا فوق 25 الف ريال عليها صيانه ومشاكل مع العلم ما صرفت ريال واحد على حادث كلها حركات تستهبال من الفورد الكريم ^_^


اكبر مشكلتين واجهتني الثانيه (الاولى بقولها بعد الثانيه عشان تجي بالتدريج ^_^)
مشكلتي الثانيه ان عندي هالفورد دخلته كذا ورشه ابي ارفع وجهيته واخليها مثل الوكاله ما قدرت شريت يايات ومساعدات يوم طلعتها لقيت وجه الفورد محتضن الشارع نازل حيل وبعدها دخلتها الوكاله وركبوا يايات وكاله حقت 99 يوم نزلوها من الرافعة صارت نازله مره الرفرف يغطي الكفر تقريبا وما عرفوا بعدها شيكوا على القواعد حقت اليايات وشيكوا على السياره لا يكون فيها صدمه حصلوها شد بلد ما فيها الا العافيه طبعا دخلت على مدير الورشه ومدير وكاله فورد بالرياض(خريص المقر الرئيسي) وقلت له السالفه انهم ما عرفوا طبعا اهو ما قصر وارسل معاي مهندس اوروبي فاهد صح وبعد ما شيك على رقم الشاص قال هذي ياياتها غير ورصني شهر وكم يوم والسياره عندهم الى ان جات اليايات من امريكا عاد وراني اليايات قبل والله كنها يايات تريله اكبر من حقت الوكاله مرتين وثقيله وطويلة مره مره وبعد ما ركبوها ضبطت السياره صح انها نازله شي بسيط عن الوكاله لكن ما عليها تمشي افضل من اول وطبعا قيمة الياي الواحد 850 ريال

والمشكلة الثانيه واللي طلعت عيني الى الان مالقيت حل (((((((((((((((((((((واتمنى من مهندسي وفنانين صيانة الفور))))))))))))))))))))
ايجاد حل لمشكلتي

انا كنت رايح من الرياض للشرقيه انا والمدام ^_^ ونصف الطريق ولعت لمبة مانع الانزلاق اللي ما تخيل السيارة تفحط :) وصار الدفرنس يستهبل ويرجف (طاقه برد الظاهر) المهم بعد ما صارت اللمبة تأشر والدفرنس يرج السياره اشتغلت جميع لمبات الحراره كلها وصارت تشتغل وتطفى كلها ولمبة اللي على الطبلون حقت السفتي تأشر معهم بعد :) طبعا من الروعه انا حطيته على n وطفيت السيارة وانا على سرعة 140 < اعلى سرعه امشيها :)

وبعد ما وقفت فتحت الكبوت على بالي حراره لقيت الرديتر ممتاز والخرطوش مو متحجر رجعت ودقيت سلف بدون ما اشغل لقيت كل شي طبيعي الحراره مضبوطه والمانع الانزلاق طافيه لمته كل شي طبيعي شغلت ومشيت من جديد شوي وترجع الحاله بعد 20 كيلو واشتغلت لمبات الحراره ومانع الانزلاق والدفرنس تنكس معهم وطفت السياره ووقفت على جنب وجيت اشغلها عيت كل شي رجع سليم بس ما تشتغل خلصت بطاريتها من كثر ما ادق سلف وما اشتغلت ونزلت وتفلت على السياره من القهر واقرب سطحه وللدمام << ما ينلام
معاناتي مع الورش رحت لأكبر ورشه متخصصه للفورد وصراحة الورشه معروفه هناك لان كل من قلت له قال روح للورشه الفلانيه بصناعية الخضير وبطعا اسبوع كامل فككوا السيارة قطعه قطعه الكمبيوتر والمكينه والقير واشياء بالشنطه والظفيره وكل شي حسيت موتري صار تشليح يوم سألتهم قالوا موترك بوه جني كل شي سليم ميكانيكيا وكهربائيا بس ما يشتغل طلعت عينهم والله راعي الورشه جاي ووقف على السياره هو وابو فلبن اللي عنده(اشهد انه رجال راعي الورشه ما قصر وهذي مو غريبه على اهل الشرقيه وفوق هذا عطاني اكسنت اتصبر عليها طبعا راحمني اهو) :)

المهم قالي اخر شي ان موتر اول موتر يستقعد لنا وقالي موترك نقطه سوداء في صفحة ورشتنا لان كل كل موتر يدخل عندنا نعرف كل شي فيه الا هالموتر (راعي الورشه بغى يبيع ورشته من القهر)

مالكم بالطويله << مغطها شوي

عاد طلعت اتمشى فيه وانا فوق السطحه :) من ورشه لورشه وكلهم ما عرفوا اخر شي رجعته للرياض بسطحه والان الشين فوردي موقف ببيت اهلي وطافي

مع العلم فلاتر صفايات طرمبات كمبيوتر كويلات بواجي كل شي كل شي سليم بس ما تشتغل

اتمنى الحل مع العلم اني ملاحظ موتري عزمة اقوى او مثل عزم الفرود
الجديده 2006 2007 << مقاومهم طبعا موتري 99 امريكي وما غيرت فيه ولا حطيت اي شي في محركاته كلها شد بلد :)


هييييييييييييييييييييييييييييييييييلب مي ابي اصلحة وابيعه طلع عيني