السلام عليكم ورحمة الله وبركاته..
أعزائي الأعضاء هذا الموضوع أنا طرحته في السابق في منتديات أخرى وجاء الدور على هذا المنتدى الكبير.. والسبب هو كثرة الجدل ليييييييييييش الألتيما مستواها متذبذب خصوصاً مع السيارات اللي بفئتها مثل (الأوريون).. يعني أحياناً اتشوف مقاطع لها على اليوتيوب تطرح وأحياناً مقاطع لها تنطرح.. طبعاً الأسباب عديده ومنها قلة خبرة السائق أو نشاط السياره أو كم راكب فيها أو أو... إلخ
لكن السبب الرئيسي واللي ما يعرفه كثيييييير من ملاك الألتيما هو الجير!! نعم الجير!!
طبعاً فيه شباب كثير اتحط الجير عالـ X-TRONIC علشان يعطي تسارع أفضل للسياره بحكم التعشيقات الـ 6 للجير.. لكن (الحقيقه) هي إن الجير عالـ D أفضل !! ليييييش؟؟ لأن نظام الـ CVT ما يشتغل إلاّ على الـ D !! واللي ما يعرف شو الـ CVT فهو (Continuously variable transmission) أي ناقل الحركه المستمر وهو بدون تعشيقات وهو أصلاً اللي عطا الألتيما الجديد قوتها يعني من 0 لنهاية عداد السرعه على جير واحد بدون تنقيلات اتضيع قوة المكينه!! واللي يحط الجير عالـ X-TRONIC ينحرم من هذه الميزه !!
إختصاراً للكلام وبشكل عملي هذه مقارنه من سيارتي 2008 سته سلندر:
بالـ X-TRONIC من 0 للـ 200 في 24.2 ثانيه !!
http://www.youtube.com/watch?v=M9T0J-SorY0
بالـ D أي (CVT) من 0 للـ 200 في 21.7 ثانيه !!
http://www.youtube.com/watch?v=gi259d41ajw
هذا الموضوع طرحته ليستفيد منه أصحاب الألتيما اللي ما يعرفون هالمعلومه وكل واحد مستغرب من تذبذب مستوى هالسياره الرررررررررررررااااااااائعه !!!
(ملاحظه): هذا الشيء ينطبق على الألتيما الـ6 سلندر لكن الـ 4 يقولون أصحابها اللي جربوها إنه الـ X-TRONIC فيها أقوى من الـ D !!
