السلام عليكم ورحمة الله وبركاته
اخواني انا معاي دودج شارجر 2006 هيمي ماشي 105 آلاف امريكي
السيارة تمام في كل شي
عندي مشكلة اني لو حطيت فرامل وكبست نص تقريبا تصير فيه رجة في الدركسون وفي دعسة الفرامل
وطبعا على سرعة عالية يعني 120 وفوق اما السرعات المنخفضة مافيها مشاكل
رحت سويت ترصيص وخليت ضغط الكفرات 35
خفت الرجة وما صار فيه رجة بالدركسون الرجة صارت بس في دعسة الفرامل
وديتها عند ميكانيكي قالي الهوبات الي قدام وورا يبغا لها تنعيم بسيط لانو في الهوب زي المطبات
قلت له خرط قالي لا ما يحتاج خرط
وكمان قالي تنعيم للأقمشة
وقالي ان شاء الله تروح
بس قالي ما اضمن لك انها تختفي ..
وتقريبا الشغلة تكلفني 200 ريال
بس فريت شويا في النت ويقولو انه عيب مصنعي في الدودج بس السيارة راعيها الأول استعملها 3 سنوات و 3 شهور يعني ما اتوقع انو ما حصلت له المشكلة وقعد عليها ثلاثة سنين وهي ترج ؟؟
وفيه شباب اقترحو انو اخرط الي ورا واغير الهوبات الي قدام الى هوابات رياضية ؟؟
ابغى اقتراحاتكم واذا فيه احد جرب التنعيم او الخرط ونفع معاه
واذا ما نفعت اش الهوبات الرياضية الي تنفع وما تكون مرة غالية
اخوكم ..
