اخواني اشرح لكم معانتي والتي دامت من قبل رمضان لغاية يوم
24/9/1430 وهي كتمه بالسيارة وتقطيع وصوت فرقعه بالماكينه علما اذا دعسة دعسة البنزين كامله يفتح الموتر ويصفا على السرعات العاليه واحيان من تلقاء نفسه ورجلي على دعسة البنزين على سرعة 130 ك وفجأه يفتح ويمشي فيني 190 ويرجع ثاني مره 130 وهكذا:c0214:وما بقى ورشه بالشرقيه مارحتلها وكل ماوصولي ورشه او ميمكانيكي اروحله يرسلني لشخص اخر:smilie20: المهم اني بدلت البواجي وبدلت الاسلاك وبدلت صفاية البنزين دون جدوى وشيكت على اهواز الهواء ولا في فايده ونضفت الثرو تل ولا شي جديد كل يوم واحد يقولي شغله اسويها لضيق الوقت فحصت كمبيوتر ولا طلع اي نتيجه :a1120(82):وبما اني موظف شركة يعني اداوم دوامين وبالرغم من ها بالظهر الحق لي على كم ورشه وبعد الفتره الثانيه اكمل الباقي ولا ارجع الا وجه الفجر عند السحور ناس قالولي الطرمبه شيكت على الطرمبه وطلعت مضبوطه:a120(115): المشكله اني اذا فصلت اي سلك من اسلاك البخاخ من جهة الراكب مايتغير اي شي واذا فصلت من جهت االسائق يتغير الريس حق السياره يعني توصل كهرباء من جهة السايق ولا توصل من جهة الراكب قالولي ضفيره شيكت على الضفيره طلعت مضبوطه وخبركم الضفيره خطيره ولا يبيلها الا مختص واذا رحت لمخت قال والله مو فاضي ولا اقدر استلم منك السياره نهائيا من كثر الزحمه لانه (شاطر بالكهرباء) والكل عنده المهم قالولي الكمبيوتر بدلت وركبت كمبيوتر اختبار ااخر لنفس السيارة ولا تغير قالولي حساس الهواء وركبت لسيارة اخوي نفس السياره ولا زان شي قالو لي بخاخات نضفت بخاخات وبرضو نفس الشي:c0038:
المهم دعيت ربي انه يساعدني ووصفولي شباب ورشه خلف مستشفى الامل بالدمام اختصاصين تزويد وتعديل سيارات وبرمجه على الداينو هي عبارة عن كراجين وطحت في يد واحد بن حلال جلس معاي بالكمبيوترالالبتب تبعه الى بعد صلت الفجر س6.45 ص طبعا على ماخلص بطارية الابتب تبعه ورجع وشحنه عشاني المهم اكتشف المشكله ان في حساسين بالشكمان استغربت منها كثير:a1120(86): قالي هذي حساسين يقيسون الكربون ولتقليل التلوث البيئي وتقلل من صرفية البنزين بما ان كل حساس بشمان من بداية القزوز واحد منها عطلان يرسل بينات لكمبيوتر السياره على ان السيارة طافيه والثاني الي شغال يرسل بينات ان السياره شغاله ويطلع منها كربون فالكمبيوتر الحس وقام يشكل بالكهرباء وبما انه يشكل بالكهرباء ويشغل نصف الماكينه تقريبا 4 روس تشتغل فانه يقطع ويتفتف والكربون الي يطلع مو صافي يرجع الحساس الشغال يعطي البيانات للكمبيوتر بهالشيء المهم حبت عيني الكمبيوتر كاسر خاطري والله
بكبسة زر الغاها لي وقال اذا تبي تركبها اشتر الحساس وركبها وانا برجع اعيد تشغيله وكذا انحلت المشكله يعني هاللفه كلها وكل يوم بورشه بسبب حساس ولا منه فايده غير انه يقيس التلوث ويقلل نسبه بسيطه من صرفية البنزين
بس اذا خرب لعب لك بأم السيارة لعب .وسامحوني على الاطاله بس حبيت افيد الي ممكن تواجهه هالمشكله
واشكر ربي اولا واخيرا لاستجابة دعاي ياحبيبي ياربي وادعولي وادعو لاخوي ابو شهد جزاه الله الف خير الي حل لي المشكله:xyxwave:
