مشكلة عانيت منها منذ شهر تقريبا وخسرت اكثر من 3000 ريال والى الان مشكلته لم تنحل

يعني اللي سبقوني فيهم الخير والبركة.. بس أضيف إنك تشيك على كراسي
اليايات هذيك اللي في الرفرف ويتربط فيها الياي من الأعلى ، وشيك على
عمود الدريكسيون والصليب حقه . لكن واضح ان مشكلتك بسيطة ومايحتاج
تشغل بالك الحين ، بعد العيد يصير خير ان شاء الله؛؛

اخوي sky
يعطيك الف عافيه والحمد لله ان المشكله انتهت عند هذا الحد
وبالنسبه لحقك ان عفيت وسامحت أجرك عند الله
وان طالبت بحقك تراه مهوب غلط ولا أحد راح يلومك بالعكس..
ان طالبت انت وانا كل شخص باسترداد حقه ماراح نعطي لهالحراميه فرصه يلعبون على الناس وراح يفكرون الف مره قبل لايقدمون على ابتزاز الناس واستنزاف اموالهم من غير وجه حق..

اشكرك وماقصرت ... واللهم امين

شكرا للنصيحه




اشكرك وان شاءالله بجرب حظي

ماقصرت




حاجه غريبه .. !


الشيء شفته بعيني الكراسي الماكينه يميننا ويسارا .. وزي ماهو موضح بالصورة كرسي الماكينه مكسور اقرب اثبات

ولماا تم تغييرره الفعل ولا كأنه فيه شيء فكيف ربط مسامير ...

تاكد من معلوماتك :)




مشكووراخوي وانا ماراح اسكت وراح افيدكم باخر المستجدات ان شاءالله

مشكورين

اخوي انا انصحك تروح تشتكي..
هذولا حرميه ودامهم لعبو عليك اكيد لعبو على غيرك..
وهذا غش خلهم يعوضونك ويتفاهمون مع الورشه..
وممكن الي يشتغلون في الورشه ماهم ميكانيكيين..
ممكن انه حلاق والا معه شهاده مزوره<<ياكثرهم في البلد
اخوي رح اشتكي والله يقويك عليهم..
انت دفعت فلوس ومن حقك تتعوض ماديا..
وراعي الورشه ينتبه لـ عماله..
انا انصحك وبـ قوه انك تروح تشتكي..

تحياتي

انت غلطان كيف يضحك عليك ويقول كرسي المكينه وكرسي القير !! وش دخلهم !!

والله احسهم كلهم اضحكو عليك لان سالفه احس بس ربط مسامير بـ150 ريال ازين ورشه بعد !

انا مجرب واخذت حقي .....والطريقة مشروحة في اول رد لي ....

أخي sky
أهم شئ ان السيارة رجعت لطبيعتها وان شاء الله ماتشوف شر..أما بالنسبة للورش فأرى ان تحتسب الأمر عند الله فهو حسبك وسوف ينتقم منهم لظلمهم..وأعتقد حتى لو شكيتهم لغير الله فلن تنال منهم لاحق ولاباطل..لانهم يعرفون كل مخارج المشكلات...احتسب ربك وسوف يريك الله فيهم..لاتقلق فهم يأكلون السحت ولا يبالون...وعموما هذا منتدانا فيه الخير والقائمون عليه...وترى كل الأخوان بيكونوا حاضرين للمساعدة في حل المشكلات قدر الامكان .وان شاء الله ماتشوف مشكلات تانية..وآخر دعواهم أن الحمد لله رب العالمين..

مشكوور اخوي للافادة

الحقيقة انا ابي اقابل ادارتهم وصرفني

هذا اللي قهرني

حسسني انها استغلال

يعني عاملني انه خلاني حق تجارب

ابي اعرف هل احد مر بهالتجارب لان ابي استفيد لو رحت للشرطه وبلغت عنهم واخذ حقي ..

شكرا

اخوي ان عفيت عنهم فهذا كرم منك وان بغيت تشتكيهم تروح لورشه المشعل في الصناعية القديمة وتاخذ معك الفواتير والقطع المغيرة القديمة اللي انت تقول انها كويسة وتعلمهم القصه ويعدون لك تقرير بقيمة 200 ريال وتاخذ التقرير للشرطة واه يا ناس على جربعه الورشة في الشرطة .....

طبعا هذه الارشادات مجربها انا وحاصله معي وجاء فيها عناد من راعي الورشة اللي صلحت فيها وحاولت معه باللين لكن تكابر علي قلت هين ابخلص اختباراتي وابجرك على خشمك انشالله وتراها الف ريال ما تسوى بس انا ولا انت وديت بالموضوع حتى تقابلت انا وياه في الشرطة وقام يتشكى للي انا فيني سكر وانا وانا وانا قلت هين بس طلع الدراهم بس ويوم خلصت منه قلت اخذتها منك غصب ........وانا تراني ماني مثل باقي الثاني يسكت عن حقة .....

واخيرا ليت الناس تسوي مثل ما سويت علشان ننتهي من الاستغلالييين ...

[COLOR=red]الاخوان [/COLOR]

$ ابو صالح $

DSC
mostafa mostafa

soor

Rapture


شكرا لكم جميعا لاعطاء توقعات الحلول ولله الحمد الان السياره تم حلها بفضل الله

الأخ Rapture

والله المشكلة الواحد لاكان مايعرف للميكانيكا شيء !

وغلطتي اني مارحت الا هالورشه لانها من مبناه فخمة وكبير والله شقولكم .. اغتريت شوي ..
حتى الاذرع والكراسي والجانبيات ماعرفته الا الآن واول مره اشوفه
^_^

بس الحمدلله على كل حال

اسمح لي اقول انت السبب في خسارتك كل هالمبالغ لانك ما تعبت نفسك ورحت اكثر من ورشة وشفت ارائهم

شوف حبي أحد أمرين
1ــ عمود التوازن
2ــ الجوزات
إذا شكل السيارة قريب من الكورولا

أخي sky السلام عليكم وعلى جميع الأخوة في منتدانا العظيم هذا...وكل عام والجميع بألف خير.. ياأخي اعتقد ان مشكلتك بسيطة ولم يكن هناك داع لكل هذه المصروفات.. ولكن قدر الله وماشاء فعل...فأنا من واقع تجربة قد حصل معي ماحصل معكم تقريبا..سيارتك ياعزيزي لو كنت غيرت وضعيتها للأعلي..وأعني لو تم رفع السيارة عن وضعيتها الأصلية فسوف تشعر بالطقطقة في كل من العكسين الأيمن والأيسر مع الملفات او حتى مع السير العادي..(هذا بالنسبة للسيارات ذوات الدفع الأمامي وتسمع الطقطقة في الخلف مع سيارات الدفع الخلفي ) على حسب نسبة التعلية..فتعشيق الترس الواصل بين رأس العكس والعجلات لايتم بالصورة المثالية، وعليه يكون هناك خلوص طفيف بين أسنان الترسين فلا يتم التعشيق كما أسلفت بالصورة المثالية مما يتسبب في سماع صوت الطقطقة..أرجو ان أكون محقا في ذلك، ولو أنكم أعدتم وضعية السيارة إلي الوضعية الأصلية فأعتقد انه سوف تزول المشكلة..والله من وراء القصد وهو يهدي السبيل..وان شاء الله المشكلة تتحل ..وعلمنا بما يصير معكم...وكل عام والجميع بألف خير ..وعيد سعيد.

اخوي الله يحفظك ويعوضك خير عن اللي صرفته من دون نتيجه أصحاب الورش فيهم كثير ممن لاياخافون الله وهمهم الوحيد كيف ياكلون اموال الناس و يستغلون حاجتهم لاصلاح سياراتهم
واحب اقول ان الكفرات مشاكلها في الرجه بس ومالها دخل في الطقطقه
(الطقطقه) تعني صوت حديد يضرب في بعضه او ربلات مقطوعه او مشاكل في العكوس
انت قلت ان الصوت يطلع خلف الكفرات الاماميه اعتقد ان كراسي المكينه بعيده عن مكان الصوت وبعدين السيارهموديلها جديد و مكينتها مو ثقيله علشان تتاكل الكراسي وتخرب بهالسرعه وتسرعت في تغييرها
الكراسي اذا كانت متاكله تسوي هزه في السياره عند تشغيلها وصوت احيانا عند المطبات لكنها زي ماقلت لك بعيده عن مكان الصوت
شيك على مسامير التوازن وربلاتها وافحص جميع الجلد والاذرعه زين عند احد فاهم احتمال كبير تكون المشكله منها
واذا طلع كل شي عندك مظبوط
مابقى الا العكوس ورؤؤس العكوس هاذا اخر حل
والعيب الوحيد للسيارات اليابانيه الدفع الامامي هوضعف العكوس وخاصه في سيارات الهوندا لازم تنتبه لهاذا الشي
واتمنى لك التوفيق

يا خوي تعيد فيها
وبعد العيد تنفرج إن شاء الله

فديتك ..

ياخوي تصدق الجلد انا لما اغير الكفرات

لما فكو جميع الكفرات

طليت وشفت الجانبيات جديده

وملاحظ شي غريب

الجنبين الأيمن جهة جنب السايق الجلد نازل لتحت

والايسر مرتبه ومضبطه

بس انا استغربت هل له علاقة بالموضوع ؟
باختصار يفرق الجلد بين الجانبين اليمين واليسار ؟

بصراحه فاجئتني هل تتوقع السبب هذا ؟؟

لان بعض الشباب الان بلغوني قال دامك غيرت كرسي الماكينه اليسار

لازم تغير الكرسي الماكينه الثانية مدري وش يقصد هل في كرسي مكينه يمين بما انه فيه يسار

بس قال فيه 2 كرسي مكينه لابده تغيرهم وليس واحده

الله يستر
واتمنى احد يقدر يفيدني بمعلومات