باركولي على الـ F-150 الهارلي ديفيدسون

ماشاء الله تبارك الرحمن

الف مبروك الله يعطيك خيره ويكفيك شره

اختيار رائع للفخامه المطلقة والقوه والجوده

تحياتي

اخي الكريم

احب اهنيك الف الف مبروك الله يعطيك خيرها ويكفيك شرها ماشاء الله تبارك الله واقولك انه وقع اختيارك على افخم واوقوى بك اب في العالم سوف تستمتع بالفخامة المطلقة خاصة انه نسخة هارلي ديفسون هي الاكثر رغبه في امريكا
بدون شك F150 هو الافخم خاصة مع لمسة هاركي ديفسون وايضا جودة فورد وبعده لاتشاور
مبروك مبروك مبروك

الله يبارك فيك اخوي انتظر الصور قريب السيت يطلع والاحد او الاثنين الصور نازله عندك هنا

http://www.netcarshow.com/ford/2007-...rley_davidson/
اللي بهالموقع جنوطه تختلف هذا والمراتب والتخشيبه كلها تحتلف (ساده) بس عليه مكينه سالين

مشكور اخوي على المعلومات واللي اخذته هو اللي عند هارلي ديفيدسون طلعه واحد من العساف ورجع باعه على الوكاله وانا اخذته منهم ماشي 2800 كلم بس

وبالنسبه للصور لا توصي حريص اخوك اصلا يعمل مصور فوتوغرافي يعني هذي لعبتي وهذا معرضي بالفلكر
http://www.flickr.com/alhoaimel

ماشاء الله تبارك الله
الله يعطيك خيرها ويكفيك شرها
نتمنى تعطينا صورها علشان نشوف الوحش
الف شكر لك

ماشاء الله تبارك الله ..

أنا زرت توكيلات الجزيرة قبل 6 شهور بالدمآم .. ولقيت وآحد معروض هنآآك ..

شكله متميز جداً جداً .. وكآن معروض إلى جآنبه وآحد لونه أخضر وعليه رسمات جمآجم !

عموماً هذا الهآرلي اصدآر محدود .. من ناحية المكينة هي نفسها بالنسبة للعآدي ،،

لكن عليه كت بآك وصوته رآئع جداً جداً .. فيه وآحد أشوفه دآيم وآقف عند هآرلي الرياض ..

الدآخلية مآشاء الله تبارك الله أبدي إعجآبي فيهااا ..

بالنسبة للموديل اللي عليه سوبر تشارج واللي عليه مكينة سآلين كلها شد بلد ..

لكن طبعاً ماتتوفر عندناا .. لا .. وأبشرك فيه نوع عليه توين سوبر تشارج :bigggrin:

عموماً حبيت أبارك لك .. وهذا الرآبط فيه صور + معلومآت عن سيآرتك ..

http://www.netcarshow.com/ford/2007-f-150_harley_davidson/

والله الله بالصور لما توصل السيآرة إن شاء الله ،،

الله يبارك فيك اخوي جذاب بالنسبه للـ F-150 من زمان وانا معجب به بس ما فكرت اقتنيه لاكن لمى شفت الهارلي ديفيدسون دخت معها ما تتقاوم

الله يبارك فيك أخوي بس يعني اللي عليها سوبر تشارج يعني مركب عليها مو من الوكاله

طيب اللي عليها مكينه سالين نفس الشكل في الكبوت بالضبط ونفس الفلتر بس الفرق ان الفلتر عليه شزيحه المنيوم عليها حفر سالين يعني هو مركبها ولا تجي بمكيه سالين هذا هو استفساري اللي محيرني

انا داري ان اللي عندي نفس مكينه العادي الوكاله قال لي نفس الشي قال الاختلاف بس في الاقزوزس سيستم والفلاتر والبروقرام يعني شغلات خفيفه ومما تتعب المكينه

ألف مبرووك ..وأحسنت الاختيار

والسيارة راح تعجبك إن شاء الله


الـF150 أفضل شاحنه في أمريكا لسنوات متتاليه وقد تفوقت على السييرا والأفلانش.


طبعا السيارة مواصفاتها رائعه ..وستكون مميزة في الشوارع .


ولاتنسى تتحفنا بتقرير مصور عنها
ينقل للدفع الرباعي

ماشاء الله تبارك الله مبروك عليك الموتر والله يعطيك خيره ويكفيك شره.. بالنسبه للسياره الهارلي ديفيدسون مجرد بودي كيت ما فيه شي زياده على المكينه الا الشكمان فيه قزوز سيستيم يكون له فتحتين وصوته طرب والدبلات اذا كنت ماخذ دبل نفس العادي والجلد حق الموتر وباقي الاكسسوارات من اجود الانواع وشعار هارلي ديفيدسون على المراتب والتكايه اللي بالمنتصف شكلها جميل جدا واهنيك بصراحه على الموتر واختيارك عين الصواب والله يهنيك ويكفيك شر الحاسدين.

تقبل مروري / قراند ماركيز 8 .

اذا على الكبر متعودين على الاكسبدشن والسوبر بان

انا اصلا معي صغيره أوبيروس على راحتها وفخامتها لا مر من جنبي جمس ولا يوكون دق قلبي وقلت (الكبير كبير وبس)

وترى هالفورد مو للاستخدام اليومي يعني مثل ما قلت لك عندي غيره اوبيروس هو للكشخه والمخيمات والذي منه

والله لو تخذ لك رنج روفير أفخم لك بقيمة الدباب اللي تبي تحطة في الشنطة + سعر السيارة نفسها :wink:
وترها سيارة ضخمة ميها صغيره وراح تشوف بنفسك

الله بيارك فيكم ويرزقكم بأحسن منها

بس والله حسيت اني تهورت فيه مدري ليش مبلغه مو سهل بس اللي خلاني اخذه ولو غالي انه صيده وسعره نازل عن الوكاله بأمريكا سعره جديد فوق 200 وانا اخذته بحول الـ 150 الف يعني بقيمته اقدر اخذ رنج روفر او كايين وانا رحت لهذا (ذوقي غريب هاليومين)
والمشكله ان ما عندي دباب هارلي الحين يبي لي احد اتسلف منه دبابه اشخص به بالصندوق

آلف مبروك السيارة ...
يعطيك خيرها ويكفيك شرها وما شاء الله ...
بس ما قلت لنا كم السعر...