نزهة صباحية في ملهم وتجربة جديدة (فيديو+صور)

كل السيارات بدون إضافات...ستوك كما يقال

كفرات ابو انس صحيح للاوف رود...اما كفرات الشيروكي :


ليست للاوف رود ...وهذا واضح من النقشة

كفرات ابو اسد نقشتها لا باس بها لكن مقاس الكفرات صغير...اصغر من مقاس الوكالة

سيارة ابو منصور مافيها تقنيات جديدة...دف لوك خلفي فقط...والتقنية قديمة

اخيرا هذا ليست تحدي او مسابقة ...وإنما تجربة نشوف فيها قدرات سياراتنا امام العقبات...فقط

العفو وحياك الله

بالتوفيق:xyxwave:

تمنيت لو كانت التجربة بين سيارات بنفس الموديل و بدون أي إضافات تذكر
ولد وائل صاحب أجدد مركبة , ومجهزه بكفر بالون , وكفر البالون ليس مناسب لهذه التجارب بنظري بسبب النقش الموجود عليها ..!
أبو أنس و واحد بريء مجهزين بكفر صالح لهذه التجارب , عكس أخونا أبو أسد
مع أنكم تشتركون في قدم الموديل المركبه الغير مجهزه بأنظمه قد تكون جديده
مثل سيارة أخونا أبو منصور
شاكر لك على التصوير ياواحد بريء وشاكر للاخوان اللي شاركوك في التجربة

وش تونتة يا أبو وسن >> على وزن وش حشيشة :smilie16:

النائب ماهو راضي يقتنع في أهمية الدفلك الأمامي .. وأنا أستغليت الموقف وما صدقت خبر وقلت خلني أحجرلهـ :bigggrin: أنا عارف أن الدفلك الخلفي يأدي الغرض .. بس لو الأمامي موجود برضو أداء الغرض >> الي يقول مامنه فايده :a1120(82):

وأن شاء الله نركب الدفلك ونجي نجرب كيف الأداء ..

ولك أطيب تحية

هلا والله عاصم يالله انك تحييه توه انور المنتدى

من زمان وانا ودي اقولك سجل في منتدانا المتواضع لكن تروح الايام وياسبحان الله

جابك الله

عموما اتمنى انك تستفيد ونستفيد منك وان شاء الله انك تلقى اللي يرضيك بالمنتدى

والموتر فيه هيدروليك :smile:

ماشاء الله تبارك الله

الله لايضر مواتركم

وخصوصا كحيلان:xyxthumbs:

الله لايضره

ماشاء الله عليه في جميع الحالات :smilie16:

ويامال العااافيه والله على هالتقرير الرااائع

ويبو منصور اهنيك على كحيلان ماشاء الله :xyxthumbs:

وهل هو هدروليك ؟

وبانظار الجديد :xyxwave:

ماشاء الله عليكم الصراحه عليكم طلعات توسع الصدر

.. أبوأنس نشفت ريق الرجال الله يهيدك :bigggrin:



أبوأسد يوم أدور يوكون ربع مابي الا شفر Z71 علشان الدفلوك .. لكن ربك ماكتب لقيت واحد يوكون SLT ترددت كثير بس نظافته جزمتني عليه .. بعد شرائي له بـ 3 أشهر إكتشفت بالصدفه إن فيه دفلوك .

كفو يا "مغامرين" الرياض :) .... وكفو النائب :)


واحد برئ : تصوير رائع جداً ما شاء الله عليك .. لو جيت اسرع شوي كان ممكن تطلع بميلان

أبو أنس .. ازعجت أبو منصور وطولتها وهي قصيرة ,, الدف لوك الخلفي كافي وزيادة في هذي الحالة .... بس حلوة التصريفة :) ,,, اما طلعتك للتل في المقطع الاول ذكرني بالشاص في رحلة المدينة

أبو أسد: على خبري ما تاكل تونة !!

ولد وايل : وش صار؟ ,, الناس تتقدم للأمام وانت ترجع تركب البوالين !!!

أهو أبو أسد خل أحد في حاله .. :a1120(82):.. الله يأخذ عدوه هو والسلم تبعه :mad1:

مشكور يبويوسف على هذا التقرير المتميز كعادتك

وأحلى ما يعجبني بمواضيعك تصويرك ماشاء الله الله لا يضرك

وأحلى تقييم على التوثيق :smilie332:




هههههههههههه ودي أجددة يبوهذال بس مشكلة يبيله شغل وأنا لو بفكر بمشروع تجديدة أقل شيء اشوف صرفة لمكينته الضعيفة 350 :a120(36): <<< الاخ متعود على 454 :2smilie36:

وبخصوص G80 لو بفكر أركب دفلوك يمدحون اني أتحكم به على كيفي والي أقصد به من شركة ARB الأسترالية :2smilie40:



اليوكون دعست له من بداية الرقية لأني عارف أنه ماراح يرقى بشويش :smilie172: المرتفع فعلا صعب والحفر واجد



أخوي هـــب الـــريـــح

بخصوص اليوكون GT

السيارة لا يوجد فيها أي تجهيزات
مجرد مركب كفرات أقل من حقت البلد 245/75/16 وكفرات غير مخصصة للطرق الوعرة للآسف هههههههه بينما حقت البلد 265/75/16

سيارتي لا يوجد فيها لا دفلوك ولا تراكشن كنترول :a120(58):

بعض موديلات اليوكون القديمة الي يكتب فيها Z71 يكون فيها دفلوك ألكتروني لكن سيارتي لا يوجد بها أي نظام لتعزيز الدفع الرباعي

كما أني مركب مساعدات جديدة أقل طول من السابقة للآسف (ما حصلت GM ولا AC-Delco) ولا نقزت للصناعية القديمة لأني غيرتها وأنا مستعجل عن صناعية أخرى وركبت مورنو أسود



ابومنصور رقى قدام في أحد تجارب أختبار زاوية السيارة علشان نشوف بتحك من الأمام والخلف أثناء الصعود أو لا

كلها جربها وما أحد حك والحمد الله ويدل أن أرتفاع السيارات مناسب تقريبا :biggrin:

الموضوع له كم يوم نازل التقرير مأنتبهة له

النزهه صباحيه جميله وفله وبلتوفيق للجميع

شكرا على اطرائك...

واداء الرانجلر بمكينته العادية ممتاز فما بالك بـ 6.1 ؟





السيارات المشاركة لايوجد فيها اي تجهيز اضافي...كلها ستوك...

الباجيرو واليوكن لا يوجد اي انظمة مساندة للدبل...فقط دبل

حياك الله ياهب الريح



وهو كذلك :smilie16:

انجلدت لين قلت آمين...في استراحة ابو منصور...لا تنكر:bigggrin:



حياكم الله جميعا وشكرا لكم على تعليقاتكم وردودكم

:xyxwave:

وعليكم السلام ورحمة الله وبركاته

الله يعطيكم الف عافية
بفضل الله ثم بفضل تجاربكم
استفاد الكثير من الاعضاء بأهمية التقنية قبل قوة المكينة
والف شكر لكل من شاااااااارك وشكر خاص لك اخوي واحد برئ على طرح الموضوع
تحياتي

ياهلابك والله يا أبو هذال .. مشاقين لك .. هاه مالك جية للرياض .. ودنا نحارشك شوي :bigggrin: ... وترى أبو منصور حبيبي .. ومحارشت الحبيب كا أكل الحبيب >> قصدي الزبيب :bigggrin:



ترى مافي أحد غلط على وحش رالي داكار :a1120(82):



حياك الله أخي هب الريح .. بالنسبة لسياراتي الباجيرو أستوك .. ماعليه أي شي .. والتعديلات جاية أن شاء الله في الطريق .. وكذلك اليوكن .. وأعتقد المساعدة الخلفية تم تغييرها .. ويأكد هذا الكلام أبو اسد :c0214:



هلابك يا أبوفيصل .. والله غطى الأستبنة بسيط .. تحصل عند محلات الزينة في الغرابي .. :smile:



هلا و الله با أبو شيماء ..

ياحبي لك والله .. ولو أني زعلان عليك يا قائد قروب الشرقية .. يأخي لاطلعات ولاشي .. مع العلم أنكم أنت أساس الطلعات في المنتدى :blue: .. وموتري لهـ الشرف .. ينقال لهـ هـ الكلام من بروفيسور الدفع الرباعي في المنتدى .. :wink: .. وأن شاء الله يكون لكم جية .. وترانا على وعدنا .. بسـ هذا ما خذينة سلطة على قولتهم :smilie16: ..

ولكم أطيب تحية

السلام عليكم

طلعه صباحية جميله وجروب رائع ينح على يمناك

الله يبارك فيكم على امتاعنا والتجربة المميزة

اخيراً شفنا موتر ابو انس بطل رالي دكار في الاكشن وعلى ارض الملعب الله يبارك لك فيه

ويعطيكم العافية جميعاً

يعطيك العافية ~
وتغطية اكثر من رائعة
وان شاء الله الجايات اكثر ومثل ماقال MSH3L الشتاء على الابواب

ومشكووووووور واحلى تقييم لك

الله يعطيكم العافية جميعا

الصراحة استمتعنا بالمشاهد وكأننا معاكم

وشكرا لكم

ماشاء الله طلعه موفقه

ابو انس الله لا يهينك ابيك تعلمني وين حصلت غطى الاستبنه لونه ابيض

أبومنصور .. ما توقعتك تغش

كل الشباب راقين السد سيدا ألا أنت كاسر الدركسون يمين

:mad1: << بينجلد .. :bigggrin:


* أبويوسف .. شغلك عندي .. :a120(115):

ما شاء الله

استفدنا منكم واستمتعنا

الله يجزيك خير

المره الجايه نبي فيديو لا يقل عن ساعة:smilie20: