.: رسمياً ... إيكوس ليموزين :.

ودي اقول لهيونداي افلقيني ادفع هالمبلغ عالشي ذا :)

السيارة قمة في الروعة والإبداع


لكـــن !

السعر مرتفع شوي

مشكووووووووووووووووووووووووور ماقصرت

السياره روووعه

ابو محمد شوي شوي على نفسك الجينسس اللي جربتها ماهي حول جودة اللكزس جي اس

رح اركب جي اس موديل 2009 وشف مقارنه بالجينسس

ياخي انت متعصب لدرجه انه كلامك غير منطقي في احيان كثيره

رح لصالح الحيمود وقله وش هي جودة المواد الداخليه بالجينسس وشف الجواب من شخص غير متعصب وخبره

حتى الادارة اللي بأمريكا في تقرير مشرفنا صالح يوم سالوهم عن انه الجوده الداخليه ماهي بالشكل المطلوب

قال انه جودة الداخليه جيده مقارنه بالسعر يعني باختصار جودتها بعيده كل البعد عن اللكزس

ياخي انت خليت السورنتو مثل البرادو ....... :bigggrin:

ياخي احبك واحترمك واعزك بس فيه امور انت تبالغ فيها جدا

بعدين لا تغلط على الصندوق :bigggrin:

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بالنسبه للاكيوس فرأي فيها لن يتغير مشروع جبار وخطوة كبيره وجرئيه وبدايه مشرفه من هيونداي الكوريه

لكزس اول مانزلت كانا لكل يضحك عليها والحين وين وصلت اللكزس الاكثر مبيعا في فئه السيارات الفخمه وفي اكبر اسواق العالم

اللي مقلل من الكوري الان ماعليه الا ان ينتظر حبتين ويشوف بعينه وين راح توصل الكوري

بعيدا عن تعصب محبيه كلمة الحق لابد ان تقال هيونداي قادمه وبقوة

لكن على محبين الكوري التقليل من حماسهم الزايد لانه مازال مشوار الميل طويل جدا على الكوري حتى يصل لمنافسيه رغم انه البدايه بدأت بأكثر من خطوه

يعطيك العافيه اخوي عالم المشاعر :xyxthumbs:

Microsoft [COLOR=Black]متعصب كوري × [/COLOR]Sammy_R-Gti متعصب الماني

النتيجه = زعل وهواش وفي النهاية كلن بعقله راضي !!


المسألة مسألة ذوق وانا شفت كم مره جنسيس في الشارع والله شكلها رزه شوي و اصدمها من الخقه <--فاهم الخقه غلط :bigggrin:

وكذالك شفت باسات اترك الصناعه على جمب والمواصفات بس شكلها عادي من ورى واقل من عادي اما من قدام حدث ولا حرج

وصراحه لو معي 170 الف وقدامي جنسيس فل كامل 8 سلندر ولكزس ES350 وباسات r36

المواصفات والعزل والثبات والجوده = الجنسيس والباسات
مواصفات لابأس ومحرك لا بأس وعزل لك عليه = اللكزس

مع ذالك راح اختار اللكزس

اولاً سعر البيع وثانياً سهولة الصيانه ولو اوديها اي ورشة يقدر يصلحها لأنه اكيد قد مرت عليه اكثر من وحده

والشي الاخير الناس ماراح تقول ماشاء الله على فلان معه هونداي !!

بس راح تقول ماشاء الله عليه معه لكزس

واكيد كلكم بتقولون لي كلام مايودي ولا يجيب .. بس انا شريت سياره عشان استمتع فيها واكشخ فيها

هذا ثالث رد واحس اني خربتها شوي :bigggrin:

والله يا مايكرو كلنا عارفين قطع الهونداي ارخص اوكي

لكن,, مو شرط قطع الجنسيس ارخص من قطع السي سي لماذا لان حق الان مافي حد جر الجنسيس و عنده خلفية عن اسعارها بصراحة ما ادري ممكن تكون ارخص ممكن اغلى و ممكن نفسها

انا شخصين مستعد ادفع 500 الف بدون تردد على اي سياره تصنعها هونداي لني كنت في الوكاله وشف الجنيسس في سنة 2006 وكانت تحت التجربه الى ان وصلنها 50 الف ورجع كوريه وكذالك الاكسيوس تمت تجربتها في السعوديه وتم وتم ارجاعها الى المصنع الام لا تلافي اي عيب يكون في تصنيعها

وسال في الوكاله بنفسك وشوف



هذا رد الي يقول كيف ادفع 400 الف لي هونداي هذي مشكلتنا مو عارفين الصح من الغلط واذا كان كوري وين المشكله

السيارة شكلها جميل ..ولكن سعرها مبالغ فيه فهي تتعدى أسعار المنافسين من الشركات الكبرى.!

لكن ماأعجبني في السيارة هو الشعار..فلماذا لايتم تطبيقه مثلا على الجينسيس!!

ولك الشكر

^^^^^^^^^^^^^^


ما تقول الا حكم يا مايكرو :bigggrin:

باسات سي سي خطيرة وتستاهل

لكن غريب ليش سعرها نازل.؟!

ما توقعت الألماني بهالأسعار.!!

* مع إن مسألة سيارة بـ150 ألف أربعة سلندر قوية حبتين .. :bigggrin:

على فكرة هناك جوانب أخرى وهي فرق التكلفة عند الصيانة وقطع الغيار

:xyxthumbs:




لكن كيف ما أنتشرت والجينيسس حاصلة على جائزة

افضل السيارات مبيعاً في أمريكا على فئتها.؟؟

ما أقصد التكذيب لكن أنت في أمريكا مساحتها تغطي دول

فطبيعي يكون المنطقة إلي أنت فيها قليل بينما أخرى كثير وهكذا

:)

ياشباب وراكم زعلتم علي ..

انا ماقلت اني مابي احط المبلغ فيها عشانها كوري مايتحمل ! بالعكس الكوري اثبت وجوده والناس صارت تحبه

بس المقصد الاسم فقط

مشكووووووووووور اخوي على الطرح الرائع

منور على كل جديد:ch19::ch19::ch19::ch19:

شكلها مميز وجميل..
هذي تصلح للي يبغى التفرد والتميز في الشكل وليس اسم الشركة..
من خلال مبدأ التفرد فإن المرسيدس مشاهدة بكثرة في شوارعنا..
لكن هل شفت جينيتس او الايكوس في الشوارع..
نااااادر جدااا.. ان لم يكن بعضنا لم يرها..
مشكور على الصور..
تحياتي لك..
:xyxwave:

يالغلا لو بناظر كلام الناس جلست بالبيت ولا ركبت سياره
انا ساكن في مدينه صغيره قرب الرياض ومتعصبين تويوتا ونيسان وجمس كلهم ما فيها ولا سياره كوريه عدى سيارتين كيا كلاروس شاريينها مستخدمه برخص التراب وحده مع اجنبي ووحده مع شاب صغير يتعلم عليه السواقه ولمى شريت الاوبيروس 2004 وقتها الكل يضخك علي يقولون مهبول حط سبعين الف في كوري والان بعد ما جربها المقربين مني 7 منهم استروا اوبيروس والبقيه وضعوها ضمن الخطط المستقبليه غير اللي عجبتهم بس ما راح يشترونها لانهم يفضلون الجيب على السيدان والان نص البلد كوري كل هالكلام خلال اقل من 5 سنوات يعني بالعربي لا تناظر الناس سو اللي براسك وكلها شهرين وبتلقى نص المجلس اللي تتكلم عنه عنده مثلك

حنى شعب نتكلم على الفاضي ونحب التقليد

أخوي نواف

جودة السيارة أيً كان نوعها

لا تتم بتجارب شخصية

ممكن أجيب لك أكثر من واحد طلعت له مشاكل في أي سيارة

تبي لكزس أجيب لك تبي تويوتا أجيب لك .. كل السيارات فيها مشاكل

العبرة في الإختبارات الجماعية التي تتم عن طريق منظمات ومواقع متخصصة بالسيارات

* مع العلم أن هذه المنظمات والمواقع المتخصصة تعطيك الفكرة وليس جواب قاطع :)

على ضوء تجاربهم تعرف هل السيارة عملية أم لأ مثل منظمة JDPower.com

وموقع motortrend.com وكذلك edmunds.com .. :)