الحمدلله رب العالمين
شريت أكسبدشن 2009 قصير بدون دبل أستاندر لون فضي ضبابي ومن داخل بيج بسعر 111525ريال كاااااااااااش وبستلمه يوم الأثنين بالكثير 16/10/1430هـ
وعندي بعض الأستفسارات لو سمحتوا :
1/ وش اللي أشيك عليه قبل ما أستلمه؟؟؟
2/ وش الأغراض (العدة)اللي تجي معه بالكامل؟؟؟
3/ أبغى أسوي له تضليل ضد حرارة الشمس وش أفضل محل يسويها ؟؟؟ وهل فعـــلآ هذا التضليل يحمي من حرارة الشمس والأ دعاية فقط؟؟؟ وبنسبة كم تقريبآ ياللي ركبتوهـ؟؟؟ وبكم السعر ؟؟؟ وهل عليه ضمان؟؟؟ وهل يوجد تضليل شفااااااااااف بالكامل يعني ما حد يدري أنه مضلل لأني ما أحب التضليل نهااااااااااااااااااااااااااااااااائيآ؟؟؟ (( الإجابة بالكامل على هذا السؤال مهمة بدون أمر عليكم ))
بارك الله فيكم
ألف ألف مبروووووووووك أخوي بوغلا
الله يعطيك خيرها ويكفيك شرها
أنا مثلك أخذت نفس اللون 2009 بس بدبل
شيك على السياره من فوق لتحت لايكون فيها شموخ أو ضربات
أو شي تحسه ناقص
بالنسبه وش يجي مع السياره
تأكد وأنا أخوك من العفريته أو الجاك ومفتاح العجل تحصلهم في الخلف
وفيه بعد الشنطه الصفراء يجي فيها شنطه إسعافيه مبسطه و طفاية حريق و مثلث
وفيه بعد طفايه حق المدخنين
أما بخصوص التضليل
فأنا ركبت عند لومار في الدمام
زيرو ون عاكس جاي عالسياره تمام
ضمانهم عشر سنوات و بصراحة التركيب عندهم رهيب يقصون الأفلام بالكمبيوتر على المقاس
كان عندهم عرض برمضان وركبته سويت السياره كلها بـ1000 ريال أما ألان عندهم بـ1950
بصراحة مسوي جو بالسياره وأهم شي مايضايقني بالليل
لأني أكره السياره تضليله كتم
والعزل على كيف كيفك
بصراحه التبريد فرق أحسن من قبل ويكفي أنه يحمي الديكور
ترى كل ماضللت أغمق كل ما عزل لك الحراره أكثر
وأنت وشوف اللي يصلح مع سيارتك
وإذا على المحلات
عندك جونسون وفي كول و لومار و زيبارت
وهذي صورة السياره مع التضليل
بتلاحظ أنها خفيفه ومعقوله
وأي خدمه أخوي بوغلا أنا حاضر
