أريد مشورتكم ب جيب جراند شروكي اوفرلاند 2009

apood @user_188675 · 08-10-2009

السلام عليكم,,,شخباركم...ان شاء الله بخير ,,
مابطول عليكم المقدمه

بصراحه يا جماعة الخير ناوي إن شاء الله اشتري جيب جراند شروكي اوفرلاند 2009 وكاله مكينته 5.7 هيمي وبصراحه ما عندي اي خلفيه عن السياره,,,بغيت مشورتكم فيها,,,بس عندي كم استفسار عنها؟

- من ناحيه القوه؟
- هل مريحه بالسفر مسافات طويله,وبصفه عامه؟
- الاعطال والخرابات؟
- قدرة تحمل السياره؟
- كيف قدرتها بالرمال؟
- تنصحوني أشتريها ولا لأ؟
- شو هي عيوبها؟
- كيف عزل الهواء و خصوصا بالسرعات العاليه؟

وياريت لو احد عنده جيب شروكي موديله فوق ال 2007 يقولي انطباعه عن السياره بصراحه.

لا تبخلون علي بالمعلومات

وجزاكم الله الف خير .

apood @user_188675 صاحب الموضوع · 24-11-2009

:confused1:وين ردودكم

apood @user_188675 صاحب الموضوع · 22-11-2009

ا

استاهلك

السلام عليكم ورحمة الله وبركاتة

أخوي الحقيقة انا ماعندي علم عن استخدام الشروكي.

لكن حبيت اسال عن اسعارة جديد في الوكالة؟ . وايش هي مواصفاته؟

وتقبلوا مروري.

وعليكم السلام اهلا فيك,,, بخصوص الاسعار ,,, اخر مره سالت عن السعر بالوكاله كانت من شهر تقريبا لفئة الاوفرلاند وكان سعرها 154900 درهم امارااتي والسعر الاصلي 172000 درهم اماراتي,,,,وين الردود وين باقي الاعضاء مازلنا بانتظار المشاركات

Night @user_14595 · 20-11-2009

تم نقل الموضوع من ارشيف الاستفسارات الى قسم التقييم

استاهلك @user_69529 · 19-11-2009

السلام عليكم ورحمة الله وبركاتة

أخوي الحقيقة انا ماعندي علم عن استخدام الشروكي.

لكن حبيت اسال عن اسعارة جديد في الوكالة؟ . وايش هي مواصفاته؟

وتقبلوا مروري.

apood @user_188675 صاحب الموضوع · 16-11-2009

شكرا على مرورك الطيب,,,وبإنتظار الباقيين :smile:

O Y A S S E R O @user_176891 · 14-11-2009

أخوي شف هذا الرد

a

apood

مشكور على اجابتك ,,, وما تقصر وهذي الاسئله والاجابات لتعم الفائده على الجميع ...

1- كيف قوتها وعزمها 5.7 هيمي الي عندك ؟
جـ - جباره
2- هل السياره مريحه بالسفر , وبصفه عامه كيف راحتها وقيادتها وبالطرقات الوعره هل هي مريحه ؟
جـ - السيارة رائعه جدا بس عيبها كفراتها النقشه حقتها وسيعه مصممه للطرق الوعره وهذا يسبب صوت بسيط في مقصورة السيارة ، وانا ان شاء الله بغيرها بس خل استهلك حقت الوكاله شوي لانها غاليه (جودير الماني)
3-هل بها عيوب مصنعيه أو اعطال وخرابات ؟ وشو الخرابات والاعطال الي واجهتك ؟ وكيف تم اصلاحها وكم كلفتك ؟
ولله الحمد والمنه لم اشتكي من اعطال ابد .
4- كيف قدرة تحمل السياره هل تتحمل مسافات طويله مستمره وتعطيس ام هيه حساسه , وتظهر اعطال بعد السفر او التعطيس ؟
مسافات طويله ،، رحت عليها جده والامارات والشرقيه تقريبا اكثر من 4 مرات والامور تمام التمام اما الطعوس فهو موتر ومعروف بس انه طامن شوي خاصه من الوجه لان فيه صاجه ولحيه بالصدام الامامي.
5- تنصحني اشتريها ولا لأ بصراحه؟
انصحك ، بس لا تنسى تصلي صلاة الاستخاره
7- كيف أداء المكيف وخاصه بالصيف ؟
جبار
8 - كيف عزل الهواء وخصوصا بالسرعات العاليه , وبأي سرعه يبدأ العزل يقل ؟
85% يعني فيه صوت هواء بسيط مو تنسيم بسبب ان الزجاج طبقة واحده مو مدبل زي المرسيدس والبي ام وصدقني هالشي موجود حتى باللكزس ES350 كانت معي.
9- كيف صرفية البترول يعني داخل المدينه لو مشيت 150 كيلومتر كم لتر تستهلك؟ وعلى الخط لو مشيت 150 كيلو كم لتر؟ وعند تعبئة الخزان فل كم كيلو يمشيك ؟
التانكي فلل يمشي حسب قراءة كمبيوتر السيارة من 499 الى 502 كم .. ولكن اذا كنت راعي دعس بتلاحظ الصرفيه لان المكينه اقتصاديه تعمل 4 اسطوانات وفي حال الدعس فأن قوة المكينه بالكامل 8 اسطوانات تعمل وهذا يسبب صرفيه ، ونوع البنزين 95 فلها اذا فاضيه مره 41 الى 43 ريال ما تعدتها ابد .
10- ما هيه عيوب السياره ؟
نازله شوي وصوت هواء بسيط في السرعات العالية
11 - ماهي حسناتها ؟
قويه ، شكلها رائع ، موجوده بها كل مزايا السيارات الفخمه (ملاحة) (كامره) (هاردسك 20 جيجا) (بلتوث جوال) ( AUX) ( USB) ( شاشة DVD امامية "لاتعمل اثناء الحركه" وخلفيه بالسقف) تدفئه مراتب ومكيف امامي وخلفي و 2 ذاكرة مقاعد للسائق ومراتب جذابه ومريحه بشعار OVERLAND تختلف على جميع فئات الجراند شروكي.
12- كيف حرارة السياره بالمسافات الطويله أو واقفه وقت طويل أو بالتعطيس وبصفه عامه , لأن الكثير يقول انه عيب الجراند الحراره ؟
يالتطعيس كل السيارات اذا كنت مشغل المكيف والكفرات مليانه والجو حار بترتفع شي بسيط وعكس ذلك طبيعية .
13- جربة سرعتها , هل هي سريعه ؟ شو السيارات الي سبقتهم , وشو السيارات الي سبقوك ؟ ومن 0 الى 100 كم تستغرق ؟
والله انا احيانا اتهور بالخط خاصه اذا شفت شباب يستهبلون بس انا خواف ارفع رجلي بسرعه واقصى سرعة وصلتها 230 تقريبا ..
14- كيف جودة صناعة الداخليه وقطع الغيار والسياره بصفه عامه ؟
رائعه وقطع غيارها معقوله.
15- إنطباعك بشكل عام عن السياره بعد ما استخدمتها لفتره ؟
ممتازه ..ومناسبه

apood @user_188675 صاحب الموضوع · 12-11-2009

:confused1:

apood @user_188675 صاحب الموضوع · 09-11-2009

:c0214:ومازلت بانتظار باقي الردود وياريت تكون دقيقه:c0038:

apood @user_188675 صاحب الموضوع · 05-11-2009

ا

الدربيل

- من ناحيه القوه؟ [COLOR=blue]قويه حيل ماشاء الله تبارك الله[/COLOR]
- هل مريحه بالسفر مسافات طويله,وبصفه عامه؟ [COLOR=blue]معروف الأمريكي وراحته .[/COLOR]
- الاعطال والخرابات؟ مدري والله
- قدرة تحمل السياره؟ مدري والله
- كيف قدرتها بالرمال؟ 10/10
- تنصحوني أشتريها ولا لأ؟ امم , اشتريها لكن حافظ عليها وخل رجلك خفيفه
- شو هي عيوبها؟ ما أتوقع فيه عيوب

أتمنى اني أكون أفدتك

- كيف عزل الهواء و خصوصا بالسرعات العاليه؟

مشكور الغالي على مرورك الطيب,,,وشكرا على المعلومات...ومازلت بانتظار باقي الردود وياريت تكون دقيقه:smile:

O Y A S S E R O @user_176891 · 04-11-2009

- من ناحيه القوه؟ [COLOR=blue]قويه حيل ماشاء الله تبارك الله
- هل مريحه بالسفر مسافات طويله,وبصفه عامه؟ معروف الأمريكي وراحته .[/COLOR]
- الاعطال والخرابات؟ مدري والله
- قدرة تحمل السياره؟ مدري والله
- كيف قدرتها بالرمال؟ 10/10
- تنصحوني أشتريها ولا لأ؟ امم , اشتريها لكن حافظ عليها وخل رجلك خفيفه
- شو هي عيوبها؟ ما أتوقع فيه عيوب

أتمنى اني أكون أفدتك

- كيف عزل الهواء و خصوصا بالسرعات العاليه؟

apood @user_188675 صاحب الموضوع · 03-11-2009

:rolleyes1:بعدني انتظر ردود باقي الاخوان

apood @user_188675 صاحب الموضوع · 29-10-2009

:c0214: ليش الردود شحيحه جدا ... وينكم ما احد عنده شي يفيدنا فيه:c0038:

apood @user_188675 صاحب الموضوع · 25-10-2009

ع

عشقي شيروكي

مساء الخير وأعتذر عن التأخير
بالنسبة للأعطال الحمد لله ما كان فيها ذيك الاعطال
سوى الحراره وخصوصاً في الطلوع للمناطق الجبلية الشاهقه
كانت تواجني مشكلة الحراره فقط
بس حلينها بتركيب مراوح ومشى الحال
صراحه أعظم سياره دفع رباعي في نظري

مشكور اخوي على ردك[COLOR=red] ,,, بس بسألك بخصوص الحراره ؟ شو هيه نوع المراوح الي ركبتها ؟ وكم وحده ؟ وهل المروحه خليتها تشتغل تلقائيا مع ارتفاع الحراره ولا تشغيل متواصل ؟ ولو كانت تشتغل تلقائيا مع ارتفاع الحراره كيف سويت هذه الحركه ؟ وبإنتظار مشاركة باقي الاخوان :smile:[/COLOR]

عشقي شيروكي @user_189941 · 23-10-2009

a

apood

مشكور للرد والمرور الطيب.,,,بس بسألك سؤال شو هيه الاعطال والخرابات الي أكثر شي واجهتك؟وننتظر من الباقي انهم يشاركوا

مساء الخير وأعتذر عن التأخير
بالنسبة للأعطال الحمد لله ما كان فيها ذيك الاعطال
سوى الحراره وخصوصاً في الطلوع للمناطق الجبلية الشاهقه
كانت تواجني مشكلة الحراره فقط
بس حلينها بتركيب مراوح ومشى الحال
صراحه أعظم سياره دفع رباعي في نظري

apood @user_188675 صاحب الموضوع · 22-10-2009

معقوله ماحد عنده خلفيه عن الجراند شروكي :c0038: وينكم؟:a1120(82):

apood @user_188675 صاحب الموضوع · 20-10-2009

غريبه :confused1:

apood @user_188675 صاحب الموضوع · 18-10-2009

ع

عشقي شيروكي

عزيزي أنا من عشاق الشيروكي سابقاً امتلكت قراند شيروكي وبعده امتلكت شيروكي سبورت
سياره جباره بكل معنى الكلمه قوه ومتانه صلابة على الطرق الوعره والله ثم والله اننا طلعنا به
أماكن عجز ربع التويوتا انه يوصله
من ناحية السياره سياره لكن العيب كل العيب في الوكاله المتحده للسيارات وكيل سيئ جداً جداً
خصوصاً في مدينة جده الصيانه عندهم طابوووووووووور طوييييييييل ولازم مواعيد وكأنك في مستشفى
صراحه اجبروني اني ابيع معشوقتي الشيروكي لأني مللت أغلب القطع غير متوفره إلا بطلبيه والصيانه يالييييييييييل مطولك وقف السياره عندهم وارجع لها بعد اسبوع.

مشكور للرد والمرور الطيب.,,,بس بسألك سؤال شو هيه الاعطال والخرابات الي أكثر شي واجهتك؟وننتظر من الباقي انهم يشاركوا

عشقي شيروكي @user_189941 · 16-10-2009

عزيزي أنا من عشاق الشيروكي سابقاً امتلكت قراند شيروكي وبعده امتلكت شيروكي سبورت
سياره جباره بكل معنى الكلمه قوه ومتانه صلابة على الطرق الوعره والله ثم والله اننا طلعنا به
أماكن عجز ربع التويوتا انه يوصله
من ناحية السياره سياره لكن العيب كل العيب في الوكاله المتحده للسيارات وكيل سيئ جداً جداً
خصوصاً في مدينة جده الصيانه عندهم طابوووووووووور طوييييييييل ولازم مواعيد وكأنك في مستشفى
صراحه اجبروني اني ابيع معشوقتي الشيروكي لأني مللت أغلب القطع غير متوفره إلا بطلبيه والصيانه يالييييييييييل مطولك وقف السياره عندهم وارجع لها بعد اسبوع.

apood @user_188675 صاحب الموضوع · 16-10-2009

شو يا جماعة الخير وينكم :c0038: