>> رآبطة عشاق فورد أكسبلورر<< ""ford Explorer ""

معلومات قيمه جزاكم الله خير لكن انا مشكلتي مع الاكسبلورر 2010 النور بس ضعيف مره الله يعين الي عنده معلومات يفيدني عدسات زنن اي شيئ

السلام عليكم ورحمة الله وبركاته
اخواني اصحاب الاكسبلورا بموديلاته وانواعه انا اشتريت موديل 2009 استخدام امريكي وزي ما تعرفوا الشاشه الي في طبلون السيارة بالانجليزي هل في امكانيه
اني اغير الطبلون واحط طبلوا شاشة بالعربية زي طبلون الوكاله مثلا ؟

انا مركب عدسات بي ام زي الحلاوة انشاء الله ارفع صورة

شباب تكفون ابي فزعتكم مشكلتي كتالي

عندي جيب اكسبلورر 2006 امريكي شريتة زي الحلاوة المهم قبل 5 اشهر خبطت المكينة وشريت مكينة 11000 نضيفة جدا تم تركيبها والحمد لله السيارة مضبوطة .
بس لاحظت لمن ادعس الموتر بداية قومت السيارة الدعاسة مي ثابتة يعني كانها تبي تزيد السرعة وترجع زي كذا . المشكلة مي هنا

المشكلة هي فجئة بعد تقريبا 4 شهر من تركيب المكينة فجئة ولعت عندي لنبة المكينة ولنبة المفك ولمبة مانع الانزلاق . و لا تستجيب السيارة لدعسة يعني ماتدعس نهائي والمكينة ترج رجه قوية كانها تبي تطفى .
فحصتها كمبيوتر قالو الدعسة الي تحت والدعسة الداخلية الي بالكبوت الثروتل . غيرتهم ونفس المشكلة . في الاخير قالو لازم تغير كمبيوتر .
فحصتها 3 مرات كمبيوتر والله احترت المشكلة وين ماحنا دارين تكفون المشورة والفزعة

شباب السلام عليكم
عندي الدركسون بدأ يتسخ وما أبغى ينقلب لونه البيج ألى بني متسخ
وش الطريقة الجيدة لتنظيفة مشكورين

ان شاء الله نهاية الاسبوع راح استلم الاكسبلورر ليمتد 1، وودي قبل ما استلمه استفسر عن التالي:
1. مافي الأغراض المفترض تواجدها في السيارة، من كفر إضافي (حجمة)، عدد المفاتيح الإضافية؟ وسائل السلامة؟ دعاسات للسيارة؟
2. هل تضليل Pet Stop لدى فورد افضل او لومار، من ناحية الجودة والسعر؟
3. ما هو الفرق الرئيسي بين ليمتد 1 و 2؟ أنا اعرف انه لميتد 1 ما فيها رادار ولكن الموظف يقول انه موجود فقط التوقف الآلي غير موجود في لميتد 1.

لكل الموجودين للي تطلع هاذي الرمز



انا ابرمجها له او ابيع له الجهاز يدق على 0599009001

انا بالرياض اتصل على 0599009001 لجميع سيارات فورررد


واللي تطلعله هاذي الرمز بعد

لكل اللي تطلعله هاذي الرمز انا مستعد اعطيك السبب اللي خليها تشتغل على الطبلون واخفيها اتصل على ذا الرقم

ياشباب الي يعرف لي طريقة في تقوية نور الاكسبلور او تركيب العدسات تكفى ينفعنا
والله تعبت مع نور سيارتي الاكسبلورر 2010 وحساسات النور الي رفضت قبول اي شيء

ياشباب بالنسبة لتسخين المحرك قرأت في كتيب دليل ماللك السيارة أنه مجرد سكون صوت السيارة للحظات قليلة عليك بالتحرك
وقرأت في آخر الكتيب أنه لا يوجد داعي لتسخين المحرك لأن دلك يؤدي ألى صرفية الوقود
(يعني بالعربي مجرد ماينزل عداد ضغط RPM ألى الوضع الطبيعي توكل على الله وأمش مشي عادي لا تضغط على الموتر ألين يوصل عداد الحرارة ألى الوضع الطبيعي وهو النص)

هلا بالعيال ..

عندي كم استفسار ..

عندي تنسيم صوت اذا مشيت تقريبا 80 وفوق ..

وش حلها ؟ وابي حل حلو وبكم ..

الاستفسار الثاني .. الدبه الي ف الكبوت ابي انسمها شوي عشان ابي يطلع صوت اقوى .. كيف ؟ وهل يأثر بالموترر ؟ وسمعت انه يشفط بنزين واجد !

الاستفسار الثالث .. عندي تحكم الظاره بالمسجل عطلان .. شريت الموتر مستعمل امريكي واول ما شريته وهو كذا ما تستغل وموتري ليمتد والازرار موجوده ..

الاستفسار الرابع .. اذا مشيت 30 الظاهر تقفل كل الابواب ما عدا البابين الي قدام لييه ؟ ابي حل لها تكفون !

وشكرا ..

لا يفصل على 80 الظاهر

عافاك الله وكثر هاللقافه تراها زينه :xyxwave:

الله يسعد ايامك
ايه عرفته بعد كل هالوصف مين اللي ما بيعرفه وصفك ابلغ من صورة :bigggrin:
هذا مساعد للسيارة للثبات على الطرقات ومنع الانزلاق على شان كذا الاكسبلورر مايفحط :smilie16:
واذا نزلت بر طفيه بضغطة عليه والا بتغرز مافيها كلام :a120(115):




تقريبا يفصل الدبل على 60
وبالتوفيق انشالله
واسف انا ماعندي خبره بس حبيت اتلقف :xyxwave:
يمكن واحد من الاخوان الخبره يفيدك اكثر

اسعد الله اوقاتكم ...
معي اكسبلورر 2007

عندي سؤال عن الزر الي في الوسط ما بين ازرار الدبل وازرار العدادات والمسافات
الي عليه علامة سياره تمشي على خطين متمايلين .. عرفتوه اكيد ما فيه اكثر من كذا وصف :smile:

هذا الزر هل هو التراكشن كنترول او شئ اخر ؟ ومتى يستخدم ؟

من جهة اخرى الاكسبلورر دفع رباعي مستمر ما فيها كلام .. ويفصل عند سرعه معينه ما ادري وش هي ....
لاني امشي بالسياره في الرمال بدون تشغيل الدبل ... بس اكيد اضطر احط ع الـ high4x4 اذا بدا يغرز ....

دمتم بخير

تغيير الهوب الأمامي من الجهتين وتغيير حساس الكفرات الأمامي الجهتين
مدري لأن صار له احتكاك ومدري هم ما عندهم خرط حق الهوبات
والهوبات ما جاها شي لكن فجأة كذا جاني صوت احتكاك وصار يفرمل لحاله واصوات مع اللفات
والمشكلة إذا سحبت السيارة منهم يدفعوني 900 ريال للفحص
وش أســـوي الحيـــن مشورتكم

أححححححححـ و ليش يتغير الهوب إن شاء الله ؟
الموتر توه جديد إلا إن كان صار عليه شي ..
و ما فهمت أي حساس تقصد ؟

الوكالة ردوا علي وقالوا ان يبغالك
تغيير الهوب الأمامي من الجهتين وتغيير حساس الكفرات الأمامي الجهتين
ويكلف 3100 ريال , وش رايكم بالسعر

جزاك الله خير يالغالي بشوف رد الوكالة وأخبركم إن شاء الله
وانا فصلت الفيوز عشان لا يتعبني نظام الـ ABS ومشت السيارة تمام معي
بس باقي في صوت احتكاك مع اللفات وصوت طقطقة مع الهوبات وحوسة

السلام عليكم ياشباب موتري له يومين يطلع منه صوت طرطرة (زي صوت الماطور) اول ما اشغله الصباح وبعدين يروح الصوت وش السالفة