رااايكم عن g37 كوبيه ..

كلامك اخوي 100% صح .. والله يطول اعمار مواتركم و ما شاء الله حاط عين العروس في التوقيع ...
طلتها وحش ....والله يهنيك فيها .

والله ياخوي فيه ناس منحوسة للأسف :bigggrin:
والنحاسة الي فيه يلصقها بالسيارة

انا سيارتي 2006 مافيها مشاكل اللهم لك الحمد
وبالنسبة للموستنق
ولد عمي معاه 2007 وخويي معاه 2007 واعرف كم واحد معاهم موستنقات
ما اشتكو منها ابداً واغلبهم كمان معدلين السيارة يعني المفروض فرصة الخراب اكبر
لكن الحمد لله اوضاعهم تمام

بالنسبة للبيع
الكوبيه معروف ثقيل بيعته سواء انفنتي ولا موستنق ولا غيره

وبعدين صراحة الي يشتري عشان يبيع
لا يشتري احسن له

الواحد يشتري عشان يدلع نفسه ويرتاح مو يقعد يشيل هم تنباع ولا ما تنباع

والسيارات الرياضية ما يشتريها الا واحد هاوي لها

و إذا بغيت تشتري اشتر ياباني
لك وللعمر

يالبن الحلال كل هذا الكلام عشان حديد
وش تبي بالسرعه هاه قلي والله ما وراها إلا الغثى بكره تصدم لا سمح الله ثمن تبكي عليك امك ليه عشا ن موتر بكم 200 الف والاخر تشليح 5الاف
يا اخوي ددسن ولا هايلكس ما يتعدا 80 الف والباقي تزوج به ههههه
اخوك ساو او المنشار

بصراحة سيارة ما عليها كلام ،، بس عندك خيارات ثانية مثل بي ام كوبيه ، وزد 370 أو الكومارو مثل ما قالوا الأخوة
تحياتي لك

كلامك سليم اخوي بالنسبه للانفنتي ... الصراحة ما عليها كلام ... بس كل واح و ذوقه .. خخخخ
الصراحة اخوي بيصير بس ياخذ انفنتي .. .الحين عاملي الوكاله عرض خاص لموديلات 2008
G35 ب 130 الف ... و شكله ناوي عليها الحين خخخخ

اخوي انا فعلا معاك الامريكي كلش ما منه امان ، لا من ناحية ثبات ولا من ناحية خرابات المكينه ، اللهم الميزه الوحيده فيه الشكل والمكينه ، وطبعا الشكل والمكينه اكيد شيء ما يكفي ، بس اخذ نصيحة مجرب الانفنتي سياره اكثر من روعه وما تحس فيها الا لمن تجربها وتشوفها بنفسك . الانفنتي سياره راقيه وممتازه حق الاستخدام اليومي وبنفس الوقت مكينتها قويه جدا وسريعه . الزبده انه تستاهل تدفع عليها.

انا ربيعي طلع شارجر 6 سلند و قبل ما يكمل ال 1000 كيلو طلعله شك انجن ...

الامريكي الصراحة ما في امان .. والله ... خصوصا الاسبورت ..
صاحبي الثاني كان عنده jeep srt >>> فوق 600 حصان من الوكاله ما كمل شهر الا و باعه يوم سمع صوت الجير بوكس .. كأنه ينفجر .... ...و معروف انه السيارة اقوى من الجير بوس و راح يعمل مشاكل ...

الامريكي الصراحة يخون و الله حتى في البيعه خخخخ

بس كمان الانفنتي غالية احسها وايد اليوم سألت قالي 2009 G37
194 الف درهم ... يعني احسها وايد جدا جدا على هذه السيارة ...

200 الف
اجيب فيها موستنق شيلبي بدون تفكييييييييييييييير
540 حصان
شكل وحشيييييييي
هيبة

انت بس شوفهم الإثنين لما يكونو واقفين جنب بعض ؟؟

الإنفنتي كأنه لعبة جنب الوحشششششش
ولا كمان نازل الشكل الجديد
دمااااااااااااااااااااااااااااااار

يكفيك لما تدبل دعسة وتسمع صوت السوبر لما يشتغل راح تكره انفنتي والي فيها
واذا على الفخامة الداخلية
انت غلطان لانو سيارة رياضية لازم تكن من الداخل كمان رياضية
واذا على المواصفات ترى مافي فرق كبير
يعني مثلا نفيقيشن وكاميرا بالريوس موجودة بكل السيارات
تسخين وتدفئة مقاعد موجود بكل السيارات
كمبيوتر يقيس ضغط الكفرات ويتحكم في وظائف السيارات برضو موجودة في كل السيارات

ترا ما يفرق في المواصفات الا السيارات الكبيرررررة مرسيدس S ومنافسينها

اسمع كلامي خليك على الوحش الامريكي
وخلي القط الياباني مع نفسه





وآسف على طريقة كلااامي

بس اعذرني هذا الوحش موستنق شيلبي ..

اخووك

اخوي انا معاك حرام تقط 200 الف على سياره مستعمله . وثاني شيء مثل مما تفضلت شياب الكمارو حق الانفنتي . الكمارو سياره شكلها حلو وقويه ولكن الانفنتي سياره راقيه ومستوى وفخامه وثبات ويكفي اسمها انفنتي مو شفر . لحد يزعل بس انا اتكلم بالحقيقه . انا شخصيا كان عندي انفنتي الكوبيه وسياره قمه في الشكل والاداء والمواصفات وفعلا تجمع بين الفخامه والقوه . اخوي توكل على الله والموتر ما عليه حسافه . على الاقل موتر يديد وتفكه على ايدك وهم اسم ومستوى . احسن من تروح تاخذ موتر مستعمل وما تدري شنو فيه وشنو ما فيه . ومبروك مقدماااااااااااا :)

السلام عليكم





أنا عارف أخوي بس البازعي نزلها بقيمه 237 تقريباَ

والقيمه هذي لما يكون معاي 200 ألف ما راح أتوانى وأجمعها

وأوصل لفئه أعلى وأفخم وسرعه عاليه


الإنفينتي لا غبار عليها أن أعتراضي السعر على سياره كوبيه

بصراحه غاليه جداً



لا أخوي اللي عند السيف على خريص معلن عنها

بقيمه تقريباً 189 ألف ريال سعودي



تحيه طيبه

مشكووريين..

اخوي ابوطش ماقصرت بس مكينتها 350 حصان متاكد...

اما عن الكمارو ماتتقارن معها وخاصة من الداخل ..

وتعقيبا على كلام الاخوان اشتري 200 الف سياره مستعمله حررام والله..

والله شوف انا عندي G37 سيدان واشوفها قويه جدا وغير كذا قابله للتزويد
واشوف انه 350 حصان مشبعه وبقوه ايش انت بتطير 24 ساعه وغير كذا الفخامه
والهاندلق والقوه والتحمل كله لصالح الانفنتي اما اذا تبي عمريكي هذا شي راجع لك

السيارة ممتازة ولاعليها كلام

لكن لو أنا مكانك ماحطيت هالمبلغ فيها

على الأقل بأخذ مستعمل bmw m3 or m5 موديل 2007 او 2008

أو الكمارو مثل ماقالو الشباب إذا كنت تبي مكينه وشكل خارجي..

لو تتاكد اخوي من مكينة الانفينيتي الكوبيه
لان اللي اعرفه عنها انها بحدود 374 حصان

مكينة الكوبيه غير عن العادية اللي هي 341 حصان

و بالنسبة لكلام اخوي التيما
سعر جيب الانفينيتي FX50S بـ 247 الف في الوكالة
الـ FX35 هو اللي بـ 201 الف


فرق واجد

الجاغوار غالي اللي هو الكوبيه
بحدود 400 الف
مو متاكد منه


و الكومارو زي ما تفضل الاخ نادر بـ 165 الف و مكينتها 441 حصان و 6.2 لتر و 8 سلندر


و الانفينيتي اللي تقصدها اخ نادر العادية مب الكوبيه


ارجوا ان اكون قد افدتك:smile:

لا اخوي عندنا في الامارات 192 الف أخر مره سائل لل G37 كوبيه ...
و الفرق وايد بينه و بين الكومارو من ناحية التصميم الداخلي ..

و على قولتك اخوي 200 الف تفتحلك باب كبير جدا من انواع السيارات اللي موب فقط سرعه و لكنه فخامه ..
انصحك انك اتزور الوكالات بدون استثناء .. يمكن يعجبك شيء ثاني و بنصف السعر هههه

مكينتها ما عليها كلام والسيارة ما عليها كلام بس اذا سعرها اكيد 200 الف.... الكومارو اس اس اذا كنت تبغى كوبيه افضل ومكينتها فوق 400 حصان ومن الصفر الى المئة في 4 ثوان ونص تقريبا وسعرها عند النصابين الوكلاء عندنا ب 185 الف اول ما نزل (بس تأكد من سعر الانفنتي انا شفتها في الوكالة وسعرها كان 165 الف 2009)