مهم للجموس : معرفة وجود الدفلوك ام لا

Forsakin

يا هلا بك و التراكشن بالجمس انا لاحظت نشاطه لكنه يتأخر شوي


الصقر 101

ما طلبت شي

اولا هو ما له دخل بالدبل خير شر بعض المواتر بدون دبل و فيها !

ثانيا الدفلوك وظيفته انه يوزع القوة بالتساوي 50/50 على الكفرين الخلفيين (بعض السيارات فيها امامي برضه لكن الغالب خلفي فقط) يعني لو ارتفع كفر من الكفرات الخلفية عندك هو بنفسه يشبك اوتوماتيكي ما لك فيه اي شغل (يعتمد على حساب الفرق بين دوران الكفرين)

عند الحاجة بيشتغل بنفسه و بسرعه برضه لدرجة انك ما تحس انك علقت


و يا هلا بك

ثالثا

السلام عليكم ورحمة الله
الله يعطيك العافيه ابو هذال على المعلومات القيمه
بنسبه لي انا تقريبا لي لأن اكثر من سنه و توني دريت ان في سيارتي التاهو دفلك
وحصلت الكلمه الي في الدرجG80 يعني ابو هذال عندي دفلك صح
طيب انا راح اعذبك و اغلبك معي اخوي ابو هذال (بس لو تكرمت لو تشرح لي با التفصيل الممل عن طريقة عمل الدفلك اذاكان على الدبل الخفيف او الثقيل كيف يشبك وكيف يوزع القوى للعجلات لكي اتصور الطريقه وكذالك اعرف كيف اتصرف في موقف الغراز الو المنحدرات الجبليه و كذالك اماكن الأنزلاق والصخور.......ولك تحياتي اخي ابو هذال)

الله يوفقك دنيا و آخره والله فرحتني عاد امس كنت امشي بدباية و هالدباية يمشون فيها 80 , انا ماشي 30-40 , والله ما ادري شلون ولا شركه حاطه زبر بالكويتي والله نسيت اسمها بالعامية السعودية :bigggrin: الي اهي صعدة قشر و تكون رمل بس , طلع بوجهي قلت ان مسكت بريك ما ينفع يبكفخ وجه الموتر بالزبر و رمله قبلها يعني يغوص و يكفخ خشمه , مسكت بريك خفيف قلت اصعدها و انشالله اطلع او ادبر نفسي ولا يروح وجه الموتر , صعدتها بدون دعسمه ما ودي اهدم الموتر اهي حاده ان تعديتها كفخت بالأرض , و هديت الدعسه و يوقف بنصها كنت رايح مخيم اخوي , ما سويت شي قلت الموتر واقف خن استكشف وضعي , ولا الموتر شبه مدنقر (البدي يلزق يالارض) و افتريت حوالي السيارة بروحي , ولا التاير الي قدام يسار تقريبا لازق بالارض ما يقضب الارض يحفر اذا دست و نفس الحاله بالتاير الي ورا يمين , دقيت الدبل الثقيل على طول ,بس ما دست,الدبل الثقيل يطفي التراكشن , دعست دعسه خفيفه و يدور التاير بيحفر و مسكت بريك , قلت مالك الا التراكشن و الخفيف , و احطه على ال r و اطلع راسي اشوف التاير الي قدام تحرك خفييف و وقف بسرعه , دست شوي و ماشالله تبارك الرحمن مثل الريشه , لو مو الدف لوك كان حفر و قعد , و كان على بالي انه التراكشن بس كنت شاك بالتراكشن و الحمدالله والله سطلعك بمواقف صعبه
الله يوفق الجميع انشالله

ارفع

عشان اصحاب التاهو و اليوكن يستفيدون

ايه نعم انا اقصد العادي وليس الادفنتشر

و الظاهر انه نفس الوضع عندي

ع العموم راح احاول اجربه و اصوره فديو و اطرحه هنا ليتم التناقش حوله


ننتظر تجربتك يا راعي الدينالي


و يا هلا

جربت الدينالي..وومشا معايا زي السلام عليكم.."ماشاءالله" بس مافصلت التراكشن " الويكند الجاي بس ارجع راح اجربه مررة ثانيه بدون تراكشن.وارد عليكم "


تقبلو تحياتي

f i ne

أبو هذال الهمر H3 العادي (ليس أدفنتشر) ليس فيه دف لوك خلفي؛ جربته بنفسي. فصلت التراكشن كنترول وجربت أطلع صخرة، وصارت الكفرات تدور بوش بدون أي قفل. عرفت أن تماسكه هو فقط من نشاط التراكشن كنترول فيه وليس من الدف لوك.

طيب ما معه اي رمز ثاني من اللي ذكرناهم (Z83 او Z85) لانه اذا موجودة فهذا يعني انه ما هو كله بس اشياء بسيطة (غالبا مساعدات) لان التعليق يفرق

لانك ذكرتني فيه يوكنات نزلت اول موديلات 2000 و 2001 كانت عادية اللهم انه عليها كتابة Z71


ابو سعد انتظرك

راعي الجيب
ماشاء الله تبارك الله موترك ثقة
و الشيروكيات حسب علمي كلتشات تنتهي فعاليتها بعد فترة من الزمن للاسف :mad1:


و يا هلا بكم

هذة الصورة للشروكي حقي موديل 2000 ووشارية وكالة
تصدقون اني مادريت ان فيه دفرس محدود الأنزلاق الا بالصدفة بعد 6 سنوات :c0214:
كانت ممسكة ذاك اليوم تنظيف

وبعدين ريحة ابو زيد ولاعدمه .................:bigggrin:

ما قدرت اصور لا في الليل و لا في النهار كاميرا جوالي ما تصلح للتصوير في مثل هذي الضروف

بستعين بصديق و بصور هذي الصور لاني ابيك تفك لي هذي الرموز

الغالي ابو هذال احد الاخوان عنده يوكن 2008 بعد الاطلاع على قائمة الرموز وجدت ان فيه رمز Z71 هل يعني هذا ان تعليقه مثل تعليق التاهو المخصص للطرق الوعره واذا كانت الاجابة بنعم اذا ليش تفرق الشركة وتحط موديل خاص بالطرق الوعرة اللي هو تاهوZ71

أنا أشهد



بيض الله وجهك ماقصرت أشكرك كل الشكر
وكذلك أكرر شكري لأخونا الغالي أبوهذال

مشكور يا ابو هذال على سرعة التجاوب وان دل هذا يدل على طيب معدنك

عندي تساؤل باقي الطلاسم مالها شفرة تفكها

^^^

LY5 محرك موترك فورتيك 5300
MYC قير سيارتك 6l80 الجديد
GU6 نسبة دفرنس سيارتك 1:3,4
G80 الدفلوك متوفر واساسي
Z71 نظام تعليق الطرق الوعرة
Z82 تجهيزات السحب + مبرد لزيت القير


رابط جميل يوضح محركات جي ام و قيورها في جدول مع الصور ومادة الصنع و كافة المعلومات المطلوبة
http://media.gm.com/us/powertrain/en/product_services/2010/gmna/10truck_us.htm


و يا هلا

^^^

من الآن غير متوفر بالاكاديا ولا بالحلم

لان الاكاديا دفع امامي اساسا ولا تعتبر من سيارت الدفع الرباعي بل سيارة مدينة بحت

حصلت على جدول تجهيز الأكاديا 2009 موضحا به كود أو رقم كل قطعة


لكن للأسف هو باللغة الانجليزية

ويمكن البحث في النت عن أكواد تجهيز باقي السيارات


وسوف أضعه في مشاركة منفصلة لأني لم استطيع اضافة مرفق في الرد

يا هلا فيك
اما الفائدة فهي في وقت حاجته لا تقدر بثمن وتقدر تعلق كفر امام وكفر خلف ولا ينفعك الدبل
لكن بدفلوك حتى لو بدون دبل تطلع وما تتوهق



الله يبارك لك

و مثل ما قلت في اول الموضوع

هنا ما يفرقون بين مدفلك او لا
لانهم ما يعرفونه الا ع الـZ71


شرفتوني

انا شيكت على السيارة ولقيت الرمز G80 يوكون دبل 2009

مع العلم ان مندوب الجميح لما ذكرت له هل فيها دفلوك قال لا

لان كنت افاضل بين سعر الجميح والتوكيلات والغريب ان المندوبين

عطوني سعر السيارة بدون دفلوك