هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريباً)

أخي عمر مع شكري لك على المشاركة الا أني أعتقد أنك بالغت كثيرا في مدح اللاندكروزر ... وأعتقد أنه خانك التعبير عندما قرنت الدين باللاند وهو مجردسيارة. هل يعقل أن يكونا بنفس الأهمية؟!
مع كل الشكر لجميع المشاركين...

# OMAR #

فرضا لو ترى الناس من مناطق المملكه تفضل شراء الاندكروزر

معاهم كاش الاندكروزر زي الشيك في اليد ينصرف في اي وقت واي مكان

والاكثر استخداما المنطقه جنوب المملكه ومنطقة القصيم ونجد الاندكروزر لايعلى عليه للرمل

للجبال لصخور لكل شي..بلمختصر الشديد الاندكروزر عراقة التفوق الابديه

هاذا الذي يستفيد منه الوكيل ويستخدمه بأبشع الصور الغلاء الفاحش ربما والله العالم

اذا انخفض سعر الاندكروزر بكره تحصله بتنقرض السيارت السيدان والبوكس...

والله الاند كروزر سياره تستاهل اكثر

والله انك جبتها عالجرح .. فعلا الواحد يحتار هو الفكسار يستاهل ولا الجكسار ؟؟
المشكلة وهذي اخس حركة مسوينها تويوتا هي ان الجكسار اللي تدفع فيه 193 الف ريال مافيه الا ايرباقين .. اذا تبي ايرباقات كاملة لازم تاخذ الفكسار ..

المفروض هالمواصفات تكون ستاندرد على كل الموديلات .. بس هذي ضريبة اللي يبي يشتري ياباني .. اخر همهم السلامة ..

اما اللي يقول ان اللاند ما يسوى سعره يكون في علمه انها سيارة الدفع الرباعي الاكثر انتشارا بالعالم .. يعني كل العالم يجمع على محبة المفخرة ..

اما اليوكون -الله يكرمكم- غيرنا احنا والامريكان محد يشتريه .. لا وغالبية الامريكان يشترونه عناد بس لانه صناعة امريكية ويبون يدعمون اقتصادهم ..
اما اسعار اللاند هي نفسها اللي بامريكا واوروبا واليابان وامريكا اللاتينية واستراليا ومصر وافريقيا وباكستان وافغانستان والهند وكل دول العالم ((مع فروقات الضرايب بين الدول))

ورغم كذا السيارة كل(ن) يشتريها .. يعني اذا انت تشوف اللاند ما يسوى سعره فأبي افهم بس وش هي السيارة اللي تسوى قيمتها؟؟!!

عطني سيارة وحدة بس بالعالم اجمع تجمع لي ثبات اللاند عالخط وراحته وقوته بالبر والجبال وفخامته ورزته .. عطني سيارة وحدة بس تكرف مثل اللاند ما تقول شي ..

اللاند سيارة لو ان دوامك من الدمام للجبيل وتروح يوميا قطوع ما بتقول لك شي ..
اذا انت اكبر همك بالحياة سيارة فيها جلد وفتحة وشاشة .. خذ لك الماني مافيها شي ..
بس لا تقول اللاند ما يسوى قيمته .. لان اللاند له استخداماته وله ميزاته اللي ما ينافسه فيها احد ..

بعدين الواحد علشان يقيس اذا السيارة تسوى قيمتها ولا لا يشوف منافسينها ويقارن بينهم .. واللاند ((عسا الله يخليه غصة بحلوق الامريكان)) ماله منافس ..
يعني الفكسار لو ينباع بمليون ما تقدر تقول مايسوى .. لان ماله منافس اصلا .. حقهم تويوتا يفخرون .. الا حقهم البشرية كلهم يفخرون انهم صنعوا سيارة اسطورية مثل اللاند ..

وبالنسبة لاسعارها مستعمل اتمنى انكم تاخذون فرة في WWW.CARS.COM وشوف الفرق بين سعره مستعمل وبين سعر الاسكاليد .. وبتلقى ان سعر اللاند مستعمل ضعف سعر الاسكاليد .. رغم ان الموقع امريكي والمفروض اسكاليد يتفوق ..
طيب تخيل اننا عرضنا اسكاليد ولاند كروزر في دولة ثانية بالعالم .. النتيجة بتكون مثل مبارايات الهلال والنصر :bigggrin: .. (طبعا اللاند هو الهلال)

ماأقول الا الله يخليلنا في الدنيا خمس:
1- الدين
2- العقل
3- الوطن
4- التمر واللبن
5- لاند كروزر

لا لا يستحق ابدا واصلا في وجهت نظري ولا سيارة تستحق سعرها مهما كانت السيارة

ويعطيك العافيه يا صاحب الموضوع

الموتر رزه ..
وسعره قريب لأسعار السياارات عندنا
السوبر سفاري بـ 200 ألف
الدينالي بـ 209 الآف
الإنفينتي qx56 بـ 218 ألف

في كل الاحوال اسعار مبالغ فيها :D

لا والله ما يستحق..
الله يرحم زمان لما كنا نآخذه فل اوبشن بمية وخمسين الف..
الحين كله ديكورات ومنظر.. الجودة نفسها؟!!! ما اظن..
:xyxwave:

من يترك يوكن طويل + قراند مركيز بقيمة 230 الف ويحط بجيبة 25 الف
ويشتري المدعو لاند كروزر vxr بـ 255 الف

بصراحة :a1120(121):

مشكور أخي / ولد وايل
على التعليق والتوضيح ... والشكر موصول لكل المشاركين الله يجزاكم خير ويعطيكم العافية........

ياخي الكروس اوفر ماله سوق عندنا على هالاساس قيمته طايحه مره

وبعدين ياخي في امريكا الانفنتي الكبير الـ Qx56 موديل 2005 تتراوح اسعاره من 18 الف دولار الى 28

اللاندكروزر الـ2005 اسعاره مابين الـ 28 29 الى 38

شف فرق السعر مع انهم بأمريكا واللاندكروزر ماله سوق هنا ك الا قليل مقارنه بسيارات اللي غير مخصصه للبر مثل اليوكن والتاهو والارمادا

ليش الانفنتي سعره ارخص من اللاندكروزر رغم انه الانفنتي موديل جديد و اكبر حجم واقوى محرك وسوقه يمشي هناك لانه موتر خطوط ووسيع وكل متطلبات السوق الامريكي تنطبق عليه

مع ذلك اقل سعر من اللاندكروزر باختصار بسبب فرق الصناعه اللاندكروزر ياباني اصلي

والانفنتي صناعه امريكيه

الكل يعرف انه اللاندكروزر يعمر سنوات طويله وبالتالي يمسك سعره

اللاندكروزر تقديره عند ناس معينه (( للي يعرف قدره وقيمته ))




ماهنا ذاك الفرق بينه وبين الـ 2006 و 2007فقط 25 الف مع انه الجديد مواصفاته اطلق من الحالي بكثير

واذا انت ماتدفع غيرك يدفع على هالاساس الناس اجناس وانا اخوك

بعدين عاقت الان على اللاندكروزر مانسمع عن تبذير والا سخط رب العالمين والا الحرام الا اذا كان الكلام عن اللاندكروزر وكأنه اغلى سياره بالعالم رغم انه في سيارات صناعتها اقل جوده من اللاندكروزر ومالها تاريخ من الاسااس وواصله اسعار الـ 250 و اكثر

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نرجع لصاحب الموضوع

أخوي الكلام اللي جبته في موضوع بالنسبه للشخص الاول ( بن صبح )

هذا الشخص يقيم الفكسار على موتره
وهو اعتقد انه كويتي حسب مافهمت ومعروف انه الساير بالكويت مايجيب مواصفات زينه للاندكروزر

ولو فرضنا انه ماهو كويتي فكلامه عن قطع غيار الفكسار غير صحيح

قطعه رخيصه مقارنه باليوكن والباترول وحتى الباجيرو

اما يوم يقول انه الفكسار فيه زوايد ... وبالتالي ميانفع بالبر انا اخالفه في هالنقطه لانه الزوايد يطلبها صاحب السياره (( الشاري ))

حتى الجكسار ممكن تجي فيه هالزوايد

فماني مقتنع في كلامه بعكس الاثنين الباقين

بالنسبه لي شخصيا

اشوف انه الاثنين مايستحقون اسعارهم للاماانه

يعني اللاندكروزر الامريكي بمحرك الـ 5700 لكن بدون ونش واسبير اضافي قيمته بالضبط 235

فللي عندنا واللي بدون ونش واسبير اضافي فالمفروض

الفكسار مايتجاوز الـ 210 والجكسار 180 بالكثير طبعا لثمانيه سلندر

تظل الاسعار هذي منطقيه نوعا ما عن اللي يحصل بالسوق حاليا

ولو جينا للسوق فما فيه موتر يستحق سعره ابدا
بصراحه اسعار السيارات من تالي غريبه جدا

والله يرحم الحال

الفي اكس ار ودعناه من 2008 من بيدفع 255 الف بسياره ياناس تراها سيارها ادفع فيها ربع مليون ليه الله يرضى على اليوكن بس

يااخوان الكلام صحيح عن الــ VXR

لكن ليه انا رشحته

بصراحة يعبر عن الفخامة المطلقة
وشي طبيعي ليس مخصص للتطعيس وانما للقيادة الفارهه

وبالنسبه للـ GXR
ماشاء الله عليه عملي وانا اشهد

وشكرا لكم

في يوم من الأيام كان سعره بالامارات بالفطيم 255 .. الحين 262 ,,
شو رايكم ؟؟

.. بنظري الـ VXR بكل تأكيد أفضل لانه فئة اعلى .. ولكن سعره مرتفع .

اتوقع على شكل اللاند الجديد سنة 2017 يمكن يكون سعره 350 الف واللكزس 480 الف !! ليش لأ .. وهم كل سنة يزيدون 10 آلاف عشان شوية تغييرات ..

يااخوان انا اتعجب من هالبشريه اللي ماعندهم الا تويوتا
وكان مافي في هالبلد الا هالولد:a1120(82):
انا اتكلم عن الاحتيال الصريح من بو جميل لهذه الشركه
والعالم فوق كذه مع الخيل ياشقرى ولا تويوتا مشهود لها بالقوه
ولو انها زيها زي السيارات الاخرى
اليوم رحت معارض الدمام ولاقيلي vxr 2005
والله ياجماعه انه 150 الف ياساتر
ولاقيلي جيب انفتتي fx 2005 بسعر 88 الف
وركبت السيارتين لقيت الانفنتي تقول طياره من الداخل
والفكس عادي جدا الهم من كم شغله اللكترونيه فيه من تحكم صوت وغيره في الطاره
عجبي :c0214:

السلام عليكم

بالنسبة لي اعتبر كلا الفئتان ذات أسعار مرتفعة مبالغ فيها وإذا أبي موتر حق بر بآخذ الإكستيرا خفيف + قوي + تحمل =سعر معقول طبعا مب بس الاكستيرا في خيارات كثيرة وهذة وجهة نظري.

سعر مرتفع ويجى بالسعوديه بأقل مواصفات بعد


استغفرالله العظيم الذي لااله الاهو الحي القيوم واتوب اليه

كل الشكر للأخوة الذين شاركو في الموضوع بتعليق أو بتصويت والله يعطيكم العافية ...

نقطة أحب توضيحها وهي اننا لا نتكلم عن واقعية سعر النوعين الـVXR والـGXR نحن نعرف أن كلا النوعين مبالغ جداً في سعرهما ولا شك...
لكن موضوع النقاش هو مقدار زيادة سعرالـVXR على سعر الـGXR . هل يستحق هذه الزيادة في السعر أم لا؟؟؟