هل تشعر بالمتعة بقيادة سيارتك الجديدة

يمكن عندك وجهة نظر
بس اشوفك مبالغ بصراحة
وكمان اللي يقول اشتري كم سيارة مبالغ
يعني انا اشتري سيارة فخمة وما اتمتع فيها واجيب فورد ولا اي شي واسوقه يوميا
ايش الفايدة
ليش تحرم نفسك من سيارتك
لو الناس تطبق كلامك كان ما شفنا في بلدنا الا هايلكسات

انا اشوف الواحد يكون مأمن ملتزم باداب الطريق متوكل على الله وانشالله اموره تمام

بالفعل اخوي الايسوزو ممتعه وقووويه بعد

وان شاء الله منتظر 2010 م وبخليه في الاستراحة للاعمال الشاقة

يعطيك العافية على تعليقك وتواصلك

ويش تسوي هذا امر الله ....

شوف سلوك الناس في الشوارع ... واتمنى ان تمتلك سيارة فخمة وتشوف الحالة النفسية السيئة الي راح تصيبك بسبب همجية بعض السائقين وتقعد طول الوقت حاط يدك على قلبك خوفك من المدرعمين بسيارات خربه ومعدومه وده يصدمك لو ماوخرت عنه ... فالله المستعان

شوف ياخوي السيارات اذا كانت جديده وكاله وغاليه ماتصلح بالسعوديه

عاد انت عارف ليش....... كل شي ماياهلك تجيبها هنا

يبيلك اكثر من سياره

انا عندى 4 سيارات

لكزس ls 400 و ولاند كروزر ودودج انتربيد وهيلكس

كل سياره لها استخدامها

رغم ان الشباب الى هم اخوياي قالوا لى بيعها واشتر سياره وحده غاليه
قلت لهم لا

واخيرا الناس فهمت وجهت نظري من خلال موضوع اخوي

واكثر سيارتين استخدمها هي الدودج والهيلكس

ولكزس للاعياد والاعراس

والاند كروز لعايله وطلعتها


تقبل مروري اخوى

صدقت اخوي بعض شوارعنا الله المستعان

شاكر لك اخوي تعليقك وتواصلك

عين الصواب فيما قلته عن سلوكيات كثير من السائقين انا سيارتي 2009 وعندما توقفت في الغرابي وتوني شاريها من اسبوع الا يجي راعي الشاص ويكسر علي الإسطب الخلفي وينحاش حسبي الله عليه وعيني عينك يمشي وانا اشوفه لازلت ادعي عليه اما لونه وقف واعتذر كان كلام ثاني لكن بلا مبالاة اقول حسابك عند الله
ومرة وقفت عند بوفيه الا يجي راعي السيارة اللي اقفة بحنبي ويفتح الباب ويضرب في بدي سيارتي ولا كأنه سوا شي يمشي ويروح
ومرة واحد يرجع او يريوس ويكسر اللفة وتحك مرايته في بدي سيارتي وتخط خط اسود
ومرة انحشرت في شارع ضيق ويجي ذاك الهندي بالجمس الأحمر القديم ولا يعرف السواقة ابد يتقدم انا عاد ابي اخارج نفسي مادريت الا الجمس يدحدر علي وتقوم المراية تطقطق وانا اخبط في موتره لما انتبه
عالم غريب وشلون راعين السيارات الفخمة يرتاحون !!!!!!!!!!

انا كلامي من كلام ابو رغد



ان الواحد ياخذ له سياره يكرفها وسياره يوقفها بالكراج للسفريات والا المناسبات



انا الوالد اول مانزل الجمس 2007 الدينالي شراله واحد بـ177 الف

وقبل مايطلعه من الوكاله قال لنا انشاء الله الفورد ماني بايعه بخليه للمشاوير داخل المدينه والجمس بوقفه بالكراج


ويوم طلعه ماوقف حتى قال الفورد بيخرب لو جلس واقف وراح باعه وجلس على الجمس

طبعا بعد 3 شهور جاله واحد سكران الله لايبلانا معاه راس تريله وصدمه من ورى والجمس على التشليح


اخر شي الوالد شراله واحد 2008 دينالي وواحد 2006 وطلق بالثلاث الجمس الـ2008 مايطلع فيه مشوار داخل جده ومايمشي فيه الا برى جده

ومن جد الدنالي له معانا الحين حول السنه ويمكن زياده وعداده ماتعدى 1700 كيلو حتى يمكن اطلع فيه الرياض وارجع عشان ندخله صيانة الـ5000


وفوق هذا الجمس الـ2006 شاله السيل والوالد صار ماعنده غير الدينالي قام شراله فورد عشان مايحركه


ومع هذا هو الكسبان


لانه عندك شعب همج بمعنى الكلمه يعني معاك سياره جديده خلها ببيتكم ولاتطلعها الا في الناااادر




وانا والله الحين محتار بين جاغور 2006 مستعمل فل ابشن ونظظظظيفه وفورد فيوجن وجمس سييرا غماره 2009


طبعا الجمس داخل راسي بس مادخل راس الشايب لانه غماره وحده



بس والله انت حطمت الرقم القياسي



من لكزس لـونيت !!


بس والله ما الوومك

والله الحمد لله الإيسوزو ممتعة وشكرا

اخوي العزيز

احد اصدقائي اشترى مكسيما 2010 ولم يمشي عليها الا 1700 كيلو متر وهو واقف عند الاشارة وجاك واحد من المدرعمين من الخلف وصدم السيارة وراح عليه الصدام والانوار الخلفية واصبح شكل السيارة مشوة بصراحة صدقي جاته صدمه نفسية وتأثر كثير خصوصاً السيارة لم تلبث معه الا حوال اسبوع واحد

( للمعلومية الطرف الاخر سيارة كرسيدا موديل 86 من احد العماله الوافده المتخلفة والسيارة ليست ملكة وتركها وهرب )

شاكر لك تعليقك وتواصلك

ماشاء الله عليك أخوي من لكزس إلى هايلوكس مره وحده لييييييه
كان يمديك سياره معقوله الحجم والسعر بس هايلكس من بعد لكزس قويه

تقبل مروري بعد الزحمه ويعطيك العافيه

اخوي انا بعت اللكزس من خوفي على ان يجيني احد من المدرعمين في الشوارع ويحسرني عليه فالسلوك العام في شوارعنا لايسمح لك بإمتلاك سيارة فخمة والا راح تكون متوتر وخايف معظم الوقت

سرني تعليقك وتواصلك

شاكر لك تعليقك واطلاعك

اضحك الله سنك

شاكر لك تواصلك واطلاعك

مشكور اخوي يعطيك الف الف عافيه انا ولله مايبخ سياره احلامي انشاء الله تتحقق سعره 6000000 مليون لازم تططلب مايبخ زلام 1 سنه عشان تخلاص السياره المبيخ واي موصفت الي تبيه

انا بتكلم بصراحه وبعقلانيه

انا محدثك شريت سيارة ددسن 2008 بسبب اني اعيش في محافظه وبعض الطرق غير معبدة
وسواقتي نضاميه بكل صدق.
اول اسبوع السيارة ممشوخه بسيم من الصدام الى الصدام
ثاني اسبوع وقفت في سوق الخضره ودق واحد ريوس وحك الباب
وسافرت مرة لمكه عليها ودخلت شوارع اعتبر ان الطرق البريه افضل منها
اكلت حفرة في احد الأحياء وانا مسرع بعدها سمعت اصوات مزعجه في الطبلون
انا بصراحه ضاق صدري وهي ددسن لايتجاوز سعر الجديدة 50 الف
فما بالك بلكزس سعرهاا يتجاوز 200 والله حرام تمشي في الشوارع وحرام السعر هاذا فيها وخصوصا اذا علمنا ان مصيرها تحك او تخدش او ممكن تصدم
السيارات الفخمة تصلح لمن لايلقي بالا ولا يهتم بالسيارة ويمكن يستخدم سنه ويغير على طول وفي البيع مايهتم بالخسارة
هاذي ممكن تنفع معهم الكزس او السيارات الفخمة الأخرى

حبيبي ونا بحرم نفسي علشان الناس بصراحه ابدلع نفسي ولو معي سياره فخمه ولله لروح ويجي ونا مطمئن مدامك تمشي نظامي محد ظارك ون ظرك عليه الغلط

شاكر لك مرورك وتعليقك

والله انا من الشباب الفقارى لاي متوظف ولاشي
بس عندي اللنكون ومستمتع فيه وعاجبي وقاهر اخويانا اللي عندهم مراكيز
بس طبعا اللي يرفع الضغط كل اللي ذكره الاخ ابو غامد وانا ءايده في اللي قاله
بس ماني معاه في شغلة بيع اللكزس لو اشترى سيارة اضافية كان احسن

شاكر لك اخوي تعليقك واطلاعك