هل تشعر بالمتعة بقيادة سيارتك الجديدة

السلام عليكم

نفس الشعور والأحساس يوم شريت سيارتي الجديدة
ماعرفت أن شوارعنا مكسرة إلى يوم شريت سيارتي الجديدة
ماحسيت بهمجية سواقين السيارات إلى يوم سقة سيارتي الجديدة

بس تدري وش سويت بعد شهرين من شرائي للسيارة رحت لم المعارض
وشريت سيارة 9 آلاف وكثيرة على شوارعنا والحين الحمد الله للمهمات
الصعبة أستخدم هذة السيارة وسيارتي الجديدة أسوقها عشان أستمتع فيها
فقط مع العلم أن يوم كن أنزل بحفرة بسبب سوء شوارعنا والله عيوني تطير عليها
فـ وش تقول أنت وكانت سيارة فخمة الله يعوضك بأحسن منها .

تشتري سيارة وكاله وتبدا رحله القروشه :bigggrin: ( تخاف عليها وكل شوي ناط للوكاله ) بلاوي , الي متزوج وعندة عيال لايردة الا الجيوب منها بالبلد وسفريات

اما شباب في حالتي :bigggrin: سيارة تكون مريحه وتواجه والسفر بالطائرة

رايي من راي الشباب يبيلك سيارة فخمه وسيارة تخدمها وخل اغلب سواقتك عالسياره العادية وبيني وبينك سواقة الهايلكس بالنسبة لي قمة المتعه اكثر من السيارات الفخمه يعني لو خذيت سيارة فخمه باخذها للكشخه فقط يعني ما بطلعها الا في السنه مره
ويحقلك تحقد على الشوارع اللي عندنا تجيب الهم يعني بعد مايسوون شارع زي العسل يجون يحفرونه بعد اسبوع عشان المويه ويزفلتونه بعدها باسبوع حفروه مره ثانيه عشان التلفون وبعدها باسوبع يحفرونه عشان الكهرب طيب ليش ماتسوونها كلها مره وحده وفي الاخير تلقا الشارع انواع الحفر والمطبات
اما اصحاب السيارات الي من عهد فرعون على قولتك مايحقلك تحقد عليها اذا كان ماشي بادب ومتبع النضام قل الله يعينه على سيارته يعني مو كل الناس قادرة تشتري سياره جديده

88

:bigggrin:



كلام سليم لكن برضو الهايلوكس مع المطاب موب ذييك الراحه

صحيح لكن انا قصدي لو اخذت مستعمل بتصير عند المطب مثلا تقول اكيد اللي قبلي اكل فيها مطبات بقوه وتاخذها عادي مو توقف ساعه فوق المطب خايف على السياره :rolleyes1:

الشكوى لله وليس على الله

موضوع على يلمس جرح كل مجروح

أشكرك فقد عبرت عن كثير مما يجول بخاطري

شوف انت لاتشتري سياره فخه اشتر
صغير احلى ولله
فله مره

انا كان معاي سيارة بنز موديل 90 وبعته وشريت فورد 97 وبعته وشريت كامري 97 وبعته وشريت كامري اصفار 2007 وبعتها وشريت ماركيز 2006
تبي الصدق اخوي والله اني ندمان ندم مالله به عليم اني اشتريت والكامري 2007 الماركيز 2006
للاسف الانسان لديه رغبة واحتياجات كلما اشبعها ذهب للبحث عن اخرى وهذا مصداق قول النبي صلى الله عليه وسلم (لو كان لابن ادم وادي من ذهب لتمنى وادي اخر )
وفعلا مايملا عين ابن ادم الا التراب
نصيحة لكل شخص يقدم على شراء سيارة
فكر وحدد ثم قرر ماذا اذا كان شرائك للسيارة ضرورة واحتياج
ام زيادة واشباع رغبة

والله مشكلة عويصة في البعض يستسهل الموضوع أنا أعرف شخص أشترى جمس 2009 وبعد أسبوع من شرائه تفاجئ بأن السيارة مخدوشة من كل مكان والله قهر وأضطر يرش السيارة كامله (رشها في الوكالة )الله يهديه وتعرفون أسعار الوكالة وفي نفس الشهر أعادو الكره فا مثل هذا الشخص أيش يعمل مع العلم أنهم كاتبين أسم حرمتة على الكبوت يعني موت خراب ديار ههههههههههههه:smilie16: الله يهدي الجميع .