.: فئات الباترول موديل 2010 مع سعر السيارة :.

صحيح الباترول اسطوره .... ولكن بهذا السعر ((((خليوووووووه يصدي ))))

الله يخليلنا الفتك

اذا صحيح فوق 200 بيصدي عند وكالة النيسان
هههههههههه مشكور على الخبر

يعطيك العافيه ياعالم المشاعر

بالنسبه للمواصفات اللي ذكرتها مافيها اي شي واضح اللهم المحركات

بعدين أعلى فئه اللي مذكور انه فيها مواصفات غير مسبوقه

انا قريت عن مواصفات الباترول الجديد مافيه اي شي جديد اللهم نظام الـ KDDDS وهذا موجود في اللاندكروزر وجيب اللكزس وحتى البرادو الجديد والباقي كلها كميرات ومن طقه هالمواصفات اللي موجوده في اغلب السيارات يعني نيسان ماجابت شي جديد عن الباترول حتى يكون فيه تكتم شديد للدرجه ذي

يعني الاماراتيين مادري هل بيحسسون العالم انه الباترول سياره فريده من نوعها

المشكله المواصفات عاديه جدا اللهم قوة المحرك اللي الى الان مجرد اجتهاد كما هي بقيه المواصفات

اخيرا بالنسبه للسعر اذا فعلا راح يبدأ بـ 200 الف فانا اقول الباترول خسر المعركه قبل ان يأتي للميدان

الباترول كلنا نعرف انه اغلب اللي يشريه من فئه الشباب واذا هالموتر راح يبدأ لأقل فئه بـ 200 الف
فماراح احد يشريه لانه مافيه اي ميزه ( اجل اخذ سياحي بـ 200 الف ) :bigggrin: بانوراما على غفله


الحين اقل فئه واللي ممكن يشريها اغلب الشباب جات نيسان ورفعت السقف عنهم وتبيهم يشرونه

طيب الفئه الاعلى هل بيكون سعرها مثل رقم محركها 400 الف

طيب هل الناس الكباريه راح تترك الرنج وجيب اللكزس والاسكاليد وتاخذ باترول

مادري نيسان وش تحس فيه

الله يحللك ياللاندكروزر

بصــراحة !!! انصدمت يوم شفت الفئات والاسعار

بالرغم من اني من اشد المعجبين بشركة نيسان والباترول بشكل خااااص

انصدمت جدا جدا وللاسباب التالية :

أولا: عــدم توفر الباترول بمحـرك من ستة اسطوانات

ثانيا: المبالغة الكبيرة جدا في سعر الطراز الاقل مواصفات
وحتى لو كان فخم وفيه تكنلوجيا ومواصفات رائعه
يااخوان معروفه اقل فئة من هم يرغبونها ومعروفه كمان ايش هي استخداماتها
" ياليت يشيلون المواصفات الزايدة فيها ويخلون الاساسية لان معروف
كلما زادت المواصفات كثرة خرابات السيارة
يعني باختصار هالفئة المفروض تكون للاستخدام الشاق والتحمل اكثر من غيرها
كاستخدامها من قبل المجاهدين والامن العام والقنص والطعوس كذلك

ثالثا: عدم توفرها بناقل حركة عادي والاكتفاء بالاتوماتيك وانا اشوف هذا
قمة الغباء من نيسان... وامل ان يتوافر الناقل العادي في كل الفئات حتى للفئات الاعلى
لانه هو المرغوب اكثر شي في هذي الانواع من السيارات

رابعــا: عدم توقف انتاج الشكل الحالي للباترول بل ونزوله جنبا الى جنب مع الشكل
الجديد...... والله قمة الغباء ايضا ( باترول بشكلين للهيكل؟؟؟!!!!))
حتى لو كان بينزل مؤقتا لسنة وحده مع الشكل الجديد مااشوف له اي مبرر
بل ولاول مره في حياتي اسمع بشركة سيارات تنزل شكلين لهيكل سيارة واحده
من سياراتها ويختلفون اختلاف جذري في كل شي من المحرك الى الصدام!!!
يمكن يكون عذرهم وحسب ماسمعت انه مافيه ناقل حركة عادي للباترول الجديد؟؟
ولذا قرروا الابقاء على الشكل الحالي ايضا؟؟؟
بصراحة عذر اقبح من ذنب

خامسا: لماذا هذا التكتم الشديد على السيارة؟؟؟ وكانها سلاح نووي؟؟!!!
المرسيدس والبي ام دبليو ماتكتموا كل هذا التكتم الشديد على سياراتهم
بصراحه؟؟؟ زودتها ومصختها نيساااااااااان

: سادسا: لم ارى في حياتي سيارة تنزل مواصفاتها " الكامله " قبل شكلها !!!
احد الاداريين الثقات في نيسان ارابيا يقول ان لديه المواصفات الكامله قبل شهر
من تاريخ انزاله لهذا الموضوع ويقول انه ينتظر الوقت المناسب " والاذن "
من المصدر كي ينشر المواصفات باالنت

آآآآآسف على الاطاله لكن باختصار

( السعر - الناقل العادي - محرك الستة سلندر - والشكل الحالي للسيارة يوقفونه
فور نزول الشكل الجديد )

هذي اغلب ملاحظاتي على السيارة

شكرا.

200 الف !!!!!!!!!!

لا لا لا ما اتوقع ومانزل بشكل رسمي

يعني نقول راح يبدأ من 150 الف الى 170
لانه منااااافس شرس للاند وما اظن ينزل بالسعر المذكور لاقل فئه

اخاااف فيه لخبطه وهو ان الـ 200 الف لاعلى فئه :smilie16:

السلام عليكم

يوم الاربعاء كنت عند احد المسؤولين في وكاله نيسان (مسؤول عن طلب واستلام السيارات ) وحسب كلامة لايوجد حتى الان اي علم عن مواصفات السيارة

في الحقيقة مواصفات المحرك رائعة خاصة الاختيارين الاخرين لكن السعر :c0038:
مرتفع فعلاً وبدون مبرر

اشكرك على النقل وباذن الله حال وصول اخبار مؤكده من مصدر موثوق ساقوم بوضعها في المنتدى

انا مجرد ناقل للموضوع ، و حتى الآن المواصفات الأساسية غير معلومة

حبيت أعطيكم فكرة عن فئات الباترول الجديد ، و اذا استجد جديد راح تشوفونه بالمنتدى ان شاء الله

طيب ماقلت وش المواصفات الاساسية

اجل طلع النوع الثاني اعلى من مواصفات الاول
والثالث اعلى من الثاني
والرابع اعلى منهم جميع !!!!!


عموما يعطيك العافية على جهدك

قسم بالله قمة المسخره و الاستهتار بالناس اسعار قمة الخيال انا ما ادري وش يحسبون الناس نايمين على حقول بترول او شركاء في بنك الراجحي

اسف اسف على هذا العميل اللي يستغل بأبشع صور الاستغلال بدون أي رحمة من الوكالات الظالمه واللي لم تجد من يردعها عن تعسفها الغير منقطع النظير في حقنا جميعا.
اللاندكروزر تخطى سعر 200 ألف ريال وقلنا معليش
والأن الباترول ينافس اللاندكروزر
وبقي الدور على اليوكون والتاهو والارمادا

شكرا

يعطيك العاافيه اخوي عاالم مشااعر..........بانتظار الباترول على احر من الجمر
تحياتي

في الانتظار
تحياتي