تجـديــد بويــة السيـارة - إستشارة

عبدالله بن علي @user_183279 · 01-11-2009

بسم الله الرحمن الرحيم

السلام عليكم ورحمة الله وبركاته

نحن نعلم بأن سمكرة السيــارة يقلل من قيمتهـــا

لكــن أخوكم في الله صار عليه حادث

ومحتاج أنه يجدد بوية السيارة كامل

التجديد 3000 ريال

عنـد ورشة تركية

هل هذا يضر بقيمة السيارة ؟

تحياتي لكم

abukinan @user_61641 · 01-11-2009

اخوي ماهو نوع السيارة وموديلها وايضا فينمكان الصدمة يعني بصراحة لو الموتر ماهو جديد مرة يعني سعره في السوق بحدود 20 الى 25 الف ريال رشه بالكامل وريح راسك لو يعز عليك الموتر وما انت ناوي تبيع علشان لاتبتلش بفرق اللون خصوصا لو كان اللون فاتح ومن مشتقات الذهبي ا الفضي تراه يفرق وانا اخوك

بدرالخبر @user_186996 · 01-11-2009

حاول قد ماتقدر انك تقلل من الرش لأنه يطيح قيمتها مرره

CAMRY 98 @user_76698 · 01-11-2009

الحمدلله على السلامة وانا اخوك ..

في الحديد ولا في العبيد ..

الصدمة مع وين جت ؟

بيني وبينك ترشها كامل حرام ..

يفرق في سعرها كثير ..

كون انك تحدد مكان الصدمة .. احسن من انك تقول انها مرشوشه كامل .. او انك تقول انها مصدومه مع المكان الفلاني بس انا رشيتها كامل ..

حرام ترشها كامل اذا كنت تقدر تستغني عن رشها ... وتكتفي بتصليح الصدمة فقط ..