لكزس ES أو أودي Q5

طبعاً في مواصفات ثانيه تقدر تضيفها مثل:
1- نظام المرقبه من جانبي السيارة
2- ودرايف سيلكت وهو خيارات القيادة يعني اسبورت أو مريح أوعادي
وغيرها الكثير أودي سيارة ما تخليك تمل منها
وعندي سوأل لمن يقدر يجاوب؟ الصيانه فعلاً مكلفه يعني 10000 كل فتره ولا لا
وتحــــــــــياتي لكم:xyxwave:

مراحب وسهلا اخوي مهلل

انطباعي يا عزيزي عن السياره جدا جدا جيد ماشااء الله
يعني مايوفيني اني اذكر كل المميزات بس بشكل عام عزل ولا اروع
يعني فعلا تعزلك عن العالم الخارجي بمعنى الكلمه بمجر ما انك تقفل الزجاج
والتسارع من تحط القير على الغيار S تغني :bigggrin: ماشااء الله

بالنسبة للمميزات كثيرة والسياره رياضيه على شكل سياره مرتفعه
و احلى مافيها ان كل ما يخطر على بالك في متناول اليد يا بالضغط عليه
من خلال الزر المخصص له او طلبه عن طريقه الاوامر الصوتيه وهذا احلى شئ :xyxthumbs:

وعن المواصفات الي تنقص 4 عن 6 اولا مثل ما ذكرت النافيقيشن الثلاثي الابعاد الرااااائع بصراحه والكميره الخلفيه وشاشة المعلومات الملونه في وسط العدادات فالـ 4 غير ملونه
الماوس الموجود في متناول اليد قبل القير فالـ 4 موجود عند ازرار المكيف والمحرك طبعا
3.2 ليتر 3200 سي سي 270 حصان الـ 4 210 اعتقد والاقزوز سستم الخاص بالـ S
و تغيير القير من الاستيرنج + و -
و الشكل الخارجي يختلف عن الـ 4 لان في زوائد الـ S Line والعلامات على البدي
يعني هذا الي يحضرني حاليا ..

بس انا ليش اتكلم عن الفروقات لان بين الاربعه والسته 20000 !!!
يعني كل هالمواصفات بس تزيد هالمبلغ وتاخذهم
الاربعه 185 الف والسته 205 الف

من ناحية التعليق القاسي والمتعب فطبعا هذه ضريبة ان السياره S Line
بمعنى هذه الفئة بالذات تكون مزوده بنظام تعليق رياضي بحت غير الاطارات
الي بقياس 20" علشان يوفر الثبات على المنحنيات
وبصراحه هذا الشئ عن تجربه واشهد به

اتمنى اكون افدتك

واي استفسار انا حاضر


تحياااااااااااااااااااتي

اهنئك على الموضوع الرائع

واتسغرب من الاخوة الذين يعترضون على المقارنة بين سيارة سيدان وسيارة اس يو في

بالعكس المقارنة اشوفها منطقية لان السعر متقارب

في بلدنا الافضل لك اللكزس , لان وكيلها صاحي والسيارة منتشرة وماشية وبالتالي صياناتها وقطع غيارها في حالة نشاط وحركة

والحركة بركة

والاودي حلوة لكن عن نفسي ما حاشتريها الا اذا عندي وفرة مالية زايدة من باب الاحتياط

هذا كلام يقولو اي وكيل صيانة مجانية لاكن الضمان 5 سنين غبر القطع الاستهلاكية
يعني الهوبات الاقمشة البواجي العكوس جلود المقصات الميزان عليك
لو تبي تصدق اكثر روح للصيانة اسئل اي مالك للأودي يقلك كذب
يبي يمشي البضاعة

على العموم اللكزس وبس ياباني

وعليكم السلام

الأوووودي

ممشاها في شوارعها تكفيك بس !! وتغنيك عن اللكزس والياباني بأكمله :)


الاوودي افضل تقنية وحديثه من اللكزس

بالتوفيق

الأودي بلا شك، يكفيك إنها ألمانية، وكمان ضمانها الشامل على القطع لمدة 5 سنوات، يعني بس تعبي بنزين وتتوكل على الله.

:bigggrin: دوم يارب الضحكه
ترا سعرها 120 الف :bigggrin: فيه نوع منها بهالسعر يعني سعرها رخيص نوعا ما

^^^^^^^^^^^^^^^^^^^^^^^^^^^^^^^^^^^^^^^^^^^^^^

ههههه وربي ضحكتني وانا بطني تعورني من البيبسي الله يكفيك شره ...

مو عشان شي ... بس على حكاية البيع ههه مدقر للرجال ... ياعمي خله يشتري الاودي وربي بيستانس (( يعني انا اللي مو مدقر ابيه يشتريها ))

بس انا منتظر الباشا اللي معاه الاودي ال6 عشان يشرح حكاية التعليق الرياضي اللي اكيد لازم يكون ناشف طبعا وفوقها الجنط الكبير ...

بس ترا حبيتك ... لانو الكل مدقرلك عشان معاك لكزس .. وانا بمصر معاي (( سبيرانزا الصينيه الجميله )) فلازم نغار منك :) .. ولا مو

تحياتي للجميع

نعم ماذكره اخوي صاحب الرد فوق صيانه الاودي كل 15 الف واشوف انها ممتازة

وايضا كثير من السيارات الالمانيه مثل cls500 الصيانه بعد 20 الف !!

والله مادري حتى لو رميتها مستحيل بتجلس تجمع سيارات ببيتكم !! وبتظطر يوم من الايام الى بيعها وحتى لو مابعتها فانا اشوف االصيانه بتتعبك وبنهايه بتظطر تبيعها بسعر رخيص

عموما الله يوفقك مع اني مدري كيف لحد الحين مااشوف احد يبي يشتري سيارة جيب وسيدان بنفس الوقت !! يعني يحط ضمن خياراته سياره سيدان والخيار الثاني جيب !!

الله يوفقك واانا اثريت لموضوع لجل الفائدة فقط

تحياتي لك

شكراً لهذا الإثراء... الذي أعطى الموضوع قيمة وفائدة للجميع...
أخي العزيز جوهرة.... اللكزس مافيه أي عيب وأنا قلت أبي اي زلة من أودي علشان أغيرها....

بالنسبة لمسألة البيع والقيمة وكل هذا الكلام.... فقد صدق الأخ Nice-Man أنا مش راعي بيع سيارات... أشتري وكاله وبعد 5 سنوات أرميها على الإخوة أو ايس شخص من العائلة.. فهذه ماتمني أبداً....

أخي دبدوب ماهو أنطباعك عن q5 وان كان 6 سلندر ماهي مميزاته وعيوبه بالنسبة لك. واي المواصفات الموجودة في 6 سلندر عن 4 سلندر غير النافيجشن والكاميرا... هل هناك شئ جوهري ...
وماهو قصدك بإن الإس لاين قاسي ومتعب ؟ من أي ناحية....

وشكراً للجميع,,, بالإنتظار...

يعطيك العافيه اخوي نايس مان على المعلومات القيمه ..

من ناحية الصيانه انا عندي كيو 5 و اول صيانه هي .. 15000 كم
لا تستغرب لاني استغربت مثلك وقلت للوكاله قالولي رووح وتوكل وماعليك :bigggrin:
وبالنسبة للمواصفات الي ذكرتها عن الـ S Line صفة التعليق الرياضي
احب اقوول انه جدااا متعب وقاااسي

ثانيا اخوي صاحب الموضوع من كلامك انك عزمت على الكيو
لكن برجع اذكرك ان في مواصفات بتنقص عن الـ 6 الفل

وفالنهايه استخير وتوكل


تحياااااااااااااتي

أنا افضل انك تاخذ اودي لانها ألمانية الصنع وجودتها عالية

شكلك ماتعرف سماكو :bigggrin: اذا خلص الضمان :bigggrin:
لاتعليق:a1120(121):

مو قلنا راح يوديها الوكاله وببلاش ... والرجال يقولك هادي ... يعني 4 سنوات

يعني بعد اربع سنوات يكون ان شاء الله كون نفسه وصار مليونير وهالسياره ليكزس او اودي راح يهديها لاخوه الصغير من باب الرأفه ههه

كلكم تلفون وتدورون حلول حكاية البيع والسعر .. البيع والسعر .. بما انو داقها وكاله ف باذن الله ماراح يبيع ... وبدال مايخسر ربع يخسر نص بتميز .. ايش المشكله

صرتوا زي اللي يشتري اغلى نوكيا .. ويفك البيت الاصلي ويركب واحد بعشره ويقعد متمرمط بابو عشره ... والله عشان لمن ابي ابيعه يمسك سعره ... طيب وانا ما استمتع فيه .. وش ابي باللي راح يشتري بعدي ... ولا مو ...
شفيني تحمست ههه

تحياتي

حياك الله
انا قلت 3 سنوات لانه هو الممشى الطبيعي لسيارة راح تقطع خلالها من 70 الف
يعني نقول معدل 25 الف بالسنه راح تكون ماشيه قرابت 80 الف خلاص مابقى الا شي بسيط وينتههي الضمان وويله عاد ماراح يممدون لك الضمان لو تفحط الا اذا كنت محافظ على الصيانه بالوكالة :bigggrin:
ومسالة 5 سنين والتسويق الجيد لسيارة هو الي خلاكم تقولون كذا
ويالغالي ترا الاودي ممتاااز جدا لكن اذا قرب من 90 الف انصحك تبيعه :bigggrin:
وهذيك الساعه دور لها زبون :bigggrin:

مو لانه سيء لا لانه قطع غياره غالييييه ومافيه مراكز فاهمه فيه زي سماكو
واتذكر مره كنت بمحل قطع غيار مرسيدس وبي ام انا اشتري فلتر زيت وجاي راعي اودي يدور قطع غيار ولاحصل حتى لو مسمار :bigggrin:

بينما اللكزس الي الاخ صاحب الموضوع حاطها مع اني مدري كيف حاطها

صيانتها ممتازة بالوكالة حتى لو دفعت 2500 ريال لكل صيانه تضمن ان السيارة اذا جيت تبيعها ماراح ينقص من سعرها كثير وماتكون خسرة قيمة صيانات !! وعلى خسارتك قيمة الصيانه تخسر في قيمة السيارة الاساسيه مبلغ وقدرة !!

والالماني كله عموما كذا هذا المرسيدس حقي خير مثال 30 الف ريال قيمة صيانات ويوم جيت ابيعه ماجاب شي
وصياناتي وفواتيري قالوا بللها واشرب مويتها

بس الحمدلله الله اخذ والله اعطى والحمدلله في كل الاحوال

بالتوفيق يارب ... وان شاء الله بعد الـ 1000 كيلو صيانه تنزلنا التقرير اللي يفرح ان شاء الله

وعقبال الطياره الخاصه :)

تحياتي

شكراً Nice_Man
مقارنه جميلة ...
انته كذا ريحت بلي كثيير جداً... وراح أعتمد الأودي Q5 وراح تكون النواة الأولى الى الألماني ....

شكرا ً مرة أخرى لك وللجميع

شكراً للجميع.... وكما قل أخي العزيز Nice_Manهذه الإختلافات فيالأراء راح تضع النقاط على الأحرف بشكلها الصحيح بالنسبة لي بإذن الله.

نقاط الضعف والقوة في السيارتين بالنسبة لي..

اللاكزس:
1- شكل جميل وخاصة البانورما
2- رحابة وسعة
3- مواصفات عالية
4- لكزس = فخامة
5- أداء عال
6- خدمات مابعد البيع ممتازة

بالنسبة للأودي:
1- شكل جميل وبانوراما
2- الأودي بشكل عام مميز
3- دفع رباعي مستمر
4- 5 سنوات صيانه مجانية
5- امان

سبب الحيرة بين السيارتين هو التالي:

إن الأأودي 4 سلندر فهل هذا راح يؤثر كثيير في اداء السيارة، علاً بإن سياقتي هادئة بشكل عام.

عندما جربت السيارة توقعتها 6 ، تفاجئت بأدائها وقوة العزم بالعلم من إنها 4 سلندر.

من وجهة نظري الأودي مميز كثير جداً على العكس الكزس فهي سيارة منتشره بكثره.
أنا بكل صراحة أميل أكثر للأودي لهذا السببب.

وأريد أن أجد أي عيب فيها لكي أغيرها بالكزس.... ولكن سالفت 5 سنوات صيانه مجانية أعجبتني كثيراً....

شكراً للجميع وما زلت أتقبل جميع المؤيدين المعارضين للأودي والكزس لكي أختار الأنسب والأفضل بينهما بمساعدتكم ...

ولنا لقاء...