تغطية سوبارو ليجاسي وأوتبـاك الجديدة 2010 بالوكالة اليمني للسيارات (فرع التحلية)

ماشاء الله تبارك الله

على البركة السيارة

الله يعطيك خيرها ويكفيك شرها

الله يوفقك ويسعدك بأختيارك صراحة أختيار جميل جدا أخوي التاروتي

سيارة رائعة بكل شيء ومميزة بنفس الوقت :ch19:

وبصراحة هذي الأيام ماسكة معي ودي أشتري نفس هذي الفئة الي تجي فل كامل شفتها قبل كم يوم ثنتين وحدة لؤلؤية ووحدة أسود بنفس الفرع تفرق عن الي معك جلد خامة ممتازة ويكون فيه مسامات مثل الماركات الفخمة وفتحة سقف ومكيف خلفي والقيمة تقريبا 97 ألف ريال

وماشاء الله أجل أخذت نفس هذا اللون الي بالموضوع





صراحة لوووووون رايق مرة وطالع عليه روعة (بعموم الألوان الغامقة دائما جميلة وفخمة)

وأن شاء الله ما تخرب معك الله يحفظها لك ولا تشوف مكروه منها أن شاء الله

أهم شيء نصيحة دامك شريت تحفة سوبارو (الليجاسي) سو مثلي

سو علاقات قوية بالوكالة تعرف على كل شخص كبير بالوكالة ترى تقدر توصل وتتعرف عليهم مو مثل الوكلات الثانية المدير نفسه مو فاضيلك بعكس وكالة اليمني علشان تضبط أمورك في كل شيء كتخفيض في (صيانة, قطع غيار, ألخ)

وننتظر منك التقرير



هلا أخوي العميدد أشكرك على المداخلة الحلوة بالموضوع



هههههههههههههههه

وش دعوة أخوي ليش ما تقدر تسوي مثلي تراني شخص حالي حالك

كل ما عليك أنك تتبع طريقتي وأسلوبي وبيطلع موضوع ولا أحلى منه:

1- صور السيارة بأماكن جميلة جدا وخصوصا دامك من المنطقة الشرقية عندكم أماكن جميلة جدا جدا جدا مقارنة بمنطقة الرياض هههههه وكثر الصور وبأماكن متفرقة حتى تكون كل صورة أحلى من الثانية.

2- تكلم عن كل الأشياء الي تشوفها بالسيارة مثل القوة والأستجابة وقوة التسارع وصوت المحرك والعزل الصوتي ونظام الصوتي وقوة المكابح ورفاهية السيارة وتماسك السيارة وسلاسة القير وقوة المناورة والثبات والراحة والتعليق ومتعة القيادة وغيره ألخ.

3- تكلم عن ميزات السيارة والملاحظات والعيوب بستغرب وش معنا الملاحظات ووش وضعها بين الميزات والعيوب والملاحظات برايي هي مثلا أشياء تتمنى وجودها بالسيارة أو أشياء دون المستوى المطلوب لكن لا تعتبر عيبا فيها.

4- ولا تنسى أستخدام كاميرا أحترافية (أذا ما عندك كلم أحد أصحابك يمتلكها وهاوي التصوير) مع شوي لمسات بالفوتوشوب وتكثر الصور زي الي بموضوعي ثم يصير الموضوع شيق لدرجة تخلي الواحد يقراه كم مرة.

5- أنطباعك عن خدمة الصيانة الوكالة.

6- ولا تنسى تحط ببداية الموضوع (لا تنسو ذكر الله ,,, ماشاء الله تبارك الله)

هنا يصير تقريرك أفضل مني بحكم أنك بتكون أول واحد حظيت بتجربتها وبأتباع نفس الاسلوب وأنا أتمنى أني أسوي تقرير تجربة عنها على كيف كيفك لكن للآسف الوكالة للحين ما وفرو تجربة قيادة لها :c0038:



الله يعطيك العافية أخوي الخائف من الله على الأطراء



الله يعافيك أخوي HNO وأشكرك على الاطراء

[SIZE=4]أخوي أبو أســـد، الليجاسي في الكويت متوفرة فيها الشاشة الأصلية ,,

وسعر الـ GT
تقريباً 9500 آلف دينار كويتي
..


[/SIZE]